၎။ အနန္တရပစ္စည်း (က)

၎။ အနန္တရပစ္စည်း (က)

၁၃၅၃-ခု၊ ဝါခေါင်လဆုတ် (၈)ရက်၊ (၈)ရက်နေ့ နေ့လည်ပိုင်းမှာ ဟောကြားရမည့် တရားတော်က အနန္တရပစ္စည်း တရားတော် ဖြစ်တယ်။ ပစ္စယနိဒ္ဒေသပါဋ္ဌိတော်လာ အနန္တရပစ္စည်း တရားတော် ဖြစ်တယ်။ အနန္တရပစ္စည်းတရားတော်ကို မဟောကြားမီ အနန္တရပစ္စည်းရဲ့သဘောတရားလေးတွေ ယောဂီများ မှတ်မိရအောင် ရှေးဦးစွာ ဟောကြားပါ့မယ်။

ပဋ္ဌာန်းဆိုတော့ ခက်ခဲ၊ နက်နဲ၊ သိမ်မွေ့တဲ့ တရားတော် ဖြစ်တယ်။ "ကျမ်းကြီးပဋ္ဌာန်း၊ ကျမ်းငယ်ဆန်း၊ ကျမ်းလတ်ဓာတုကထာ"လို့ သာသနာတော်မှာ ဆိုရိုးပြုကြတယ်။ "ခက်ခဲ နက်နဲတဲ့နေရာမှာ ပဋ္ဌာန်းကျမ်းဖြစ်တယ်။ ကျမ်းကြီးတွေထဲမှာ ပဋ္ဌာန်းကျမ်းက အခက်ခဲဆုံး၊ အနက်နဲဆုံး၊ အသိမ်မွေ့ဆုံး ဖြစ်တယ်"ဟု ဆိုလိုပါတယ်။

အနန္တရဆိုတဲ့ သူ့ရဲ့နာမည်က - န+အန္တရ။ အန္တရ-က အကြား၊ န-က မရှိတာ၊ အကြားမရှိပဲနဲ့ ကျေးဇူးပြုနေတာ ဖြစ်တယ်။ ဘယ်မှာ ကျေးဇူးပြုသလဲဆိုတော့ ယောဂီများရဲ့ သန္တာန် မျက်စိမှာ၊ နားမှာ၊ နှာခေါင်းမှာ၊ လျှာမှာ၊ ကိုယ်မှာ၊ စိတ်မှာ ကျေးဇူးပြုနေတယ်။ အခု မြတ်စွာဘုရား အနန္တရပါဋ္ဌိတော်မှာ ခေါင်းစဉ်အနေနဲ့ ဟောကြားထားတာကတော့ မျက်စိ၊ နား၊ နှာ၊ လျှာ၊ ကိုယ်မှာပဲ ရှေးဦးစွာ ခေါင်းစဉ်အနေနဲ့ ပောာကြားထားပါတယ်။

ပစ္စည်း = ရဟန္တာတို့ စုတိစိတ် ကြဉ်သော ရှေးရှေးသော စိတ် ၈၉-ပါး စေတသိက် ၅၂-ပါး နှင့် ပဝတ္တိ ပဋိသန္ဓေ နာမက္ခန္ဓာ ၄-ပါး။

ပစ္စယုပ္ပန် = ရဟန္တာတို့၏ စုတိစိတ်နှင့်တကွ နောက်နောက် ဖြစ်ကြသော စိတ် ၈၉-ပါးနှင့် စေတသိက် ၅၂-ပါး။

ပစ္စယသတ္တိ = စကြာဝတေးမင်းကြီး၏ နတ်ရွာလားခြင်းသည် သားကြီးရတနာအား မင်းအဖြစ် အဘိသိက်ခံခြင်းငှာ ကျေးဇူးပြုသကဲ့သို့ ရှေ့ရှေ့ဖြစ်သော စိတ်စေတသိက်တို့သည် နောက်နောက်အခြားမဲ့ ဖြစ်ကြသည့် စိတ်စေတသိက်တို့အား အနန္တရသတ္တိဖြင့် ကျေးဇူးပြုကြကုန်၏ ။

