ဓမ္မဗောဓိ

သဗ္ဗဒါနံ ဓမ္မဒါနံ ဇိနာတိ၊ ခပ်သိမ်းသော အလှူတို့တွင် တရားအလှူသည် အမြတ်ဆုံးဖြစ်၏။

၆။ သဟဇာတ ပစ္စည်း

၆။ သဟဇာတ ပစ္စည်း (က)

၁၃၅၃-ခု၊ ဝါခေါင်လကွယ်နေ့၊ နေ့လည်ပိုင်းမှာ ဟောကြားမည့် တရားတော်က မြတ်စွာဘုရား ဟောကြားတော်မူအပ်တဲ့ ပဋ္ဌာန်းပါဠိတော် အစဉ်အားဖြင့် သဟဇာတပစ္စည်းကို ဟောကြားပါ့မယ်။

သဟဇာတပစ္စည်း၌ သဟဇာတ၏ အနက်အဓိပ္ပါယ်

သဟဇာတ -ဆိုတာ သဟ-က = အတူတကွ၊ ဇာတ-က = ဖြစ်လာ။ မိမိနှင့် အတူတကွဖြစ်တဲ့ ပစ္စယုပ္ပန်တရား၊ အကျိုးတရားတွေကို ဖြစ်ပေါ်အောင် ကျေးဇူးပြုတာကို "သဟဇာတပစ္စည်း"လို့ ခေါ်ပါတယ်။ သဟ = အတူတကွ၊ ဇာတ = ဖြစ်တဲ့ ပစ္စယုပ္ပန်တရား၊ အကျိုးတရားတွေကို ဖြစ်ပေါ်အောင် ကျေးဇူးပြုတဲ့ ပစ္စည်းတရား ဖြစ်တယ်။

ပစ္စည်းတရားက အကြောင်းတရား၊ ပစ္စယုပ္ပန်တရားက အကျိုးတရား။ အကြောင်းနဲ့ အကျိုးတရားဆိုတာ အကြောင်းတရားက ရှေ့ကဖြစ်တယ်။ အကျိုးတရားက နောက်ကဖြစ်တယ်။ သာမာန်ပုဂ္ဂိုလ်တွေရဲ့ အသိဖြစ်တယ်။ မြတ်စွာဘုရားရဲ့ အသိဉာဏ်မှာတော့ သဟဇာတပစ္စည်းတရားအနေနဲ့ ပစ္စည်းအကြောင်းတရားနဲ့ ပစ္စယုပ္ပန်အကျိုးတရားဟာ အတူတကွ တစ်ချိန်တည်းလို ဖြစ်ပြီးတော့ ကျေးဇူးပြုတယ်လို့ ထင်ရှားပါတယ်။

သာမာန်ပုဂ္ဂိုလ်တွေ ဉာဏ်မှာတော့ မထင်ရှားနိုင်ပေဘူး။ မြတ်စွာဘုရား ဉာဏ်တော်မှာမှ ထင်ရှားတယ်။ မြတ်စွာဘုရားဉာဏ်တော်မှာ ထင်ရှားတဲ့ တရားကို အခု ယောဂီများ ရွတ်ဖတ် သရဇ္ဈယ်ကြရပေတယ်။ သိအောင် လေ့လာကြရပေတယ်။ နက်နဲ ခက်ခဲ သိမ်မွေ့တဲ့ တရားတွေ ဖြစ်ပါတယ်။ သဟဇာတမှာလည်း ပစ္စည်းနဲ့ ပစ္စယုပ္ပန်ကိုတော့ ကြိုတင်ပြီး သိထားကြရမယ်။ ပစ္စည်းဆိုတာ အကြောင်းတရား၊ ပစ္စယုပ္ပန်ဆိုတာ အကျိုးတရား ဖြစ်တယ်။ မိမိတို့ ရွတ်ဆိုတဲ့အခါ ဒါက ပစ္စည်းအကြောင်းတရားကို ရွတ်ဆိုတာပဲ။ ဒါက ပစ္စယုပ္ပန်အကျိုးတရားကို ရွတ်ဆိုတာပဲလို့ သိသွားတာနဲ့ အကျိုးကျေးဇူးများပါတယ်။

ပစ္စည်း = စိတ် ၈၉-ပါး, စေတသိက် ၅၂-ပါး, စတုဇမဟာဘုတ် ၄-ပါး, ပဉ္စဝေါကာရ ပဋိသန္ဓေ ၁၅-ပါး, ဟဒယဝတ္ထု။

ပစ္စယုပ္ပန် = စိတ် ၈၉-ပါး, စေတသိက် ၅၂-ပါး, အဇ္ဈတ္တ ဗဟိဒ္ဓ အလုံးစုံသော ရုပ် ၂၈-ပါး, ပဉ္စဝေါကာရ ပဋိသန္ဓေ ၁၅-ပါး, ပဋိသန္ဓေ ကမ္မဇရုပ်။

ပစ္စယသတ္တိ = ဆီမီးသည် မိမိတောက်သည်နှင့် တစ်ပြိုင်နက် အရောင်အလင်းကို အတူတကွ ဖြစ်စေသကဲ့သို့ အကြောင်းတရားတို့သည် မိမိတို့ ဖြစ်ပေါ်လာကြသည်နှင့် တစ်ပြိုင်နက် အကျိုးတရားတို့အား တစ်ပြိုင်နက် အတူတကွ ဖြစ်ပေါ်လာအောင် ကျေးဇူးပြုမှုကို သဟဇာတပစ္စယသတ္တိ-ဟု ခေါ်၏ ။

စိတ်စေတသိက်တို့သည် အချင်းချင်းအားလည်းကောင်း၊ မိမိတို့ကြောင့်ဖြစ်သော စိတ္တဇရုပ်တို့အားလည်းကောင်း သဟဇာတသတ္တိဖြင့် ကျေးဇူးပြုကြ၏ ။

စတုဇမဟာဘုတ် ၄-ပါးတို့သည် အချင်းချင်းအားလည်းကောင်း၊ ဥပါဒါရုပ်တို့အားလည်းကောင်း သဟဇာတသတ္တိဖြင့် ကျေးဇူးပြုကြ၏ ။

ပဉ္စဝေါကာရ ပဋိသန္ဓေ ၁၅-ပါးတို့သည် ပဋိသန္ဓေ ကမ္မဇရုပ်တို့အား သဟဇာတသတ္တိဖြင့် ကျေးဇူးပြုကြ၏ ။

ဟဒယဝတ္ထုသည် ပဉ္စဝေါကာရပဋိသန္ဓေ ၁၅-ပါးအား သဟဇာတသတ္တိဖြင့် ကျေးဇူးပြု၏ ။

သင်္ဂြိုဟ်ဆိုင်ရာ မှတ်သားဖွယ်

စိတ္တဇရုပ် ၁၅-ပါး

အဝိနိဗ္ဘောဂရုပ် ၈-ပါး၊ လဟုတာဒိရုပ် ၃-ပါး၊ ဝိညတ်ရုပ် ၂-ပါး၊ သဒ္ဒရုပ်၊ ပရိစ္ဆေဒရုပ်-ဟူ၍ စိတ်ကြောင့်ဖြစ်သော စိတ္တဇရုပ် ၁၅-ပါး ရှိပါတယ်။ ၎င်းတို့အနက် ဝိညတ်ရုပ် ၂-ပါးသည် စိတ်အကြောင်းတစ်ပါးတည်းကြောင့် ဖြစ်သော စိတ္တဇဧကန်ရုပ် ဖြစ်ပါတယ်။ ကြွင်းသည့် ရုပ် ၁၃-ပါးမှာ အခြားအကြောင်းတို့ကြောင့်လည်း ဖြစ်ပေါ်ကြသည့်အတွက် စိတ္တဇအနေကန်ရုပ်များဟု မှတ်ယူရုပါတယ်။


ထို့ကြောင့် စိတ္တဇရုပ် ၁၅-ပါး =
စိတ္တဇဧကန် ၂-ပါး(ဝိညတ်ရုပ် ၂-ပါး) + စိတ္တဇအနေကန် ၁၃-ပါး(အဝိနိဗ္ဘောဂ ၈ + လဟုတာဒိ ၃ + သဒ္ဒရုပ် + ပရိစ္ဆေဒရုပ်)

ကမ္မဇရုပ် ၁၈-ပါး

အဝိနိဗ္ဘောဂရုပ် ၈-ပါး၊ ဣနြေ္ဒရုပ် ၈-ပါး၊ ဟဒယရုပ်၊ ပရိစ္ဆေဒရုပ်-ဟူ၍ ကံကြောင့် ဖြစ်သော ကမ္မဇရုပ် ၁၈-ပါး ရှိပါတယ်။ ၎င်းတို့အနက် ပသာဒရုပ် ၅-ပါး, ဘာဝရုပ် ၂-ပါး, ဇီဝိတရုပ် ၁-ပါး-ဟုဆိုအပ်သော ဣနြေ္ဒရုပ် ၈-ပါးနှင့် ဟဒယရုပ်ဝတ္ထု ၁-ပါး၊ ပေါင်း ၉-ပါး-တို့သည် ကံအကြောင်းတစ်ပါးတည်းကြောင့် ဖြစ်သော ကမ္မဇဧကန်ရုပ်များ ဖြစ်ကြ၏ ။ ကြွင်းသည့် ရုပ် ၉-ပါးမှာ အခြားအကြောင်းတို့ကြောင့်လည်း ဖြစ်ပေါ်ကြသည့်အတွက် ၎င်းတို့ကို ကမ္မဇအနေကန်ရုပ်များဟု သတ်မှတ်ကြ၏ ။


ထို့ကြောင့် ကမ္မဇရုပ် ၁၈-ပါး =
ကမ္မဇဧကန် ၉-ပါး(ဣနြေ္ဒရုပ် ၈ + ဟဒယ ၁) + ကမ္မဇအနေကန် ၉-ပါး(အဝိနိဗ္ဘောဂ ၈ + ပရစ္ဆေဒ ၁)

ပဋိသန္ဓေအခါ ရုပ်ဖြစ်စဉ်

(၁) သံသေဒဇပုဂ္ဂိုလ်နှင့် ဥပပတ်ပုဂ္ဂိုလ်တို့အား ပဋိသန္ဓေအခါ၌ စက္ခုဒသကကလာပ်၊ သောတဒသကကလာပ်၊ ဃာနဒသကကလာပ်၊ ဇိဝှာဒသကကလာပ်၊ ကာယဒသကကလာပ်၊ ဘာဝဒသကကလာပ်၊ ဝတ္ထုဒသကကလာပ်-ဟူသော ကလာပ် ၇-စည်းတို့သည် ဥက္ကဋ္ဌနည်းအစွမ်းအားဖြင့် တစ်ပြိုင်နက်တည်း ထင်ရှားစွာ ဖြစ်ပေါ်လာကြကုန်၏ ။

သံသေဒဇသတ္တဝါတို့သည် သေးသေးငယ်ငယ်ကလေးမှ တဖြည်းဖြည်း ကြီးထွားလာကြ၏ ။ သြပပါတိကသတ္တဝါတို့ကား တစ်ခါတည်း ကြီးကြီးမားမား အထင်အရှား ဖြစ်ကြ၏ ။ ထို့ကြောင့် ကလာပ် ၇-စည်းဟူရာ၌ ဒသကကလာပ် ၇-မျိုးဟု မှတ်ပါ။ တစ်မျိုးတစ်မျိုးလျှင် ကလာပ်ပေါင်းများစွာ ပါဝင်ကြလိမ့်မည်။