ရှေးရှေးနှစ်မျိုးစေ့သည် နောက်နောက်နှစ်မျိုးစေ့အား အစဉ်မပြတ် ဖြစ်ပေါ်ရစ်အောင် မျိုးအညှောက်ပေးခြင်းဖြင့် ကျေးဇူးပြုသကဲ့သို့ ရှေးရှေး စိတ္တုပ္ပါဒ်သည် မိမိချုပ်ပျက်သည်ရှိသော် နောက်နောက် စိတ်တ္တုပ္ပါဒ် ဖြစ်ပေါ်ရစ်ရန် မျိုးအညှောက်ပေး၍ ကျေးဇူးပြု၏ ။ စိတ်ကလည်း နောက်စိတ်ဖြစ်ရန် စိတ်မျိုးအညှောက် ချန်ထားခဲ့၏ ။ ဖဿကလည်း နောက်ဖဿဖြစ်ရန် ဝေဒနာကလည်း နောက်ဝေဒနာဖြစ်ရန် အလုံးစုံသော စေတသိက်တို့သည် အသီးသီး မိမိတို့၏ ဇာတ်အစဉ် အစဉ်အဆက်မပြတ် ဖြစ်ပေါ်ရန် မျိုးအညှောက် ချန်ထားခဲ့ကြ၏ ။ ဤသို့ နောက်စိတ္တုပ္ပါဒ်အား ဖြစ်ပေါ်ခွင့်ရရန် မျိုးအစဉ်ပေးသည် အဖြစ်ဖြင့် ကျေးဇူးပြုမှုကို အနန္တရပစ္စယသတ္တိဟု ခေါ်၏ ။

သင်္ဂြိုဟ်ဆိုင်ရာ မှတ်သားဖွယ်

နာမ်သည် နာမ်အား ကျေးဇူးပြုပုံမှာ -
နာမ်သည် နာမ်အား အနန္တရ, သမနန္တရ, အာသေဝန, သမ္ပယုတ္တ, နတ္ထိ, ဝိဂတ-ဟူသော ပစ္စည်း ၆-ပါးဖြင့် ကျေးဇူးပြု၏ ။

အခြားမဲ့ ဖြစ်၍ ချုပ်ကုန်ပြီးသော စိတ်စေတသိက်တို့သည် အကြောင်းကို စွဲ၍ ဖြစ်ကုန်သော စိတ်စေတသိက်တို့အား အနန္တရ, သမနန္တရ, နတ္ထိ, ဝိဂတပစ္စည်းတို့၏ အစွမ်းဖြင့် ကျေးဇူးပြုကြ၏ ။

ရှေးရှေးဖြစ်သော ဇောတို့သည် နောက်နောက်ဖြစ်သော ဇောတို့အား အာသေဝနပစ္စည်း၏ အစွမ်းဖြင့် ကျေးဇူးပြုကြ၏ ။

အတူတကွ ဖြစ်ကြကုန်သော စိတ်စေတသိက်တို့သည် အချင်းချင်းအား သမ္ပယုတ္တပစ္စည်း၏ အစွမ်းဖြင့် ကျေးဇူးပြုကြ၏ ။

ဆောင်ပုဒ်။ ။ အနန်, သနန်၊ ဥ, အာ, ကမ်၊ မှတ်ရန် နတ္ထိ ဝိဂတ။ (အနန်-သနန်-ဥ-နတ်-ဝိ ၅-ပစ္စည်း အနန္တရကြီး)

အနန္တရပစ္စည်း၏ သဘောတရားများ

ဤအနန္တရမျိုး၌ ရှေးရှေးစိတ်သည် အကြောင်းပစ္စည်း၊ နောက်နောက်စိတ်သည် အကျိုးပစ္စယုပ္ပန် ဖြစ်သည်။ ထိုသို့ နာမ်တရားတို့သည် ရှေ့နောက်စဉ်ဆက်အခြားမရှိ ကျေးဇူးပြုခြင်းသဘောသတ္တိသည် အနန္တရသတ္တိပင် ဖြစ်သည်။

ထိုသို့ စိတ္တက္ခဏ မခြားမူ၍သာ ကျေးဇူးပြုသော်လည်း ရုပ်တရားများ ခြားနားရာ၌ကား ကျေးဇူးပြုနိုင်ကြောင်းကို၎င်း၊ ရှေးရှေးဇောသည် နောက်နောက်ဇောအား ကျေးဇူးပြုသကဲ့သို့ သမာပတ် ဝင်စားခါနီး၌ ဖြစ်သော နေဝသညာ နာသညာယတန ဈာန်ဇော ဝင်စားစဉ် တိဇရုပ်များ ခြားသော်လည်း သမာပတ်မှ ထသောအခါ ဖိုလ်ဇောအား အနန္တရသတ္တိဖြင့်ပင် ကျေးဇူးပြုနိုင်ကြောင်းကို၎င်း "နိရောဓာ ဝုဋ္ဌဟန္တဿနေဝ--ကု--ကြိ--ဖလသမာပတ္တိယာ အနန္တ--ယော" ဟူသော အနုဝါဒ ပါဠိကို ထောက်၍ သိနိုင်သည်။

နိရောဓ သမာပတ်ဝင်စားစဉ်ကာလ၌ စိတ္တဇရုပ်မှ တပါးသော (ကံ-ဥ-ဟာ) တိဇရုပ်များသည် အကြိမ်ပေါင်းမြောက်များစွာ ဖြစ်ပျက်၍ ခြားသော်လည်း အနန္တရသတ္တိဖြင့်ပင် ကျေးဇူးပြုသည်။

ကာမဘုံမှ စုတေ၍ အသညသတ် ဗြဟ္မာပြည်၌ လားကြရသော ဗြဟ္မာများသည် ကာမဘုံသို့ပင် ပြန်လာကြ၍ ကာမစုတိနောက်၌ (ရုပ်ဘုံခြား၍) ကာမပဋိသန္ဓေနေကြရာ၌ အနန္တရသတ္တိဖြင့်ပင် ကျေးဇူးပြုသည်။

အကြောင်းကား - ရုပ်အစဉ်အဆက်နှင့် နာမ်အစဉ်အဆက်တို့သည် ပင်ကိုယ်ကပင် ခြားနားလျက် ရှိကြသည်။ ထို့ကြောင့် ရုပ်တရားတို့သည် နာမ်တရားတို့၏ အစဉ်အဆက်၌ ဝင်ရောက်ခြားနားခြင်းငှာ မတတ်နိုင်ပါချေ။ ထို့ကြောင့် အနန္တသတ္တိဖြင့် ကျေးဇူးပြုသည်။

ဆောင်ပုဒ်။ ။ အနန်-သမန်၊ အာ-သေ-သမ်၊ မှတ်ရန် နတ္တိ ဝိဂတ။ နာမ်သက်သက်သာ၊ ဟောပဥှာ၊ ခြောက်ဖြာပစ္စယ။ (ပဥှာဝါရ)

• စက္ခုဝိဉာဏ်သည် သမ္ပဋိစ္ဆိုင်းအား။ သမ္ပဋိစ္ဆိုင်းသည် သန္တီရဏအား ကျေးဇူးပြုပုံကို ပြသကဲ့သို့ သန္တီရဏသည် ဝုဋ္ဌောအား စသည်ဖြင့် ဘဝင်တိုင်အောင် အစဉ်တိုင်အောင် မပြရခြင်း။

အစဉ်အတိုင်းပြသင့်သော်လည်း နောက်ကပြအပ်ပြီးသောနည်းဖြင့် သိလောက်ပြီ ဖြစ်၍ ဒေသနာတော်ကို အကျဉ်းချုံး၍ ဟောထားသောကြောင့်၎င်း။ (တနည်း) နောက်၌ ပြလတ္တံသော ပုရိမာ ပုရိမာ ကုသလာ - စသောပါဌ်ဖြင့် သိမ်းယူအပ်သောကြောင့်၎င်း - မပြပါ။ (ကောက်- ၆၂၈)

• အဆုံး၌ ယေသံ ယေသံ-စသောပါဌ်ကို ထပ်၍ ဟောတော်မူရခြင်း။

(ခပ်သိမ်းသော) အနန္တပစ္စည်း ပစ္စယုပ္ပန် တရားတို့၏ အကျဉ်းလက္ခဏာကို ပြလိုသောကြောင့် ယေသံ ယေသံ- စသောပါဌ်ကို ထပ်၍ ဟောတော်မူရပါသည်။ (ကောက်- ၂၆/၆၂၉)

• အနန္တရနှင့် သမနန္တရ နှစ်ပစ္စည်းတို့သည် တူသလော၊ ထူးသလော ရှင်းလင်းပြခြင်း။

ထိုနှစ်ပစ္စည်းတို့ကား ဥပစယ နှင့် သန္တတိ ကဲ့သို့၎င်း၊ အဓိဝစန ဒုက် နှင့် နိရုတ္တိ ဒုက်- စသည်တို့ကဲ့သို့၎င်း၊ အနက်အားဖြင့် အထူးအပြား မရှိပါ။ သဒ္ဒါမျှသာ ထူးပါသည်။ ( ကောက် - ၆၂၉)

• အနန္တရပစ္စည်း ကု-ကု ၌ "ပုရိမာ ပုရိမာ ကုသလာ ခန္ဓာ" စသည်ဖြင့်ပင် ကုသိုလ် နာမက္ခန္ဓာ တို့ကို တပေါင်းတည်း ယူနိုင်လျက် "အနုလောမံ ဂေါတြဘုဿ" စသည်ကို ဟောတော်မူပါရခြင်း။ (ပဥှာဝါရ)

- နာနာရမ္မဏ တရားသည် နာနာရမ္မဏတရားအား ကျေးဇူးပြုရာသလော, မပြုရာသလော-ဟူသော ယုံမှားသင်္ကာကို နစ်စေလိုသောကြောင့် "အနုလောမံ ဂေါတြဘုဿ၊ အနုလောမံ ဝေါဒါနဿ" ဟု ထပ်၍ ဟောပါသည်။