အကုသိုလ်ကံ နှိပ်စက်၍ အာဃတနချို့တဲ့သော ထိုသံသေဒဇသတ္တဝါ၊ ဥပပတ်သတ္တဝါတို့၌ စက္ခုဒသကကလာပ်, သောတဒသကကလာပ်, ဃာနဒသကကလာပ်, ဘာဝဒသကကလာပ်-တို့ကို တစ်ခါတစ်ရံ မရကြကုန်။ ချို့တဲ့သော အာယာတနအတွက် ဆိုင်ရာရုပ်ကလာပ်တို့ ယုတ်လျော့ခြင်းကို သိမှတ်အပ်၏ ။

(၂) ဂဗ္ဘသေယျကသတ္တဝါတို့အား ပဋိသန္ဓေ ကလလရေကြည် တည်သောအခါ၌ ကာယဒသက၊ ဘာဝဒသက၊ ဝတ္ထုဒသက-ဟူသော ကလာပ် ၃-စည်းနှင့် ရုပ် ၃၀ အပေါင်းအစုတို့သည် တစ်ပြိုင်နက် ထင်ရှားစွာ ဖြစ်ကြကုန်၏ ။ တစ်ခါတစ်ရံ အကုသိုလ်ကံနှိပ်စက်၍ ဘာဝဒသက ချို့ငဲ့တတ်၏ ။ ထိုအခါ ကလာပ်နှစ်စည်းနှင့် ရုပ် ၂၀ တို့၏ အပေါင်းအစုသာ ဖြစ်ကြ၏ ။

ကလလရေကြည်-ဟူသည်မှာ ဖွားခါစ သိုးငယ် (သို့) ဧဏီသားကောင်၏ သိမ်မွေ့သော အမွေးတစ်ချောင်းကို ကြည်လင်သည့် ဆီ၌ နှစ်၍ ဆယ်ယူသောအခါ အမွေးဖျား၌ ကပ်ငြိနေသော ဆီပေါက်၏ ပမာဏ ရှိ၏ ။ ထိုသေးငယ်လှသော ကလလရေကြည်၌ ရုပ် ၃၀ နှင့် ပဋိသန္ဓေ စိတ်စေတသိက်တို့ အတူတကွ ဖြစ်၏ ။ နပုန်းဝဏ္ဍုက်တို့၌ကား ဘာဝဒသကကို မရချေ။

(၃) ပဋိသန္ဓေအခါ၌ မရအပ်သော ရုပ်တို့အား သဒ္ဒရုပ်၊ ဝိကာရရုပ် ၅-ခု၊ ဇရနာရုပ်၊ အနိစ္စတာရုပ်-ဟူသော ရုပ် ၈-ပါးတည်း။

ရူပိနော ဓမ္မာ။ ပ။ ယော - စသော စကားကို အဘယ်ကို ရည်၍ ဟောတော်မူရခြင်း။

ပဋိသန္ဓေအခါ၌ ဖြစ်သော ဟဒယဝတ္ထုကို ရည်၍ ဟောပါသည်။ (ကောက်-၆၃၀)
စိတ္တသမုဌာနာနံ ရူပါနံအရ - အဋ္ဌကထာဆရာအလို - စိတ္တဇရုပ်ကိုသာ ကောက်သည်။
အာစရိယဝါဒအလို - စိတ္တဇရုပ်, ပဋိသန္ဓေကမ္မဇရုပ်ကို ကောက်သည်။

သဟဇာတပစ္စည်းမှာ ရုပ်တရားနဲ့ နာမ်တရားကို အဓိကထားပြီးတော့ ဟောပါတယ်။ "ရူပိနော ဓမ္မာ အရူပိနော ဓမ္မာ" စသည်ဖြင့် ဟောပါသည်။ အရူပိနော = ဆိုတာ နာမ်တရားကို ပြောတာဖြစ်တယ်။ မဟာဘူတာ = စသည်ဖြင့်၊ ရူပိနော ဓမ္မာ = စသည်ဖြင့်က ရုပ်တရားကို ပြောတာ ဖြစ်တယ်။ ရုပ်တရားနဲ့ နာမ်တရား နှစ်ပါးကို အဓိကထားပြီး ဟောကြားတော်မူထားပါတယ်။



သဟဇာတပစ္စည်း၏ နာမ်ရုပ်သဘောတရားအားဖြင့် ကျေးဇူးပြုပုံ

သဟဇာတ ပစ္စယောတိ -
စတ္တာရော ခန္ဓာ အရူပိနော အညမညံ သဟဇာတပစ္စယေန ပစ္စယော။
စတ္တာရော မဟာဘူတာ အညမညံ သဟဇာတပစ္စယေန ပစ္စယော။
သြက္ကန္တိက္ခဏေ နာမရူပံ အညမညံ သဟဇာတပစ္စယေန ပစ္စယော။
စိတ္တစေတသိကာ ဓမ္မာ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။
မဟာဘူတာ ဥပါဒါရူပါနံ သဟဇာတပစ္စယေန ပစ္စယော။
ရူပိနော ဓမ္မာ အရူပီနံ ဓမ္မာနံ ကိဉ္စိကာလေ သဟဇာတပစ္စယေန ပစ္စယော။ ကိဉ္စိကာလေ န သဟဇာတပစ္စယေန ပစ္စယော။

သဟဇာတပစ္စယောတိ = သဟဇာတပစ္စည်း ဟူသည်ကား၊ စတ္တာရော = (၄)ပါးကုန်သော၊ အရူပိနော = နာမ်ဖြစ်ကြကုန်သော၊ ခန္ဓာ = ခန္ဓာတို့သည်၊ အညမညံ+(အညမညဿ) = အချင်းချင်းအား၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။

စတ္တာရော = (၄)ပါးကုန်သော၊ မဟာဘူတာ = မဟာဘုတ်တို့သည်၊ အညမညံ+(အညမညဿ) = အချင်းချင်းအား၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏။

သြက္ကန္တိက္ခဏေ = ပဉ္စဝေါကာရပဋိသန္ဓေခဏ၌၊ နာမရူပံ = နာမ်ရုပ်သည်၊ အညမညံ+(အညမညဿ) = အချင်းချင်းအား၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။

စိတ္တစေတသိကာ = စိတ်စေတသိက် ဖြစ်ကုန်သော၊ ဓမ္မာ = တရားတို့သည်၊ စိတ္တသမုဋ္ဌာနာနံ = စိတ်ကြောင့် ဖြစ်ကုန်သော၊ ရူပါနံ = စိတ္တဇရုပ် ပဋိသန္ဓေကမ္မဇရုပ်တို့အား၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။

မဟာဘူတာ = မဟာဘုတ် (၄)ပါးတို့သည်၊ ဥပါဒါရူပါနံ = မဟာဘုတ်တို့ကို မှီ၍ ဖြစ်ကုန်သော ရုပ်တို့အား၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။

ရူပိနော = ရုပ်ဖြစ်ကြကုန်သော၊ ဓမ္မာ = ဟဒယဝတ္ထုတရားတို့သည်၊ အရူပီနံ = နာမ်ဖြစ်ကုန်သော၊ ဓမ္မာနံ = ပဉ္စဝေါကာရပဋိသန္ဓေနာမက္ခန္ဓာတို့အား၊ ကိဉ္စိကာလေ = အချို့သော ပဋိသန္ဓေကာလ၌၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။ ကိဉ္စိကာလေ = အချို့သော ပဝတ္တိကာလ၌၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ န ဟောတိ = မဖြစ်။ ဣတိ = ဤသို့၊ ဘဂဝါ = မြတ်စွာဘုရားသည်၊ အဝေါစ = ကရုဏာရှေ့သွား ပညာအားဖြင့် ဟောကြားတော်မူခဲ့ပါပေသတည်း ....။



သာဓု ...သာဓု ... သာဓု ။

"စတ္တာရော ခန္ဓာ အရူပိနော"။ အရူပိနော = နာမ်ဖြစ်ကုန်သော၊ စတ္တာရော = (၄)ပါးကုန်သော၊ ခန္ဓာ = ခန္ဓာတို့သည် - ဟုဆိုရာ၌ ရူပိနော = က ရုပ်တရားတွေ ဖြစ်တယ်။ အရူပိနော = က ရုပ်မဟုတ်ဘူးဆိုတော့ နာမ်တရားတွေ ဖြစ်တယ်။ အဲဒီနာမ်တွေဟာ ဘယ်လောက်ရှိသလဲဆိုရင် စတ္တာရော ခန္ဓာ = နာမက္ခန္ဓာ (၄)ပါး ဖြစ်တယ်။

ဝေ = က ဝေဒနာက္ခန္ဓာ၊။ သဉ် = က သညာက္ခန္ဓာ၊ နောက် သင် =က သင်္ခါရက္ခန္ဓာ၊ ဝိဉ် = က ဝိညာဏက္ခန္ဓာ ။

"စတ္တာရော ခန္ဓာ အရူပိနော"အရ ဝေဒနာ = ဝေဒနာက္ခန္ဓာ၊ သညာ = သညာက္ခန္ဓာ၊ သင်္ခါရ = သင်္ခါရက္ခန္ဓာ၊ ဝိညာဏ = ဝိညာဏက္ခန္ဓာလို့ (၄)ပါး ဖြစ်ပေတယ်။ စတ္တာရော = အရ (၄)ပါးတော့ သိကြပြီ ဖြစ်တယ်။ အဲဒါကို နာမက္ခန္ဓာ(၄)ပါးလို့ ခေါ်တယ်။


နာမ်က နာမ်ကို အချင်းချင်း ကျေးဇူးပြုပုံ

"အရူပိနော" ရုပ်မဟုတ်တဲ့ နာမ်တွေဆိုတာ အရကောက်အားဖြင့် ဘယ်လောက်ရှိသလဲဆိုတော့ စိတ် (၈၉)ခု ။ (ပါဠိလိုတော့ စိတ်တစ်ခုယုတ် ကိုးဆယ်တဲ့။ တစ်ခုယုတ်နေတဲ့ (၉၀) ဖြစ်တယ်။) စေတသိက်က (၅၂)ပါး ရရှိပါတယ်။ အရကောက်ကလေး ထင်ရှားသွားပေပြီ။ အဲဒါဟာ ပစ္စည်းဘက်က နာမ်တရားတွေ ဖြစ်ပါတယ်။

ပစ္စယုပ္ပန်ဘက်ကို ကြည့်လိုက်တော့ "အညမညံ = အချင်းချင်းအား"။ အချင်းချင်းအား ကျေးဇူးပြုတယ်ဆိုတော့ ဒီတရားတွေပဲ ပြန်ရနေပါတယ်။ ဝေ = က ဝေဒနာက္ခန္ဓာ ၊ သဉ် = က သညာက္ခန္ဓာ ၊ သင် = က သင်္ခါရက္ခန္ဓာ ၊ ဝိဉ် = က ဝိညာဏက္ခန္ဓာ ပါ။ စိတ်(၈၉)ခု၊ စေတသိက် (၅၂)ခု၊ ပစ္စည်းနဲ့ ပစ္စယုပ္ပန် တရားချင်း တူနေပါတယ်။