- နာနာဘုမ္မိက တရားအချင်းချင်း အနန္တရသတ္တိဖြင့် ကျေးဇူးပြုရာသလော, မပြုရာသလော-ဟူသော ယုံမှားသင်္ကာကို နစ်စေလိုသောကြောင့် -"ဂေါတြဘူ မဂ္ဂဿ၊ ဝေါဒါနံ မဂ္ဂဿ" ဟူသော ပါဌ်ကို ထပ်၍ ဟောပါသည်။

- ကုသလံဝုဋ္ဌာနဿ -၌ ကုသလံ-အရ တေဘူမက ကုသိုလ်ကိုယူ၊ ဝုဋ္ဌာန-အရ တေဘူမက ဝိပေါက်ကို ယူရပါသည်။ (ဤနေရာ၌- ကုသိုလ်ဇောမှ ထတတ်သောကြောင့် 'ဝုဋ္ဌာန'ဟု ခေါ်သည်။)

- မဂ္ဂေါ ဖလဿ -၌ လောကုတ္တရာဝိပေါက်သည် ဇောဝီထိ၌ အကျုံးဝင်၍ ဝုဋ္ဌာန မမည်သောကြောင့် သီးခြားဟောရသည်။

---------------

မျက်စိအကြည်မှာ အဆင်း ရူပါရုံ လာတိုက်တဲ့အခါ စိတ်တွေဟာ (၁၇)ချက် ဖြစ်သွားတယ်။ နားအကြည်မှာ အသံ သဒ္ဒါရုံ လာတိုက်တဲ့အခါမှာလည်း စိတ်တွေက (၁၇)ချက် ဖြစ်သွားတယ်။ နှာခေါင်းအကြည်မှာ အနံ့ ဂန္ဓာရုံ လာတိုက်တဲ့အခါမှာလည်း စိတ်တွေဟာ (၁၇)ချက် ဖြစ်သွားတယ်။ လျှာအကြည်မှာ အရသာ ရသာရုံ လာတိုက်တဲ့အခါမှာလည်း စိတ်တွေဟာ (၁၇)ချက် ဖြစ်သွားတယ်။ ကိုယ်အကြည်မှာ အတွေ့ဖောဋ္ဌဗ္ဗာရုံ လာတိုက်တဲ့အခါမှာလည်း (၁၇)ချက် ဖြစ်သွားပါတယ်။

အဲဒီ (၁၇)ချက်မှာ ရှေ့ရှေ့စိတ်တွေက နောက်နောက်စိတ်တွေ ဖြစ်ပေါ်လာရအောင် အကြားမရှိသောအားဖြင့် ကျေးဇူးပြုနေတယ်။ ဘယ်လိုများ ကျေးဇူးပြုသလဲဆိုရင် ရှေ့စိတ်က ချုပ်ပျောက်သွားပြီးလျှင် နောက်စိတ် ဖြစ်ပေါ်လာရအောင် ကျေးဇူးပြုတယ်။

စကြာမင်းကြီးနှင့် သားကြီးရတနာလိုပဲ

ရှေးအခါတုန်းက လေးကျွန်းတစ်မြင့်မိုရ်ကို အစိုးရတဲ့ စကြာမင်းကြီးဆိုတာ ရှိပေတယ်။ အဲဒီစကြာမင်းကြီးသည် တိုင်းပြည်အုပ်စိုး၍ မင်းစည်းစိမ်ကို ခံစားနေရပေတယ်။ တိုင်းပြည်ကိစ္စအဝဝ၊ နန်းတော်ကိစ္စအဝဝ၊ မင်းကိစ္စအဝဝမှန်သမျှကို သားကြီးရတနာက အကုန်လုံး စီစဉ်ပေးရတယ်။ သားကြီးရတနာက စီစဉ်ပေးသောကြောင့် မင်းကြီးက မင်းစည်းစိမ် ခံစားရတယ်။ မင်းကြီး သက်တော်ကုန်လို့ နတ်ရွာစံသွားတဲ့အခါ၊ ကွယ်လွန်သွားတဲ့အခါ သားကြီးရတနာ ချက်ချင်းပဲ မင်းကြီးဖြစ်တယ်။ ကြားထဲမှာ မင်းတစ်ပါးဖြစ်လို့ မရတော့ပေဘူး။ စကြာမင်းကြီး ကွယ်လွန်သွားတာ သားကြီးရတနာ မင်းဖြစ်ဖို့ရာ ကျေးဇူးပြုခဲ့တာပဲ ဖြစ်တယ်။

အနန္တရပစ္စည်းက အနန္တရပစ္စယုပ္ပန်တွေကို ကျေးဇူးပြုတာလည်း ဒီအတိုင်းပဲ ဖြစ်တယ်။ ရှေ့စိတ်ကွယ်ပျောက်သွားတာ နောက်စိတ်ဖြစ်ပေါ်ဖို့ရာ ကျေးဇူးပြုခဲ့တယ်။ ကြားထဲမှာ အခြားတစ်ခုမှ မရှိစေရဘူးတဲ့။ အဲဒီ ရှေ့စိတ်ကနေ နောက်စိတ်ကို ကျေးဇူးပြုနေပုံက စိတ်အစဉ်အတန်းကြီးကို ရှေးဦးစွာ သိထားနိုင်မှ သြော် ..ဒီလို ကျေးဇူးပြုတယ်ကိုးဟု သိကြရပါမည်။

ဝီထိစိတ်အစဉ် ဖြစ်ပုံဇယား

တီ န ဒ ပ စ သံ န္တီ ဝု	ဇော ဇော ဇော ဇော ဇော ဇော ဇော	ရုံ ရုံ	(၁၇)
အဗျာကတ	ကုသိုလ်၊ အကုသိုလ်၊ အဗျာကတ	အဗျာကတ

ဆောင်ပုဒ်။ ။ ရှေ့ရှစ်၊ နောက်နှစ်၊ အဗျာကတဖြစ်။ အလယ်ခုနှစ်မှာ၊ ကု.အ.ဗျာ၊ မှန်စွာဖြစ်ပေသည်။

ကျေးဇူးတော်ရှင် မဟာစည်ဆရာတော်ဘုရားကြီးက ဤဝီထိအစဉ်ဖြစ်ပုံကို အတိုချုပ် လွယ်လွယ်နှင့် မှတ်သားနိုင်ရအောင် ဆောင်ပုဒ်များ ရေးသားထားခဲ့ပါတယ်။

ဆောင်ပုဒ်။ ။ ဘဝင်ဆင်ခြင်၊ မြင်ပြီးလျှင်၊ ထို့ပြင်လက်ခံတုံ၊ စုံစမ်းဆုံးဖြတ်၊ ဇောစိတ်သတ်၊ နှစ်ရပ်တဒါရုံ။

ဘဝင် ဆိုသည်မှာ - အတီတဘဝင်၊ ဘဝင်္ဂစလန၊ ဘဝဂုင်္ပစ္ဆေဒ - ဤ(၃)မျိုးကို ဆိုတာဖြစ်တယ်။
ဆင်ခြင် ဆိုသည်မှာ - ပဉ္စဒွါရာဝဇ္ဇန်းကို ဆိုတာ ဖြစ်တယ်။
မြင်ပြီးလျှင် ဆိုသည်မှာ - စက္ခုဝိညာဏ်စိတ်ကို ဆိုတာ ဖြစ်တယ်။
လက်ခံ ဆိုသည်မှာ - သမ္ပဋိစ္ဆိုင်းကို ဆိုတာ ဖြစ်တယ်။
စုံစမ်း ဆိုသည်မှာ - သန္တီရဏကို ဆိုတာ ဖြစ်တယ်။
ဆုံးဖြတ် ဆိုသည်မှာ - ဝုဋ္ဌောကို ဆိုတာဖြစ်တယ်။
ဇောစိတ်သတ် ဆိုသည်မှာ - ဇော(၇)ကြိမ်ကို ဆိုတာ ဖြစ်တယ်။
နှစ်ရပ်တဒါရုံ ဆိုသည်မှာ - တဒါရုံ(၂)ကြိမ်ကို ဆိုတာ ဖြစ်တယ်။

အတီတဘဝင်၊ ဘဝင်္ဂစလန၊ ဘဝဂုင်္ပစ္ဆေဒ၊ ပဉ္စဒွါရာဝဇ္ဇန်း၊ စက္ခုဝိညာဏ်၊ သမ္ပဋိစ္ဆိုင်း၊ သန္တီရဏ၊ ဝုဋ္ဌော၊ ဇော (ရ)ကြိမ်၊ တဒါရုံ (၂) ကြိမ်။

ဒါက စက္ခုဒွါရအတွက် မျက်စိအကြည်မှာ အဆင်း ရူံပါရုံ လာတိုက်တဲ့အခါ စက္ခုဝိညာဏ်လေး ဖြစ်တဲ့အခိုက်အတန့် စိတ်တွေ (၁၇)ချက် ဖြစ်သွားပုံကို ပြတာဖြစ်တယ်။