"သဟဇာတ = အတူတကွ ဖြစ်တယ်" ဆိုတာ ပစ္စည်းကလည်း ဒီတရားတွေပဲ၊ ပစ္စယုပ္ပန်ကလည်း ဒီတရားတွေပဲ ဖြစ်တယ်လို့ ဆိုလိုပါတယ်။ သာမာန်ပုဂ္ဂိုလ်တွေရဲ့ ဉာဏ်မှာတော့ အကြောင်းနဲ့ အကျိုး၊ ပစ္စည်းနဲ့ ပစ္စယုပ္ပန်တရားတွေ ဒီလို အတူတကွဖြစ်ပြီးတော့ ကျေးဇူးပြုတယ်-ဆိုတာ မထင်ရှားပါဘူး။ မြတ်စွာဘုရားရဲ့ ဉာဏ်တော်မှာ ထင်ရှားတယ်။ ထင်ရှားတဲ့အတွက်ကြောင့် ယခု ယောဂီများ သိကြရပေတယ်။

"အညမည = အချင်းချင်း" ဆိုတာ ဘယ်လိုလဲဆိုတော့ အချင်းချင်း အပြန်ပြန် အလှန်လှန် ကျေးဇူးပြုနေတယ်လို့ ဆိုလိုပါတယ်။ ပစ္စည်းဘက်က ဝေဒနာဟာ ပစ္စည်းဖြစ်လို့ရှိရင် ပစ္စယုပ္ပန်ဘက်က သညာ၊ သင်္ခါရ၊ ဝိညာဏ်တို့က ပစ္စယုပ္ပန် ဖြစ်နေကြတယ်။ အကျိုး ဖြစ်နေကြတယ်။ ပစ္စည်းဘက်ကနေ ဝေဒနာနဲ့ သညာ ပစ္စည်းဖြစ်နေလို့ရှိရင် ပစ္စယုပ္ပန်ဘက်က သင်္ခါရနဲ့ ဝိညာဏ်က ပစ္စယုပ္ပန် ဖြစ်နေကြတယ်။ အကျိုးတရား ဖြစ်နေကြတယ်။ ပစ္စည်းဘက်က ဝေဒနာ၊ သညာ၊ သင်္ခါရ-တို့က ပစ္စည်း ဖြစ်နေကြတယ် ဆိုရင် ပစ္စယုပ္ပန်ဘက်က ဝိညာဏ်က ပစ္စယုပ္ပန် အကျိုးတရား ဖြစ်တယ်။ အဲဒီလို အပြန်ပြန် အလှန်လှန် ကျေးဇူးပြုနေတာကို ဘယ်လိုခေါ်သလဲဆိုရင် အချင်းချင်းလို့ ခေါ်ပါတယ်။ အချင်းချင်း သဘောပေါက်သွားပြီနော်။

နာမက္ခန္ဓာ(၁)ပါးက နာမက္ခန္ဓာ(၃)ပါးကို၊ နာမက္ခန္ဓာ(၂)ပါးက နာမက္ခန္ဓာ(၂)ပါးကို၊ နာမက္ခန္ဓာ(၃)ပါးက နာမက္ခန္ဓာ(၁)ပါးကို အပြန်ပြန် အလှန်လှန် ကျေးဇူးပြုနေတော့ "အချင်းချင်း"လို့ ဆိုလို့ရပါတယ်။ အချင်းချင်း အဓိပ္ပါယ် သိသွားပါပြီ။ ဒါက နာမ်ကနေ နာမ်ကို ကျေးဇူးပြုတဲ့ အချက်ပဲ ဖြစ်ပေတယ်။

ဆောင်ပုဒ်။ ။ နာမ်က နာမ်တွေ၊ ဖြစ်ပေါ်စေ၊ ပြုလေ သဟဇာတ။

သဟဇာတပစ္စည်း ကျေးဇူးပြုပုံ (၁)နံပါတ်အချက် ပြီးသွားပေပြီ။ (၂)နံပါတ်က - "စတ္တာရော မဟာဘူတာ"စတ္တာရော = (၄)ပါးကုန်သော၊ မဟာဘူတာ = မဟာဘုတ်တို့သည်၊ အညမညံ+အညမညဿ = အချင်းချင်းအား၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုတတ်သည်၊ ဟောတိ = ဖြစ်၏ ။


ရုပ်က ရုပ်ကို ကျေးဇူးပြုပုံ

ပစ္စည်းတရားဖြစ်တဲ့ မဟာဘုတ်(၄)ပါး-ဆိုတာ = က ပထဝီ၊ အာ = က အာပေါ၊ တေ = က တေဇော၊ ဝါ = က ဝါယော- ဟု (၄)ပါး ဖြစ်ပေတယ်။ "စတ္တာရော"လို့ ခေါ်ပါတယ်။ ပါဠိလို "စတ္တာရော"။ သဘောပေါက်သွားပါပြီ ။

"အညမညံ+မညမညဿ = အချင်းချင်းအား" ဟု ဆိုရာ၌ ပစ္စယုပ္ပန်ဘက်၊ အကျိုးတရားဘက်ကလည်း = က ပထဝီ၊ အာ = က အာပေါ၊ တေ = က တေဇော၊ ဝါ = က ဝါယော-ဟု ဒီ(၄)ပါးပဲ ဖြစ်တယ်။ တူပါတယ်။ ပစ္စည်းနဲ့ ပစ္စယုပ္ပန် အတူတူပဲ ဖြစ်တယ်။ သဟဇာတ = အတူတကွ ကျေးဇူးပြုတယ်-ဆိုတာ ယောဂီများ သဘောပေါက်သွားပြီ။

အချင်းချင်းဆိုတာက ဘာလဲဆိုတော့ ပထဝီက ပစ္စည်းဆိုလို့ရှိရင် အာပေါ၊ တေဇော၊ ဝါယော-တို့က ပစ္စယုပ္ပန်။ ပထဝီ၊ အာပေါက ပစ္စည်းတရားဖြစ်လို့ရှိရင် တေဇောက၊ ဝါယောတို့က ပစ္စယုပ္ပန်။ ပထဝီ၊ အာပေါ၊ တေဇော(၃)ပါးတို့က ပစ္စည်းဖြစ်လို့ရှိရင် ဝါယောက ပစ္စယုပ္ပန် ဖြစ်တယ်။ အပြန်ပြန် အလှန်လှန် လှည့်ပြီး ကျေးဇူးပြုလို့ရတယ်။ တေဇော၊ ဝါယောတို့က ပစ္စည်းတရားဖြစ်မယ်-ဆိုလို့ရှိရင် ပစ္စယုပ္ပန်ဘက်က ပထဝီ၊ အာပေါတို့က ပစ္စယုပ္ပန်တရား ဖြစ်ပါတယ်။ ပြောင်းပြောင်းပြန်ပြန်လည်း ကျေးဇူးပြုနိုင်ပါတယ်။ လှည့်ပြီးတော့လည်း ကျေးဇူးပြုနိုင်ပါတယ်။

မဟာဘုတ်(၁)ပါးက မဟာဘုတ်(၃)ပါးကို၊ မဟာဘုတ်(၂)ပါးက မဟာဘုတ်(၂)ပါးကို၊ မဟာဘုတ်(၃)ပါးက မဟာဘုတ်(၁)ပါးကို အပြန်ပြန်အလှန်လှန် ကျေးဇူးပြုနေတာကို "အချင်းချင်း= အညမည" လို့ ခေါ်ပါတယ်။ အညမညအဓိပ္ပါယ်လေး သိသွားပါတယ်။

လောကမှာ ဝေါဟာရတွေ အညမည - အညမညလို့ တော်တော့ကို သုံးနေကြတာပဲ။ ဘယ်က အညမညကို ယူပြီး သုံးနေသလဲတော့ မပြောတတ်ဘူး။ ပဋ္ဌာန်းပါဠိတော်က ယူပြီးတော့ သုံးနေတာနဲ့ တူပါတယ်။ အပြန်ပြန် အလှန်လှန် သူက ကိုယ့်ကို ကျေးဇူးပြု၊ ကိုယ်က သူ့ကို ကျေးဇူးပြုတာကို အညမည-လို့ ခေါ်ပါတယ်။

ဆောင်ပုဒ်။ ။ ရုပ်က ရုပ်တွေ၊ ဖြစ်ပေါ်စေ၊ ပြုလေသဟဇာတ။

စတ္တာရော မဟာဘူတ = ထဲက မဟာဘုတ်ကြီး (၄)ပါးကလည်း ရုပ်တရားပဲ။ အညမည = ထဲက မဟာဘုတ်ကြီး (၄)ပါးကလည်း ရုပ်တရားပဲ ဖြစ်ပေတယ်။ "ရုပ်က ရုပ်တွေ၊ ဖြစ်ပေါ်စေ၊ ပြုလေသဟဇာတ" ကိုက်ညီပါတယ်။ မဟာဘုတ်ကြီး (၄)ပါး ရုပ်တရားတွေက မဟာဘုတ်ကြီး (၄)ပါး ရုပ်တရားတွေ ဖြစ်အောင် သဟဇာတပစ္စယသတ္တိဖြင့် ကျေးဇူးပြုပါတယ်။
 

နာမ်ရုပ် (၂)ပါးက နာမ်ရုပ် (၂)ပါးကို အချင်းချင်း ကျေးဇူးပြုပုံ

သြက္ကန္တိက္ခဏေ = ပဉ္စဝေါကာရ ပဋိသန္ဓေ ခဏ၌၊ နာမရူပံ = နာမ်ရုပ်သည်၊ အညမညံ+မညမညဿ = အချင်းချင်းအား၊ သဟဇာတ ပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။

ပဉ္စဝေါကာရ ပဋိသန္ဓေ ခဏ - လို့ ပြောပါတယ်။ စတုဝေါကာရ - ဆိုတာ နာမ်ကြီးသက်သက်ရှိသော ဘုံဘဝ ဖြစ်တယ်။ အဲဒီဘုံကတော့ မရပေဘူးတဲ့။ ရုပ်၊နာမ် (၂)ပါးလုံး ရှိတဲ့ဘုံကို ပဉ္စဝေါကာရဘုံ-ဟု ခေါ်ရပေတယ်။ "နာမရူပံ" နာမ-အရက ပဉ္စဝေါကာရ ပဋိသန္ဓေ နာမက္ခန္ဓာ (၁၅)ပါး ဖြစ်တယ်။ ရူပ-အရက ဟဒယဝတ္ထု ဖြစ်တယ်။ အဲဒါ ပဋိသန္ဓေခဏမှာ သူတို့ အချင်းချင်း အပြန်ပြန် အလှန်လှန် ကျေးဇူးပြုကြတယ်။

ပဉ္စဝေါကာရ ပဋိသန္ဓေ နာမက္ခန္ဓာ (၁၅)ပါးကလည်း ဟဒယရုပ်ကို ဖြစ်ပေါ်လာရအောင်၊ တည်တံ့နေရအောင် ကျေးဇူးပြုတယ်။ ဟဒယဝတ္ထု ရုပ်ကလည်း ပဉ္စဝေါကာရ ပဋိသန္ဓေ နာမက္ခန္ဓာ (၁၅)ပါးကို ဖြစ်ပေါ်လာရအောင်၊ တည်တံ့နေရအောင် ကျေးဇူးပြုတယ်။ ဘယ်အခိုက်အတန့်မှာလည်းဆိုရင် ပဋိသန္ဓေ အခိုက်အတန့်မှာ ဖြစ်ပေတယ်။