---

နားအကြည်မှာ အသံ သဒ္ဒါရုံ လာတိုက်တဲ့အခါမှာလည်း ဒီအတိုင်းပဲ (၁၇)ချက် ဖြစ်သွားတယ်။

အတီတဘဝင်၊ ဘဝင်္ဂစလန၊ ဘဝဂုင်္ပစ္ဆေဒ၊ ပဉ္စဒွါရာဝဇ္ဇန်း၊ သောတဝိညာဏ်၊ သမ္ပဋိစ္ဆိုင်း၊ သန္တီရဏ၊ ဝုဋ္ဌော၊ ဇော (ရ)ကြိမ်၊ တဒါရုံ (၂) ကြိမ်။

---

နှာခေါင်းအကြည်မှာ အနံ့ ဂန္ဓာရုံ လာတိုက်တဲ့အခါမှာလည်း နံသိစိတ်ကလေး ဖြစ်တဲ့အခါမှာလည်း (၁၇)ချက် ဖြစ်သွားတယ်။

အတီတဘဝင်၊ ဘဝင်္ဂစလန၊ ဘဝဂုင်္ပစ္ဆေဒ၊ ပဉ္စဒွါရာဝဇ္ဇန်း၊ ဃာနဝိညာဏ်၊ သမ္ပဋိစ္ဆိုင်း၊ သန္တီရဏ၊ ဝုဋ္ဌော၊ ဇော (ရ)ကြိမ်၊ တဒါရုံ (၂) ကြိမ်။

---

လျှာအကြည်မှာ အရသာ ရသာရုံ လာတိုက်တဲ့အခါမှာလည်း (၁၇)ချက် ဖြစ်သွားတယ်။

အတီတဘဝင်၊ ဘဝင်္ဂစလန၊ ဘဝဂုင်္ပစ္ဆေဒ၊ ပဉ္စဒွါရာဝဇ္ဇန်း၊ ဇိဝှာဝိညာဏ်၊ သမ္ပဋိစ္ဆိုင်း၊ သန္တီရဏ၊ ဝုဋ္ဌော၊ ဇော (ရ)ကြိမ်၊ တဒါရုံ (၂) ကြိမ်။

---

ကိုယ်အကြည်မှာ အတွေ့ ဖောဋ္ဌဗ္ဗာရုံ လာတိုက်တဲ့အခါလည်း (၁၇)ချက် ဖြစ်သွားတယ်။

အတီတဘဝင်၊ ဘဝင်္ဂစလန၊ ဘဝဂုင်္ပစ္ဆေဒ၊ ပဉ္စဒွါရာဝဇ္ဇန်း၊ ကာယဝိညာဏ်၊ သမ္ပဋိစ္ဆိုင်း၊ သန္တီရဏ၊ ဝုဋ္ဌော၊ ဇော (ရ)ကြိမ်၊ တဒါရုံ (၂) ကြိမ်။

မြတ်စွာဘုရား ပါဠိတော်မှာ ဟောကြားတာ ဒီ(၅)ဒွါရကိုပဲ ခေါင်းစဉ်ပြထားပါတယ်။ အတီတဘဝင်၊ ဘဝင်္ဂစလန၊ ဘဝင်္ဂုပစ္ဆေဒ-ဆိုတာက မျက်စိအကြည်လေးမှာ ရူပါရုံ အဆင်း လာတိုက်တဲ့အခါ အတီတဘဝင်ဆိုတဲ့ ဘဝင်တစ်ချက် လွန်သွားတာ ဖြစ်တယ်။ နောက်တစ်ခါ ဘဝင်လှုပ်လာတာကို ဘဝင်္ဂစလနလို့ ခေါ်တယ်။ နောက်တစ်ခါ ဘဝင်ပြတ်သွားတာကို ဘဝင်္ဂုပစ္ဆေဒလို့ ခေါ်တယ်။ နောက်တစ်ခါ ဆင်ခြင်တဲ့စိတ်ကလေးကို ပဉ္စဒွါရာဝဇ္ဇန်းလို့ ခေါ်တယ်။ နောက်ပြီးမှ စက္ခုဝိညာဏ်၊ သမ္ပဋိ စ္ဆိုင်း၊ သန္တီရဏ - စသည် ဖြစ်လာပါတယ်။

အဲဒီမှာ ပါဠိတော်မှာ ဟောကြားတော့ စက္ခုဝိညာဏ်လေးက စပြီး ဟောကြားပါတယ်။ စက္ခုဝိညာဏ်ကို ပါဠိတော်ဝေါဟာရအားဖြင့် စက္ခုဝိညာဏဓာတု လို့ ခေါ်တယ်။ တံသမ္ပယုတ္တကာ စ ဓမ္မာ - ဆိုတာ စက္ခုဝိညာဏ်နှင့် ယှဉ်တဲ့ စေတသိက်ကို ပြောတာ ဖြစ်တယ်။ မနောဓာတုယာ တံသမ္ပယုတ္တကာနဉ္စ ဓမ္မာနံ-ဆိုတာ သမ္ပဋိ စ္ဆိုင်း ကို ပြောတာဖြစ်တယ်။ သမ္ပဋိ စ္ဆိုင်းရဲ့ နာမည်က ပါဠိတော်မှာ မနောဓာတုလို့ ခေါ်တယ်။

မနောဓာတု တံသမ္ပယုတ္တကာ စ ဓမ္မာ မနောဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အနန္တပစ္စယေန ပစ္စယော = ၌ -

သန္တီရဏကို မနောဝိညာဏဓာတု လို့ခေါ်တယ်။ သဘောပေါက်ပြီးတော့ ရွတ်ဆိုရတော့ ပိုပြီးတော့ ကုသိုလ်ရပါတယ်။ မိမိအတွက်လည်း အကျိုးများမယ်။ သာသနာအတွက်လည်း အကျိုးများမယ်။

'စ' စက္ခုဝိညာဏ်ကို ပါဠိတော် ဝေါဟာရအားဖြင့် စက္ခုဝိညာဏဓာတု လို့ ခေါ်ပါတယ်။ 'သံ' သမ္ပဋိ စ္ဆိုင်းကို မနောဓာတုလို့ ခေါ်ပါတယ်။ 'န္တီ' သန္တီရဏကို ပါဠိတော် အခေါ်အားဖြင့် မနောဝိညာဏဓာတု-လို့ ခေါ်ပါတယ်။

စက္ခုဝိညာဏဓာတု တံသမ္ပယုတ္တကာ စ ဓမ္မာ မနောဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော။ မနောဓာတု တံသမ္ပယုတ္တကာ စ ဓမ္မာ မနောဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော။

ပါဠိတော်ခေါင်းစဉ်လေးကို စက္ခုဝိညာဏ်က စပြီး မြတ်စွာဘုရား ဟောကြားပါတယ်။ စက္ခုဝိညာဏ်ကနေပြီးတော့ သမ္ပဋိ စ္ဆိုင်းကို ကျေးဇူးပြုပုံ၊ သမ္ပဋိ စ္ဆိုင်းကနေပြီး သန္တီရဏကို ကျေးဇူးပြုပုံ၊ အကြားမရှိ ကျေးဇူးပြုပုံကို ဟောကြားတာဖြစ်တယ်။

နောက် 'သောတ'ကျတော့ ဒီအတိုင်းပါပဲ။ စက္ခုဝိညာဏ်နေရာမှာ သောတဝိညာဏ် ထည့်ပြီး သမ္ပဋိ စ္ဆိုင်း၊ သန္တီရဏ တို့ကိုတော့ ရှေ့ကအတိုင်း ထည့်ရပါတယ်။ သောတဝိညာဏ်ကိုတော့ ပါဠိတော် ဝေါဟာရအခေါ်က သောတဝိညာဏဓာတု-လို့ ခေါ်တယ်။ သမ္ပဋိ စ္ဆိုင်းကိုတော့ မနောဓာတု-လို့ ခေါ်ပါတယ်။ သန္တီရဏကိုတော့ မနောဝိညာဏဓာတု-လို့ ခေါ်ပါတယ်။

သောတဝိညာဏဓာတု တံသမ္ပယုတ္တကာ စ ဓမ္မာ မနောဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော မနောဓာတု တံသမ္ပယုတ္တကာ စ ဓမ္မာ မနောဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော။

သောတဝိညာဏ်က စပြီးတော့ သမ္ပဋိ စ္ဆိုင်းကို အကြားမရှိ ကျေးဇူးပြုပုံ၊ သမ္ပဋိ စ္ဆိုင်းကနေပြီးတော့ သန္တီရဏကို အကြားမရှိ ကျေးဇူးပြုပုံ ဖြစ်တယ်။

သောတပြီးတော့ ဃာနလည်း ဒီအတိုင်းပဲ။ ဃာနဝိညာဏ်ကို ပါဠိတော်အားဖြင့် ဃာနဝိညာဏဓာတု -လို့ ခေါ်ပါတယ်။ သမ္ပဋိ စ္ဆိုင်းကိုတော့ မနောဓာတု-လို့ ခေါ်ပါတယ်။ မထူးပါဘူး။ သန္တီရဏကို မနောဝိညာဏဓာတုလို့ ခေါ်ပါတယ်။

ဃာနဝိညာဏဓာတု တံသမ္ပယုတ္တကာ စ ဓမ္မာ မနောဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော မနောဓာတု တံသမ္ပယုတ္တကာ စ ဓမ္မာ မနောဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော။