ဟဒယဝတ္တုရုပ်ကလည်း ပဉ္စဝေါကာရ ပဋိသန္ဓေစိတ်နဲ့ အတူတကွ ဥပါဒ်ရသောကြောင့် အချင်းချင်း အပြန်ပြန်အလှန်လှန် ကျေးဇူးပြုလို့ ရကြပေတယ်။ နာမ-အရ ပဉ္စဝေါကာရ ပဋိသန္ဓေ နာမက္ခန္ဓာ (၁၅)ခုက ရူပ - အရ ဟဒယကို အချင်းချင်းအားဖြင့် ကျေးဇူးပြုပေတယ်။ ရူပ-က ဟဒယဝတ္ထုရုပ်က နာမ-အရ ပဉ္စဝေါကာရ ပဋိသန္ဓေ နာမက္ခန္ဓာကို အချင်းချင်း ကျေးဇူးပြုပေတယ်။ အပြန်အလှန် ကျေးဇူးပြုတယ်လို့လည်း ဆိုနိုင်ပါတယ်။

သူကတော့ ပဉ္စဝေါကာရ ပဋိသန္ဓေ နာမက္ခန္ဓာက နာမ်ဖြစ်ပြီး ဟဒယက ရုပ်ဖြစ်သောကြောင့် နာမ်၊ရုပ် (၂)ပါးက နာမ်၊ရုပ် (၂)ပါးကို အချင်းချင်း ကျေးဇူးပြုပုံ ဖြစ်ပေတယ်။

ဆောင်ပုဒ်။ ။ ရုပ်၊နာမ်နှစ်ထွေ၊ ဖြစ်ပေါ်စေ၊ ပြုလေသဟဇာတ။

ရုပ်၊နာမ် (၂)ပါးက ရုပ်၊နာမ် (၂)ပါး ဖြစ်ပေါ်အောင် ကျေးဇူးပြုတဲ့ တစ်ချက်ပဲ ဖြစ်ပေတယ်။

နာမ်က နာမ်ကို အချင်းချင်း ကျေးဇူးပြုတာက တစ်ချက်။ ရုပ်က ရုပ်ကို အချင်းချင်း ကျေးဇူးပြုတာက တစ်ချက်။ ရုပ်နာမ် (၂)ပါးက ရုပ်နာမ် (၂)ပါးကို အချင်းချင်း ကျေးဇူးပြုတာက တစ်ချက်။ အချင်းချင်း (၃)ချက် ရှိသွားပေပြီ။


နာမ်က ရုပ်ကို အတူတကွ ဖြစ်ဖက်အဖြစ်ဖြင့် ကျေးဇူးပြုပုံ

စိတ္တစေတသိကာ ဓမ္မာ စိတ္တသမုဋ္ဌာနာနံ ရူပါနံ သဟဇာတ ပစ္စယေန ပစ္စယော။

စိတ္တစေတသိကာ = စိတ်၊ စေတသိက် ဖြစ်ကုန်သော၊ ဓမ္မာ = စိတ် (၇၅)ခု၊ စေတသိက် (၅၂)ခု နာမက္ခန္ဓာတို့သည်၊ စိတ္တသမုဋ္ဌာနာနံ = စိတ်လျှင် ဖြစ်ကြောင်းရှိကုန်သော၊ ရူပါနံ = စိတ္တဇရုပ် ပဋိသန္ဓေ ကမ္မဇရုပ်တို့အား၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။

ပစ္စည်းဘက်က စိတ်၊ စေတသိက်တရားတွေ နာမ်တရားတွေ ဖြစ်ကြပေတယ်။ ပစ္စယုပ္ပန်ဘက်က စိတ္တဇရုပ် ပဋိသန္ဓေ ကမ္မဇရုပ်တွေဆိုတော့ ရုပ်တရားတွေ ဖြစ်ကြပေတယ်။ နာမ်ကနေပြီးတော့ ရုပ်ကို သဟဇာတပစ္စယသတ္တိဖြင့် ကျေးဇူးပြုပုံ၊ နာမ်တရားတွေကနေပြီးတော့ ရုပ်ကို ဖြစ်ပေါ်စေသောအားဖြင့်၊ တည်တံ့စေသောအားဖြင့် ကျေးဇူးပြုပုံပဲ ဖြစ်ပေတယ်။

ဆောင်ပုဒ်။ ။ နာမ်ကရုပ်တွေ၊ ဖြစ်ပေါ်စေ၊ ပြုလေသဟဇာတ။

နာမ်တရားတွေက နာမ်တရား (၇၅)ပါး၊ စေတသိက် (၅၂)ပါးတို့က ရုပ်တွေကို ဖြစ်စေတယ်။ သဟဇာတ = အတူတကွဖြစ်ဖက် အဖြစ်ဖြင့် ကျေးဇူးပြုတယ်။ ဘယ်သူ့ သန္တာန်မှာလဲလို့ မေးလိုက်ရင်တော့ အခု တရားနာနေတဲ့ အခိုက်အတန့်မှာတော့ တရားနာပုဂ္ဂိုလ်များရဲ့ သန္တာန်မှာ ဖြစ်ပါတယ်။ နောက် (ဝိပဿနာ ရှုကွက်၌ ပေါ်လာပါလိမ့်မယ်။) ဒီအချက်ကတော့ ဝိပဿနာရှုကွက်ပဲ ဖြစ်ပေတယ်။


ရုပ်က ရုပ်ကို အတူတကွ ဖြစ်ဖက် အဖြစ်ဖြင့် ကျေးဇူးပြုပုံ

မဟာဘူတာ ဥပါဒါရူပါနံ သဟဇာတပစ္စယေန ပစ္စယော။

မဟာဘူတာ = မဟာဘုတ် (၄)ပါးတို့သည်၊ ဥပါဒါရူပါနံ = မဟာဘုတ်ကို မှီ၍ဖြစ်ကုန်သော (၂၄)ပါးကုန်သော ရုပ်တို့အား၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။

"မဟာဘူတာ" အရ ပထဝီ၊ အာပေါ၊ တေဇော၊ ဝါယော-တည်းဟူသော ရုပ်(၄)ပါးကနေပြီး သူတို့ကို မှီပြီးဖြစ်တဲ့ ဥပါဒါရုပ် (၂၄)ပါးကို ကျေးဇူးပြုတာ ဖြစ်တယ်။ ရုပ် (၂၈)ပါး ရှိတယ်။ မဟာဘုတ် (၄)ပါးက မှီရာရုပ်ဖြစ်တယ်။ ဥပါဒါရုပ် (၂၄)ပါးက မှီတတ်တဲ့ ရုပ်တွေ ဖြစ်ကြတယ်။ မဟာဘုတ် (၄)ပါးကို မှီပြီးတော့မှ ဖြစ်နိုင်တဲ့အတွက်ကြောင့် မဟာဘုတ်တွေကနေ ဥပါဒါရုပ်တွေအား ကျေးဇူးပြုနိုင်ပေတယ်။

ဆောင်ပုဒ်။ ။ ရုပ်ကရုပ်တွေ၊ ဖြစ်ပေါ်စေ၊ ပြုလေသဟဇာတ။

မဟာဘုတ်အချင်းချင်းလည်း ရုပ်က​ ရုပ်ကို ဖြစ်စေတာ ဖြစ်တယ်။ မဟာဘုတ်က ဥပါဒါရုပ်ကိုလည်း ရုပ်က ရုပ်ကို ဖြစ်စေတာ ဖြစ်တယ်။ ထို့ကြောင့် ရုပ်က ရုပ်ကို ဖြစ်စေတာ (၂)ချက် ရှိသွားပြီ။ (၂)ချက်မှာ - (၁) "စတ္တာရော မဟာဘူတာ အညမညံ"ကလည်း ရုပ်က ရုပ်ကို ကျေးဇူးပြုတာပဲ ဖြစ်တယ်။ (၂) "မဟာဘူတာ ဥပါဒါ ရူပါနံ" ဆိုတာကလည်း ဘယ်ကို ကျေးဇူးပြုနေတာပါလဲ ... ရုပ်က ရုပ်ကို ကျေးဇူးပြုတာပါ။ ရုပ်က ရုပ်ကို ကျေးဇူးပြုတာ (၂)ချက်ပါ။ အဲဒါလည်း သတိထားရမှာပါပဲတဲ့။


နာမ်ရုပ် (၂)ပါးက နာမ်ရုပ် (၂)ပါးကို အချို့သော ပဋိသန္ဓေကာလ၌ အချင်းချင်း ကျေးဇူးပြုပုံ

ရူပိနော ဓမ္မာ အရူပီနံ ဓမ္မာနံ ကိဉ္စိကာလေ သဟဇာတ ပစ္စယေန ပစ္စယော၊ ကိဉ္စိကာလေ န သဟဇာတ ပစ္စယေန ပစ္စယော။

ရူပိနော = ရုပ်ဖြစ်ကုန်သော၊ ဓမ္မာ = ဟဒယဝတ္ထုတရားတို့သည်၊ အရူပီနံ = နာမ်ဖြစ်ကုန်သော၊ ဓမ္မာနံ = ပဉ္စဝေါကာရ ပဋိသန္ဓေ (၁၅)ပါး တို့အား၊ ကိဉ္စိကာလေ = အချို့သော ပဋိသန္ဓေ ကာလ၌၊ သဟဇာတပစ္စယေန = သဟဇာတ ပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။ ကိဉ္စိကာလေ = အချို့သော ပဝတ္ထိကာလ၌၊ သဟဇာတ ပစ္စယေန = သဟဇာတ ပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ န ဟောတိ = မဖြစ်။ ဣတိ = ဤသို့၊ ဘဂဝါ = မြတ်စွာဘုရားသည်၊ အဝေါစ = ကရုဏာရှေ့သွား ပညာအားဖြင့် ဟောကြားတော်မူခဲ့ပါပေသတည်း...။


သာဓု ... သာဓု ... သာဓု ။

ပစ္စည်းတရားက ဟဒယဝတ္ထုရုပ်တရား ဖြစ်တယ်။ ပစ္စယုပ္ပန်တရားက ပဋိသန္ဓေ နာမက္ခန္ဓာ နာမ်တရား ဖြစ်တယ်။ "သြက္ကန္တိက္ခဏေ နာမရူပံ" ဆိုတဲ့အချက် နာမ်ရုပ် (၂)ပါးကနေ နာမ်ရုပ် (၂)ပါးကို သဟဇာတပစ္စယသတ္တိဖြင့် ကျေးဇူးပြုပုံအချက်ကို မရှင်းလို့ ရှင်းပြရတယ်။ ဘယ်လိုရှင်းပြသလဲဆိုရင် မြတ်စွာဘုရားက "ကိဉ္စိကာလေ = အချို့သော ပဋိသန္ဓေကာလ၌၊ သဟဇာတပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ ဟောတိ = ဖြစ်၏ ။ " ပဉ္စဝေါကာရ ပဋိသန္ဓေ နာမက္ခန္ဓာနှင့် ဟဒယဝတ္ထုရုပ်က ပဋိသန္ဓေခဏမှာ တစ်ပြိုင်နက်ထဲ ဥပါဒ်ကြတော့ အချင်းချင်း အပြန်အလှန်လှန် ကျေးဇူးပြုလို့ ရပါတယ်။