ဃာနဝိညာဏ်ပြီးတော့ ဇိဝှါဝိညာဏ် ဖြစ်တယ်။ ဇိဝှါဝိညာဏ်ကို ပါဠိတော်အားဖြင့် ဇိဝှါဝိညာဏဓာတု-လို့ ခေါ်တယ်။ သမ္ပဋိ စ္ဆိုင်းကို မနောဓာတု-လို့ ခေါ်တယ်။ သန္တီရဏကို မနောဝိညာဏဓာတု-လို့ ခေါ်တယ်။

ဇိဝှါဝိညာဏဓာတု တံသမ္ပယုတ္တကာ စ ဓမ္မာ မနောဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော မနောဓာတု တံသမ္ပယုတ္တကာ စ ဓမ္မာ မနောဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော။

ကာယဝိညာဏ်ကို ပါဠိတော်အားဖြင့် ကာယဝိညာဏဓာတု-လို့ ခေါ်ပါတယ်။ သမ္ပဋိ စ္ဆိုင်းကို မနောဓာတု-လို့ ခေါ်တယ်။ သန္တီရဏကို မနောဝိညာဏဓာတု-လို့ ခေါ်ပါတယ်။

ကာယဝိညာဏဓာတု တံသမ္ပယုတ္တကာ စ ဓမ္မာ မနောဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော မနောဓာတု တံသမ္ပယုတ္တကာ စ ဓမ္မာ မနောဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အနန္တရပစ္စယေန ပစ္စယော။

ကာယဝိညာဏ်စိတ်က စပြီးတော့ သမ္ပဋိ စ္ဆိုင်းကို အကြားမရှိ ကျေးဇူးပြုပုံ၊ သမ္ပဋိ စ္ဆိုင်းကနေပြီး သန္တီရဏကို အကြားမရှိ ကျေးဇူးပြုပုံ ဖြစ်တယ်။

မြတ်စွာဘုရား (၅)ဒွါရမှာ ဖြစ်လာတဲ့ စိတ်တွေ အကြားမရှိ ကျေးဇူးပြုပုံကို အခုလို ခေါင်းစဉ်ပဏာမအားဖြင့် ဟောကြားလိုက်တာပဲ ဖြစ်ပါတယ်။

စက္ခုဝိညာဏဓာတု ..... အနန္တရပစ္စယေန ပစ္စယော။ မနောဓာတု ............. အနန္တရပစ္စယေန ပစ္စယော။ ။ ကာယဝိညာဏဓာတု .... အနန္တရပစ္စယေန ပစ္စယော။ မနောဓာတု .............. အနန္တရပစ္စယေန ပစ္စယော။
စက္ခုဝိညာဏဓာတု = ဆိုတာက စက္ခုဝိညာဏ်စိတ် ဖြစ်တယ်။ တံသမ္ပယုတ္တကာ စ ဓမ္မာ = ဆိုတာက စက္ခုဝိညာဏ်နှင့် ယှဉ်တဲ့ စေတသိက်တွေ ဖြစ်တယ်။ မနောဓာတုယာ = ဆိုတာက သမ္ပဋိ စ္ဆိုင်းစိတ် ဖြစ်တယ်။ တံ သမ္ပယုတ္တကာနဉ္စ ဓမ္မာနံ = ဆိုတာ သမ္ပဋိ စ္ဆိုင်းနဲ့ ယှဉ်တဲ့ စေတသိက်တွေ ဖြစ်တယ်။ မနောဝိညာဏ ဓာတုယာ = ဆိုတာ သန္တီရဏစိတ် ဖြစ်တယ်။ တံ သမ္ပယုတ္တကာနဉ္စ ဓမ္မာနံ = ဆိုတာက သန္တီရဏနဲ့ ယှဉ်တဲ့ စေတသိက်တွေ ဖြစ်တယ်။

စိတ်နဲ့ စေတသိက်တွဲပြီး ဟောတာဖြစ်တယ်။ တံ သမ္ပယုတ္တကာ စ ဓမ္မာ = ဆိုတာက စေတသိက်ကို ပြောတာဖြစ်တယ်။ အချက်တိုင်း အချက်တိုင်းမှာ တံ သမ္ပယုတ္တကာ = ဆိုတာ စေတသိက်ကို ပြောတာ ဖြစ်တယ်။ စိတ်က အဓိကပါပဲ။ ဒါကြောင့် စိတ်ကို အဓိကထားပြီးတော့ ဒီမှာ ဝီထိအစဉ် ချပြထားတာဖြစ်တယ်။ ဘယ်နှစ်ချက် ဟောလို့ရသွားလဲ ... (၅)ချက်ဟောလို့ ရပါတယ်။

ဆက်ရန် ..... အနန္တရ (ခ) သို့