နောက်တစ်ခါ ပဋိသန္ဓေနောင် ဘဝင် (၁၅)ချက်၊ (၁၆)ချက် ပဋိသန္ဓေ နေပြီးတာနဲ့ နောက်က ဘဝင်တွေ ကျသွားတယ်။ ပထမ ဘဝင်ကစပြီးတော့ ပဋိသန္ဓေ အခိုက်အတန့် မဟုတ်တော့ပေဘူး။။ ပဝတ္ထိအခါ ပဝတ္ထိအခိုက်အတန့် ဖြစ်သွားပေပြီ။ အဲဒီအခါကျတော့ ဟဒယဝတ္ထုရုပ်က ရှေ့က ရှိနေပြီး ပဉ္စဝေါကာရ ပဋိသန္ဓေ နာမက္ခန္ဓာတွေဟာ နောက်က ဖြစ်သွားပေပြီ။ ပဝတ္တိကာလမှာတော့ တစ်ပြိုင်နက် သဟဇာတအနေနဲ့ ကျေးဇူးပြုလို့ မရတော့ပေဘူး။ ပုရေဇာတသတ္တိဖြင့်သာ ကျေးဇူးပြုလို့ ရပေတယ်။ ဟဒယဝတ္ထုက ရှေ့က၊ နာမက္ခန္ဓာတွေက နောက်က ဖြစ်နေပေတယ်။ ဒါကြောင့် ကိဉ္စိကာလေ ထည့်ရပါတယ်။

ပဋိသန္ဓေ အခိုက်အတန့်မှာပဲ ရပါတယ်။ ပဝတ္ထိ အခိုက်အတန့် လူရယ်လို့ ဖြစ်လာ၊ ကြီးထွားလာတဲ့ အခိုက်အတန့်မှာတော့ မရတော့ပေဘူး။ ပဋိသန္ဓေစိတ်ကလည်း စိတ္တက္ခဏတစ်ချက်ကလေးပါပဲ။ ဥပါဒ်+ဌီ+ဘင် = ဒီအခိုက်အတန့် ခဏလေးမှာပဲ ဟဒယဝတ္ထုနှင့် ပဉ္စဝေါကာရ ပဋိသန္ဓေ နာမက္ခန္ဓာ အပြန်အလှန် သဟဇာတပစ္စယသတ္တိဖြင့် ကျေးဇူးပြုနိုင်တယ်။ အဲဒီ စိတ္တက္ခဏတစ်ချက် လွန်သွားတာနဲ့၊ ဘဝင်သို့ ရောက်သွားတာနဲ့ ကျေးဇူးမပြုနိုင်တော့ပေဘူး။

"ကိဉ္စိကာလေ န သဟဇာတပစ္စယေန ပစ္စယော" ကိဉ္စိကာလေ = ပဝတ္တိကာလခေါ်တဲ့ ပထမဘဝင်က စပြီးတော့ ပဝတ္ထိကာလ၌၊ သဟဇာတ ပစ္စယေန = သဟဇာတပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည်၊ န ဟောတိ = မဖြစ်။ (ဝါ) မဖြစ်နိုင်။ ဒါက "သြက္ကန္တိက္ခဏေ နာမရူပံ" ဆိုတဲ့အချက်ကို ရှင်းပြတာပါပဲ။ ယောဂီများ သဘောပေါက်ပါပြီ။

နာမ်က နာမ်ကို ကျေးဇူးပြုတာက တစ်ချက်။ ရုပ်က ရုပ်ကို ကျေးဇူးပြုတာက တစ်ချက်။ ရုပ်နာမ် (၂)ပါးက ရုပ်နာမ်(၂)ပါးကို ကျေးဇူးပြုတာက တစ်ချက်။ နာမ်က ရုပ်တရားကို ကျေးဇူးပြုတာက တစ်ချက်။ ရုပ်က ရုပ်ကို ကျေးဇူးပြုတာက တစ်ချက်။ "သြက္ကန္တိက္ခဏေ နာမရူပံ" ဆိုတဲ့ (၃)ခုမြောက် အချက်ကို ရှင်းရတာပါပဲ။ ပဋိသန္ဓေအခါမှာသာ ရနိုင်တယ်။ အပြန်အလှန် ကျေးဇူးပြုနိုင်တယ်။ ပဝတ္တိအခါကျတော့ အပြန်အလှန် ကျေးဇူးပြုလို့ မရတော့ပေဘူး။ သဟဇာတပစ္စယသတ္တိဖြင့် ကျေးဇူးမပြုနိုင်တော့ပေဘူး။ ပုရေဇာတပစ္စယသတ္တိဖြင့်သာ ကျေးဇူးပြုနိုင်တယ်။

ဤကဲ့သို့ ပဋ္ဌာန်းပါဠိတော် ပစ္စယနိဒ္ဒေသပါဠိတော်လာ သဟဇာတပစ္စည်းတရားတော်ကို နာကြားရသဖြင့် နာကြားရတဲ့အတိုင်း လိုက်နာကျင့်ကြံပွားများ အားထုတ်နိုင်ကြပြီးလျှင် မိမိတို့ အလိုရှိအပ် တောင့်တအပ်တဲ့ တရားထူး တရားမြတ်တို့ကို ဒုက္ခခပ်သိမ်း အေးငြိမ်းရာ ဖြစ်တဲ့ နိဗ္ဗာန်ချမ်းသာကို လွယ်ကူသောအကျင့် လျှင်မြန်စွာ ဆိုက်ရောက်၍ မျက်မှောက် ပြုနိုင်ကြပါစေကုန်သတည်း..။

ဆရာတော်ဘုရား ပေးသနားတော်မူတဲ့ ဆုနဲ့ ပြည့်စုံရပါလို၏။


သာဓု ... သာဓု ... သာဓု ။

ဆက်ရန် ... အညမညမပစ္စည်းသို့...


အပြည့်အစုံသို့...

ဝီထိ (၂)

ဝီထိ (၂)

ဝီထိဖြစ်ကြောင်း အင်္ဂါလေးပါး

စက္ခုဒွါရဝီထိ (ဝါ) စက္ခုဝိညာဏ ဝီထိဖြစ်ရန် အကြောင်း (၄)ပါး ပြည့်စုံရ၏ ။

(၁) စက္ခုပသာဒ-ဟုခေါ်သော မျက်စိအကြည်ဓာတ် ကောင်းမွန်ရမည်။
(၂) ရူပါရုံ-ဟူသော မြင်နိုင်သည့် အဆင်းလည်း ရှိရမည်။
(၃) အာလောက-ဟူသော အလင်းလည်း ရှိရမည်။
(၄) မနသိကာရ-ဟုခေါ်သော နှလုံးသွင်းမှု အာဝဇ္ဇန်းလည်း ရှိရမည်။

ဆောင်ပုဒ်။    ။ စက္ခာ, လောက၊ ရူပထင်ပြီး၊ မနသီ၊ လေးလီစက္ခုဖို့။

စက္ခုပသာဒ ချို့ယွင်းနေလျှင်သော်လည်းကောင်း၊ မြင်နိုင်သောအဆင်း မရှိလျှင်သော်လည်းကောင်း၊ အလင်းရောင် မရှိလျှင်သော်လည်းကောင်း၊ နှလုံးသွင်းမှု မရှိလျှင်သော်လည်းကောင်း၊ ဤအင်္ဂါ တစ်ပါးပါး ချို့ယွင်းလျှင် စက္ခုဝိညာဏဝီထိ-ဟူသည့် မြင်သိစိတ်အစဉ် မဖြစ်ပေါ်နိုင်တော့ချေ။

(Science အလိုအရ မြင်ခြင်းတွင် ပထမသုံးချက်သာ အဓိကကျသည်ဟု ယူဆ၏ ။ ရုပ်ဝတ္ထုမှ ပြန်ထွက်လာကြသော အလင်းတန်းများက မျက်စိ၏ အမြင်လွှာ (retina) ပေါ်၌ ကျရောက်သည့်အခါ အာရုံကြောများက ဦးနှောက်သို့ သတင်းပို့၏ ။ ထိုအခါ ဦးနှောက်က ထိုထင်လားသော အာရုံကို သိရှိပြီး မည်သည့်အာရုံ ဖြစ်သည်ကို သတင်းပြန်ကြားပေး၏ ။)

ဗုဒ္ဓအဘိဓမ္မာတွင် ရုပ်ဝတ္ထု, မျက်စိနှင့် အလင်းတို့ အပြင် နှလုံးသွင်းမှု မနသိကာရကိုလည်း အဓိကထား၏ ။ 'သတိမမူလျှင် ဂူမမြင်' ဟူသည့်အတိုင်း နှလုံးသွင်းမှု မရှိလျှင် မမြင်နိုင်ပါ။ ကျွန်ုပ်တို့၏ မျက်စိအမြင်လွှာ၌ ကျွန်ုပ်တို့၏ ရှေ့မှောက်တူရူဝယ် ရှိကြသော ရုပ်ဝတ္ထုပေါင်းများစွာတို့၏ အရိပ်များသည် တစ်ပြိုင်နက်တည်း ထင်ပေါ်နေ၏ ။ ထိုထင်ပေါ်သမျှသော အရိပ်အားလုံးကို ကျွန်ုပ်တို့သည် တစ်ပြိုင်တည်း မမြင်နိုင်ပါ။ တစ်ကြိမ်လျှင် နှလုံးသွင်းသော အရိပ်တစ်ခုကိုသာ မြင်နိုင်၏ ။ မြင်သိစိတ်က အလွန်လျင်မြန်စွာ ဖြစ်ပေါ်နိုင်သည့်အတွက် နှလုံးသွင်းသော အရိပ်တစ်ခုကိုသာ မြင်နိုင်၏ ။ မြင်သိစိတ်က အလွန်လျင်မြန်စွာ ဖြစ်ပေါ်နိုင်သည့်အတွက် နှလုံးသွင်းမှုကောင်းလျှင် ပုံရိပ်များကို တစ်ခုပြီး တစ်ခု နှလုံးသွင်းခြင်းဖြင့် လျင်မြန်စွာ မြင်သိနိုင်၏ ။

တစ်စုံတစ်ခုကို အလေးအနက်တွေးတော၍ ငေးမောသောအခါမျိုး၌ကား အမြင်လွှာတွင် ပုံရိပ်တစ်ထောင်ပင် ထင်နေသော်လည်း ဘာတစ်ခုကိုမျှ မမြင်သိလိုက်ပါ။ နားအကြည်လွှာ၌ အသံမျိုးစုံ ထိခိုက်နေသော်လည်း မည်သည့်အသံမျိုးကိုမျှ မကြားသိလိုက်ပါ။ ထို့ကြောင့် မနသိကာရသည် အလွန်လိုအပ်သော အဓိကရအချက် တစ်ခုဖြစ်ကြောင်း ထင်ရှားလှပေ၏ ။




* သောတဒွါရဝီထိဖြစ်ရန် လိုအပ်သော အကြောင်းတရား (၄)ပါး


သောတပသာဒ, သဒ္ဒါရုံ, အာကာသဓာတ်နှင့် မနသိကာရ-တို့တည်း။ ဤအကြောင်းတရားလေးပါး၌ အာကာသဓာတ်-ဟူသည်မှာ လေဖြစ်သန်းသွားလာနိုင်သော ဟင်းလင်းနယ်ကို ဆိုလို၏ ။ အသံလှိုင်းများ တိုးလျှိုပေါက်ဖြတ်သန်းနိုင်သော ဟင်းလင်းနယ်ရှိမှသာလျှင် အသံကို ကြားနိုင်၏ ။ မရှိလျှင် အသံကို မကြားနိုင်ချေ။

ဆောင်ပုဒ်။ ။ သောတ, ကာသ၊ သဒ္ဒထင်ပြီ၊ မနသီ၊ လေးလီသောတဖို့။ Science အလိုအရမူ နား, အသံလှိုင်းနှင့် အသံလှိုင်းကို လက်ဆင့်ကမ်း သယ်ဆောင်ပေးသော လေတို့ ရှိရမည်။


* ဃာနဒွါရဝီထိဖြစ်ရန် လိုအပ်သော အကြောင်းတရား (၄)ပါး

ဃာနပသာဒ, ဂန္ဓာရုံ, ဝါတနှင့် မနသိကာရ-တို့တည်း။ ဤအကြောင်းတရားလေးပါး၌ ဝါတ-ဟူသည်မှာ အနံ့ကို ဆောင်သောလေ ဖြစ်၏ ။ အနံ့ရှိသည့် ရုပ်ဝတ္ထု၏ မော်လီကျူးကလေးများက အငွေ့ပြန်ပြီး လေအဟုန်ကို စီးကာ နှာအကြည်ဓာတ်နှင့် ထိတွေ့၏ ။ ထိုအခါ နှလုံးသွင်းမှုရှိလျှင် အနံ့ကို သိရမည် ဖြစ်၏ ။

ဆောင်ပုဒ်။ ။ ဃာန, ဝါတ၊ ဂန္ဓ ထင်ပြီ။ မနသီ၊ လေးလီဃာနဖို့။


* ဇိဝှာဒွါရဝီထိဖြစ်ရန် လိုအပ်သော အကြောင်းတရား (၄)ပါး

ဇိဝှာပသာဒ, ရသာရုံ, အာပနှင့် မနသိကာရ-တို့တည်း၊ ဤအကြောင်းတရားလေးပါး၌ အာပ-ဟူသည်မှာ လျှာရည် ဖြစ်၏ ။ အရသာရှိသည့် ရုပ်ဝတ္ထုသည် လျှာပေါ်ရောက်၍ လျှာရည်၌ ပျော်ဝင်သောအခါ လျှာအကြည်ဓာတ်နှင့် တွေ့ဆုံရ၏ ။ ထိုအခါ နှလုံးသွင်းမှုရှိလျှင် အရသာကို သိလာရ၏ ။

ဆောင်ပုဒ်။ ။ ဇိဝှာ, အာပ၊ ရသထင်ပြီ၊ မနသီ၊ လေးလီဇိဝှာဖို့ ။


* ကာယဒွါရဝီထိဖြစ်ရန် လိုအပ်သော အကြောင်းတရား (၄)ပါး

ကာယပသာဒ, ဖောဋ္ဌဗ္ဗာရုံ, ထဒ္ဓပထဝီနှင့် မနသိကာရ-တို့တည်း။ ဤအကြောင်းတရားလေးပါးတွင် ကာယပသာဒ-ဟူသည်မှာ ခန္ဓာကိုယ်တစ်ခုလုံး၌ ပျံနှံ့နေကြသော အာရုံကြောများ၏ ထိပ်ဖူးများ ဖြစ်သည်ဟု မှတ်ယူနိုင်၏ ။

ဖောဋ္ဌဗ္ဗာရုံတွင် ခက်မာခြင်း, နူးညံ့ခြင်းသဘောရှိသည့် ပထဝီဓာတ်၊ တွန်းကန် ဖိနှိပ်ခြင်းသဘောရှိသည့် ဝါယောဓာတ်၊ ပူခြင်းအေးခြင်း သဘောရှိသော တေဇောဓာတ်တို့ ပါဝင်၏ ။ ဤဓာတ်သဘောတို့ကို ' အထိအတွေ့' ဟူ၍ သာမန်အရပ်သုံးစကားဖြင့် ခေါ်ဆိုကြ၏ ။

ထဒ္ဓပထဝီ-ဟူသည် အထိအတွေ့ကို ကာယပသာဒသို့ ကူးဆက်ပေးသည့် ခက်မာသော ပထဝီ ဖြစ်၏ ။

နှလုံးသွင်းမှုရှိမှ အထိအတွေ့ကို သိနိုင်၏ ။ နှလုံးသွင်းမှု မရှိသောအခါ အင်္ကျီ လုံချည် စသည်တို့သည် ကိုယ်နှင့် ထိတွေ့နေသော်လည်း ထိတွေ့နေမှန်းကို မသိရချေ။

ဆောင်ပုဒ်။ ။ ကာယ, ထဒ္ဓ, ဖောဋ္ဌထင်ပြီ၊ မနသီ၊ လေးလီကာယဖို့ ။


* မနောဒွါရဝီထိ ဖြစ်ရန် လိုအပ်သော အကြောင်းတရား (၄)ပါး

မနောဒွါရ-ဟုခေါ်ဆိုအပ်သော ဘဝင်စိတ်, ဓမ္မာရုံ,ဟဒယဝတ္ထုနှင့် မနသိကာရ-တို့ ဖြစ်ကြ၏ ။

ခန္ဓာငါးပါး ထင်ရှားရှိသော ပဉ္စဝေါကာရဘုံ (အပါယ်လေးဘုံ၊ လူ့ဘုံ၊ နတ်ဘုံ၊ ရူပဗြဟ္မာဘုံ) တို့၌ စိတ်တို့သည် ဝတ္ထုရုပ် တစ်ခုခုကို မှီ၍သာ ဖြစ်ကြရ၏ ။

စက္ခုဒွါရ ဝီထိစိတ်-တို့သည် စက္ခုဝတ္ထု, ဟဒယဝတ္ထု-တို့ကို မှီ၍ ဖြစ်ကြ၏ ။
သောတဒွါရ ဝီထိစိတ်-တို့သည် သောတဝတ္ထု, ဟဒယဝတ္ထု-တို့ကို မှီ၍ ဖြစ်ကြ၏ ။
ဃာနဒွါရ ဝီထိစိတ်-တို့သည် ဃာနဝတ္ထု , ဟဒယဝတ္ထု-တို့ကို မှီ၍ ဖြစ်ကြ၏ ။
ဇိဝှါဒွါရ ဝီထိစိတ်-တို့သည် ဇိဝှာဝတ္ထု, ဟဒယဝတ္ထု- တို့ကို မှီ၍ ဖြစ်ကြ၏ ။
ကာယဒွါရ ဝီထိစိတ်-တို့သည် ကာယဝတ္ထု, ဟဒယဝတ္ထု-တို့ကို မှီ၍ ဖြစ်ကြ၏ ။
မနောဒွါရ ဝီထိစိတ်တို့-သည် ဟဒယဝတ္ထု-ကို မှီ၍ ဖြစ်ကြ၏ ။
သို့အတွက် ပဉ္စဝေါကာရဘုံ၌ မနောဒွါရ ဝီထိဖြစ်ရန် ဟဒယဝတ္ထုသည် အဓိက လိုအပ်ချက်တစ်ပါး ဖြစ်၏ ။


ဘဝင် (၃)မျိုး - (အတီ၊ စလေ၊ ဥပစ္ဆေ၊ သုံးထွေ ဘဝင်္ဂ)

ဝီထိပိုင်း၌ (၁) အတီတဘဝင်၊ (၂) စလနဘဝင် (ဝါ) ဘဝင်္ဂစလနှင့် (၃) ဥပစ္ဆေဒဘဝင် (ဝါ) ဘဝင်္ဂုပစ္ဆေဒ - ဟူသော ဘဝင်သုံးမျိုးကို မှတ်သားရန် လို၏ ။

သတ္တဝါတို့၏ သန္တာန်၌ ဝီထိစိတ် ဖြစ်ပေါ်ခြင်း မရှိသည့် အခါများတွင် ဘဝင်စိတ်သာလျှင် အစဉ်မပြတ် ဖြစ်ပေါ်နေရ၏ ။ ဘဝင်စိတ်သည် လွန်ပြီးခါစ ဘဝဟောင်း၌ စုတေခါနီးအချိန်တွင် မရဏာသန္နဇောက ယူပေးခဲ့သော ကံနိမိတ်, ကမ္မနိမိတ်, ဂတိနိမိတ်, နိမိတ်သုံးပါးအနက်မှ တစ်ပါးပါးကို ပဋိသန္ဓေ တည်သည်မှ စ၍ စုတိတိုင်အောင် အာရုံ ပြု၏ ။ ထိုသို့ အာရုံပြုနေခြင်းကို ကျွန်ုပ်တို့ မသိကြချေ။

ထို့ကြောင့် ဘဝင်စိတ်သည် မသိစိတ် (unconscious mind) နှင့် တူ၏ ။
ဝီထိစိတ်သည် သိစိတ် (conscious mind) နှင့် တူ၏ ။

ပဉ္စဒွါရနှင့် မနောဒွါရတို့၌ အာရုံတစ်ပါးပါး ထင်လာသောအခါ ဘဝင်စိတ်အစဉ်သည် ပြတ်တောက်၍ အာရုံသစ်ကို အာရုံပြုသော ဝီထိစိတ်အစဉ် ဖြစ်ပေါ်လာ၏ ။

ထိုသို့ ဘဝင်အစဉ် ပြတ်ရန် အကြောင်းဖန်လာသောအခါ ဘဝင်စိတ်အစဉ်သည် ရုတ်တရက် တိခနဲ မပြတ်တောက်နိုင်ချေ။ ပမာဆိုသော် အဟုန်ဖြင့် ပြေးသွားသော ယောက်ျားတစ်ယောက်က အပြေးရပ်လိုသောအခါ ရပ်လိုသောနေရာ၌ တိခနဲ မရပ်နိုင်ဘဲ ဖဝါးတစ်လှမ်း နှစ်လှမ်းတို့ကို လွန်စေပြီးမှ ရပ်နိုင်သကဲ့သို့တည်း။

ထို့ကြောင့် ဘဝင်စိတ်အစဉ်သည် ပြင်ပအာရုံ ထင်သည်မှ စ၍ ဘဝင်နှစ်ကြိမ် ထပ်မံ ဖြစ်ပြီးမှသာ ပြတ်တောက်နိုင်၏ ။ ထိုဘဝင်နှစ်ကြိမ်သည် ထင်လာသော အာရုံသစ်ကြောင့် ယူမြဲဖြစ်သော အာရုံကို စွဲမြဲစွာလည် မယူနိုင်၊ လွှတ်လည်း မလွှတ်နိုင်သေးဘဲ ပင်ကိုဘဘောမှ ဖောက်ပြားချောက်ချားသွား၏ ။ ဤသို့ တုန်လှုပ်ချောက်ချားမှုကြောင့် ထိုဘဝင်နှစ်ခုကို ဘဝင်္ဂစလန-ဟု ခေါ်၏ ။ ထိုဘဝင်္ဂစလနနှစ်ခုတွင် ဒုတိယဘဝင်္ဂစလနသည် ဘဝင်အစဉ်တစ်ခု၏ အဆုံးစွန်သော ဘဝင်စိတ် ဖြစ်၏ ။ ထိုဘဝင်စိတ် ဖြစ်ပြီးသည်နောက်၌ ဘဝင်အစဉ် ပြတ်သွားသည့်အတွက် ထိုဘဝင်ကို ဘဝဂုင်္ပစ္ဆေဒ-ဟု အမည်ပေးခဲ့ကြ၏ ။

ဒွါရနှင့် အာရုံ ထိတိုက်ပြီးနောက် ဘဝင်မလှုပ်မီ ဖြစ်ပြီး ချုပ်ပျောက်သွားသော ဘဝင်စိတ်ကို အတီတဘဝင် (လွန်လေပြီးသောဘဝင်) ဟု ခေါ်၏ ။

၁။ ဘဝင်္ဂစလန = လှုပ်ရှားသွားသော ဘဝင်။
၂။ ဘဝင်္ဂုပစ္ဆေဒ = ပြတ်စဲသော ဘဝင်။
၃။ အတီတဘဝင် = လွန်လေပြီးသော ဘဝင်။


စက္ခုဒွါရ ဝီထိ ၁၅-ပါး

စက္ခုဒွါရ၌ အာရုံထင်ပုံသည် အာရုံ၏ အား အကြီးအသေးကို လိုက်၍ အတိမဟန္တာရုံ, မဟန္တရုံ, ပရိတ္တာရုံ, အတိပရိတ္တရုံ-ဟူ၍ လေးမျိုးပြားကြောင်းကို ဖော်ပြခဲ့ပြီး ဖြစ်၏ ။

ဤတွင်...
(၁) အတိ မဟန္တာရုံ၌ တဒါရမ္မဏ ဝါရ - ၁ ဝီထိ
(၂) မဟန္တာရုံ၌ ဇဝန ဝါရ - ၂ ဝီထိ
(၃) ပရိတ္တာရုံ၌ ဝေါဋ္ဌဗ္ဗန ဝါရ - ၆ ဝီထိ
(၄) အတိပရိတ္တာရုံ၌ မောဃဝါရ - ၆ ဝီထိ
စုစုပေါင်းသော် စက္ခုဒွါရ ဝီထိ - ၁၅ ဝီထိ ရှိ၏ ။


ပဉ္စဒွါရ ဝီထိ ၇၅-ပါး

(၁) စက္ခုဒွါရ၌ ဖြစ်သော ဝီထိစိတ်အစဉ် ၁၅-ပါး ရှိသည့်အတိုင်း
(၂) သောတဒွါရ၌ ဖြစ်သော သောတဒွါရဝီထိ ၁၅-ပါး ရှိ၏ ။
(၃) ဃာနဒွါရ၌ ဖြစ်သော ဃာနဒွါရဝီထိ ၁၅-ပါး ရှိ၏ ။
(၄) ဇိဝှာဒွါရ၌ ဖြစ်သော ဇိဝှာဒွါရဝီထိ ၁၅-ပါး ရှိ၏ ။
(၅) ကာယဒွါရ၌ ဖြစ်သော ကာယဒွါရဝီထိ ၁၅-ပါး ရှိ၏ ။
စုစုပေါင်းသော် ပဉ္စဒွါရဝီထိပေါင်း ၇၅-ပါးကို ရ၏ ။

(အတိမဟန္တာရုံ ဝီထိ .... စသည်တို့အား သင်္ဂြိုဟ်ကျမ်းများ၌ ဆက်လက် လေ့လာကြပါရန် တိုက်တွန်းပါ၏ ။ ပဋ္ဌာန်းလေ့လာရာ၌ မသိမဖြစ်သိရမည် ဖြစ်၍ ဝီထိအား အနည်းငယ် ပြန်လည် ရှင်းပြထားခြင်း ဖြစ်ပါသည်။ )

အပြည့်အစုံသို့...

ဝီထိ (၁)

ဝီထိ (၁)

သဟဇာတပစ္စည်း အကြောင်းမသွားခင် ဝီထိကို သင်္ဂြိုဟ်နည်းအားဖြင့် ပြန်လည်၍ နည်းနည်းတင်ပြချင်ပါတယ်။

'ဝီထိ' သဒ္ဒါသည် 'အစဉ်အတိုင်း' ကို ဟော၏ ။ လူတို့၏ သွားလာရာ ခရီးစဉ်သည် ရွာစဉ်ကို မကျော်ဘဲ တစ်ရွာပြီးတစ်ရွာ အစဉ်အတိုင်း ဖြစ်သန်းသွားသကဲ့သို့ ထို့အတူ စိတ္တနိယာမအရ စိတ်တို့၏ ဖြစ်စဉ်သည် ဖြစ်သင့်သော စိတ်အစဉ်တို့ကို မကျော်မူဘဲ စိတ်တစ်ခုပြီးတစ်ခု အစဉ်အတိုင်း ဖြစ်ပျက်ရ၏ ။

ဥပမာ - မျက်စိ အကြည်ဓာတ်၌ အဆင်းအာရုံ ထင်ပေါ်လာသောအခါ ပထမ ထိုအာရုံကို ဆင်ခြင်နှလုံးသွင်းသော ပဉ္စဒွါရာဝဇ္ဖန်းစိတ် ဖြစ်ရ၏ ။ ထို့နောက် ထင်လာသော ရူပါရုံကို မြင်သော စက္ခုဝိညာဏ်စိတ် ဖြစ်ရ၏ ။ မြင်ရုံသာ မြင်သေး၏ ။ မည်သည့်အဆင်းဟူ၍ မသိသေးချေ။ ထို့ကြောင့် စက္ခုဝိညာဏ် မြင်လိုက်သည့် ရူပါရုံကို လက်ခံယူသော သမ္ပဋိစ္ဆိုင်းစိတ် ဆက်လက်ဖြစ်ရ၏ ။ ထို့နောက် ထိုရူပါရုံကို စုံစမ်းသော သန္တီရဏစိတ် ဖြစ်၏ ။ ထို့နောက် 'ဤရူပါရုံသည် မည်သည့်အရာပဲ' ဟု အာရုံကို ဆုံးဖြတ်သော မနောဒွါရာဝဇ္ဇန်းစိတ် (ဝုဋ္ဌောစိတ်) ဖြစ်၏ ။ ထို့နောက် အာရုံကို ပိုင်းပိုင်းခြားခြား သိလျက် အာရုံ၏ အရသာကို ခံစားသော ဇောစိတ်တို့သည် အရှိန်အဟုန်နှင့် ဖြစ်၏ ။ ထို့နောက် ဇောစိတ်၏ အဟုန်ကြောင့် ဇောအစဉ်နောက်သို့ လိုက်သော တဒါရုံစိတ် ဖြစ်ပေါ်၏ ။ ထို့နောက် မြင်သိခြင်းကိစ္စ ပြီးဆုံးပြီဖြစ်၍ ဘဝင်စိတ်သည် ဖြစ်မြဲအတိုင်း ဆက်လက်ဖြစ်သွားရ၏ ။

ဤသို့ ဒွါရ ၆-ပါး၌ ထင်လာသော အာရုံတစ်ခုစီကို သိနိုင်ရန် ပဉ္စဒွါရဝဇ္ဇန်း စက္ခုဝိညာဏ်-စသည်ဖြင့် ဖြစ်ပေါ်ရသော စိတ်အစဉ်တစ်ခုစီကို 'ဝီထိ'-ဟု ခေါ်သည်။

ဝီထိစိတ်နှင့် ဝီထိမုတ်စိတ်များ

တစ်ဘဝ၌ ပထမဆုံးဖြစ်သော စိတ်ကို ပဋိသန္ဓေစိတ်ဟု ခေါ်ပါတယ်။ ထိုပဋိသန္ဓေစိတ်သည် ကံ ကမ္မနိမိတ် ဂတိနိမိတ် သုံးမျိုးတွင် တစ်မျိုးမျိုးကို အာရုံပြု၏ ။ ပဋိသန္ဓေစိတ် ချုပ်ပျောက်ပြီးသည်နှင့် တစ်ပြိုင်နက် ဘဝကို ဆက်ပေးသော ဘဝင်စိတ် တို့သည် ပဋိသန္ဓေစိတ် ယူသောအာရုံကိုပင် ဆက်ယူလျက် ဆက်ကာဆက်ကာ ဖြစ်ပျက်သွားကြ၏ ။ တစ်ဘဝ၏ နောက်ဆုံးစိတ်ဖြစ်သော ဘဝင်စိတ်ကို စုတိစိတ်ဟု ခေါ်၏ ။ စုတိစိတ်သည်လည်း ပဋိသန္ဓေစိတ်နှင့် ဘဝင်စိတ်-တို့ ယူသော အာရုံကိုပင် ဆက်ယူ၏ ။

ထိုပဋိသန္ဓေစိတ်, ဘဝင်စိတ်နှင့် စုတိစိတ်-တို့၏ အာရုံသည် အလွန်သိမ်မွေ့သဖြင့် ကျွန်ုပ်တို့ မသိရှိကြချေ။ ဤစိတ်တို့သည် စိတ်တစ်မျိုးတည်း ဖြစ်သောကြောင့်လည်းကောင်း၊ ဒွါရ ၆-ပါးတို့၌ မဖြစ်သောကြောင့်လည်းကောင်း ဤစိတ်တို့ကို ဝီထိမုတ္တ = ဝီထိမှ အလွတ်ဖြစ်သောစိတ်များဟု မှတ်ယူရ၏ ။

ဘဝင်စိတ်အစဉ် ဖြစ်ပေါ်နေစဉ် ဒွါရ ၆-ပါးအနက် တစ်ပါးပါး၌ အဆင်း၊ အသံ၊ အနံ့ - စသည့် ပြင်ပအာရုံတစ်မျိုးမျိုး ထိတိုက်လာသည့်အခါ ထိုအာရုံကို သိနိုင်ရန် ပဉ္စဒွါရာဝဇ္ဇန်း၊ စက္ခုဝိညာဏ်- စသည်ဖြင့် စိတ်တစ်ခုပြီး တစ်ခု စီတန်းကာ ဖြစ်သောကြောင့်လည်းကောင်း၊ စက္ခုဒွါရ - စသည့် ခြောက်ဒွါရတို့၌ ထိုက်သည့်အားလျှော်စွာ ဖြစ်သောကြောင့်လည်းကောင်း၊ ဤစိတ်အစဉ်အတန်းကို 'ဝီထိ' ဟု ခေါ်ဆိုရ၏ ။

ဘဝင်စိတ်အစဉ်သည် တည်ငြိမ်နေသော ပင်လယ်ရေပြင်နှင့် တူ၏ ။ ဝီထိစိတ် အစဉ်တို့သည် လေမုန်တိုင်း၏ ပင့်ဆောင်မှုကြောင့် ကြွတက်မို့မောက်လာကြသည့် ပင်လယ်ဒီလှိုင်းများနှင့် တူကြ၏ ။


စိတ်၏ အသက်

စိတ်တစ်ခုစီ၏ ဥပါဒ်ခဏ, ဌီခဏ, ဘင်ခဏ ဟူသော ခဏငယ် ၃-ချက်ကို စိတ္တက္ခဏတစ်ခု-ဟု ခေါ်၏ ။ ထိုစိတ္တက္ခဏတစ်ချက် (ဝါ) ခဏငယ် ၃-ချက်သည် စိတ်တစ်ခု၏ အသက်တည်း။

ဥပါဒ် = ဥပ္ပါဒ = ဖြစ်ပေါ်လာမှု၊
ဌီ = ဌီတိ = ဖြစ်ပေါ်ပြီးနောက် တည်နေမှု၊
ဘင် = ဘင်္ဂ = တည်နေပြီးနောက် ပျက်စီးချုပ်ကွယ်မှု၊

ဖြစ်ပေါ်ရန်အကြောင်း ပြည့်စုံညီညွတ်၍ ပရမတ္ထတရားတို့၏ ရှေးဦးဖြစ်ပေါ်လာသော ခဏအခါသည် ဥပါဒ်ခဏ မည်၏ ။
ဖြစ်ပေါ်ပြီးနောက် ပရမတ္ထတရားတို့၏ မချုပ်သေးမီ တည်နေသော အခိုက်အတန့်သည် ဌီခဏ မည်၏ ။
ဖြစ်ပေါ်တည်ပြီးနောက် ပရမတ္ထတရားတို့၏ ကွယ်ပျောက်ချုပ်ဆုံးသော ခဏအခါသည် ဘင်ခဏ မည်၏ ။

ထိုဥပါဒ်-ဌီ-ဘင် ခဏငယ် ၃-ချက်နှင့် ညီမျှသော စိတ္တက္ခဏတစ်ချက်သည် မျက်တောင်တစ်ခတ် လျှပ်တစ်ပြက်ခန့်ကာလတွင် စိတ္တက္ခဏပေါင်း ကုဋေတစ်သိန်းကျော်ရှိသည်ဟု ကျမ်းဂန်၌ ဆိုထား၏ ။ ထို့ကြောင့် စိတ္တက္ခဏတစ်ခုသည် မျက်တောင်တစ်ခတ်မျှကာလ၏ ကုဋေတစ်သိန်းပုံ တစ်ပုံခန့်သာ ကြာရှည်၏ ။
 


ရုပ်၏ အသက်

စိတ္တက္ခဏပေါင်း ၁၇-ချက်သည် ရုပ်သက်တစ်ခုနှင့် ညီမျှ၏ ။ တစ်နည်းဆိုသော် ရုပ်၏ အသက်သည် စိတ်အသက်၏ ၁၇-ဆနှင့် ညီမျှ၏ ။ စိတ်တစ်ခု၏ အသက်သည် ခဏငယ် ၃-ခု ရှိသည့်အတွက် ရုပ်သက်တစ်ခုတွင် စိတ်ခဏငယ် ၁၇*၃ = ၅၁ ချက် ရှိ၏။

ထို ၅၁-ချက်တွင် အစဖြစ်သော ခဏငယ်တစ်ခုကား​ ရုပ်၏ ဥပါဒ်ခဏတည်း။ အဆုံးဖြစ်သော ခဏငယ်တစ်ခုကား ရုပ်၏ ဘင်ခဏတည်း။ အလယ်ဖြစ်သော ခဏငယ်ပေါင်း ၄၉-ခုကား ရုပ်၏ ဌီခဏတည်း ။

သို့အတွက် ရုပ်၏ ဥပါဒ်ခဏနှင့် ဘင်ခဏတို့သည် စိတ်၏ ဥပါဒ်ခဏ ဘင်ခဏတို့နှင့် အချိန်ကာလ အတူတူပင် ဖြစ်ကြ၏ ။ ရုပ်၏ ဌီခဏကမူ စိတ်၏ ဌီခဏထက် ၄၉-ဆ ကြာရှည်၏ ။ ဤအကြောင်းကြောင့် ရုပ်ကလာပ်များစွာ စုဝေးနိုင်ပြီး ထိုရုပ်အစုအဝေးကို ကျွန်ုပ်တို့ မြင်တွေ့နိုင်၏ ။ အလွန်လျင်မြန်စွာ တစ်ခုချင်းဖြစ်သောစိတ်ကိုမူ မည်သည့်အခါမျှ မမြင်တွေ့နိုင်ချေ။

မျက်တောင်တစ်ခတ် လျှပ်တစ်ပြက်ခန့် အချိန်ကာလတွင် ရုပ်သက်ပေါင်း ကုဋေ ၅၈၀၀-ကျော် ရှိသည်ကို တွက်ချက်ကြည့်နိုင်ပါသည်။


ဝီထိ ၆-မျိုး

မျက်စိတံခါးပေါက်ဟု ခေါ်ဆိုအပ်သည့် စက္ခုဒွါရ၌ ထင်လာသော ရူပါရုံ (အဆင်း)ကို အကြောင်းပြု၍ ဖြစ်ပေါ်လာသည့် စိတ်အစဉ်ကို စက္ခုဒွါရဝီထိ-ဟု ခေါ်၏ ။

နားတံခါးပေါက်ဟု ခေါ်ဆိုအပ်သည့် သောတဒွါရ၌ ထင်လာသော သဒ္ဒရုံ (အသံ)ကို အကြောင်းပြု၍ ဖြစ်ပေါ်လာသည့် စိတ်အစဉ်ကို သောတဒွါရဝီထိ-ဟု ခေါ်၏ ။

နှာတံခါးပေါက်ဟု ခေါ်ဆိုအပ်သည့် ဃာနဒွါရ၌ ထင်လာသော ဂန္ဓာရုံ (အနံ့)ကို အကြောင်းပြု၍ ဖြစ်ပေါ်လာသည့် စိတ်အစဉ်ကို ဃာနဝီထိ-ဟု ခေါ်၏ ။

လျှာတံခါးပေါက်ဟု ခေါ်ဆိုအပ်သည့် ဇိဝှာဒွါရ၌ ထင်လာသော ရသာရုံ (အရသာ)ကို အကြောင်းပြု၍ ဖြစ်ပေါ်လာသည့် စိတ်အစဉ်ကို ဇိဝှာဒွါရဝီထိ-ဟု ခေါ်၏ ။

ကိုယ်တံခါးပေါက်ဟု ခေါ်ဆိုအပ်သည့် ကာယဒွါရ၌ ထင်လာသော ဖောဋ္ဌဗ္ဗာရုံ (အထိအတွေ့)ကို အကြောင်းပြု၍ ဖြစ်ပေါ်လာသည့် စိတ်အစဉ်ကို ကာယဒွါရဝီထိ-ဟု ခေါ်၏ ။

စိတ်တံခါးပေါက်ဟု ခေါ်ဆိုအပ်သည့် မနောဒွါရ၌ ထင်လာသော ဓမ္မာရုံ (အကြံအတွေး စသည်)ကို အကြောင်းပြု၍ ဖြစ်ပေါ်လာသည့် စိတ်အစဉ်ကို မနောဒွါရဝီထိ-ဟု ခေါ်၏ ။

ဆောင်ပုဒ်။ ။ ခြောက်ဒွါရဝယ်၊ စိတ်အစဉ်ခြယ်၊ ခြောက်သွယ် ဝီထိထုတ်။ (ဒွါရ ခြောက်ပါးကို အကြောင်းပြု၍ စိတ်အစဉ် ခြောက်မျိုး (ဝါ) ဝီထိ ခြောက်မျိုး ဖြစ်ပေါ်သည်။)


ဆသက္က ခြောက်မျိုး ခြောက်လီ

* ဝီထိပိုင်း၌ ခြောက်ခု အပေါင်းအစု-ဟူသော ဆက္ကတို့သည် အဘယ်မျှ ရှိသနည်း။
ဝတ္ထုဆက္က၊ ဒွါရဆက္က၊ အာရမ္မဏဆက္က၊ ဝိညာဏဆက္က၊ ဝိသယပ္ပဝတ္ထိဆက္က၊ ဝီထိဆက္က-ဟူ၍ ခြောက်ပါး ရှိသည်။

ဝတ္ထုဆက္က ။ ။ စက္ခုဝတ္ထု၊ သောတဝတ္ထု၊ ဃာနဝတ္ထု၊ ဇိဝှာဝတ္ထု၊ ကာယဝတ္ထု၊ ဟဒယဝတ္ထု-ဟူသော ဝတ္ထုခြောက်ခု အစုကို ဝတ္ထုဆက္က-ဟု ခေါ်၏ ။ ပထမဝတ္ထု ငါးခုသည် စက္ခုပသာဒ - စသည့် ပသာဒရုပ် ၅-ပါး ဖြစ်၏ ။ ဆဋ္ဌမမြောက် ဟဒယဝတ္ထုသည် နှလုံးအတွင်းရှိ သွေး၌ တည်သော ဝတ္ထု ဖြစ်၏ ။

ဒွါရဆက္က ။ ။ စက္ခုဒွါရ၊ သောတဒွါရ၊ ဃာနဒွါရ၊ ဇိဝှာဒွါရ၊ ကာယဒွါရ၊ မနောဒွါရ - ဟူသော ဒွါရ ခြောက်ခုအစုကို ဒွါရဆက္က-ဟု ခေါ်၏ ။ ပထမဒွါရ ငါးပါးသည် ပသာဒရုပ် ၅-ပါးပင် ဖြစ်၍၊ ရုပ်ဒွါရများ ဖြစ်ကြ၏ ။ မနောဒွါရမှာ ဘဝင်စိတ် ၁၉-ပါး ဖြစ်သဖြင့် နာမ်ဒွါရ ဖြစ်၏ ။

အာရမ္မဏဆက္က ။ ။ ရူပါရုံ၊ သဒ္ဒါရုံ၊ ဂန္ဓာရုံ၊ ရသာရုံ၊ ဖောဋ္ဌဗ္ဗာရုံနှင့် ဓမ္မာရုံ-တို့သည် အာရမ္မဏဆက္က ဖြစ်၏ ။

(ဝတ္ထုဆက္က၊ ဒွါရဆက္က၊ အာရမ္မဏဆက္က-တို့အား ပိုသဘောပေါက်ရန် ပကိဏ်းလည်း လေ့လာကြပါ။)

ဝိညာဏဆက္က ။ ။ စက္ခုဝိညာဏ်၊ သောတဝိညာဏ်၊ ဃာတဝိညာဏ်၊ ဇိဝှာဝိညာဏ်၊ ကာယဝိညာဏ်၊ မနောဝိညာဏ်-ဟူသော ဝိညာဏ် ခြောက်ပါးကို ဝိညာဏဆက္က-ဟု ခေါ်ပါသည်။
ဝိညာဏ = ဝိညာဏ်-ဟူသည်မှာ သိခြင်း (စိတ်)ပင် ဖြစ်၏ ။

ဝီထိဆက္က ။ ။ စက္ခုဒွါရဝီထိ၊ သောတဒွါရဝီထိ၊ ဃာနဒွါရဝီထိ၊ ဇိဝှာဒွါရဝီထိ၊ ကာယဒွါရဝီထိ၊ မနောဒွါရဝီထိ-ဟူ၍ ဝီထိခြောက်ပါးကို ဝီထိဆက္က-ဟု ခေါ်၏ ။

စက္ခုဒွါရဝီထိကို စက္ခုဝိညာဏဝီထိ-ဟုလည်း ခေါ်၏ ။ စက္ခုဒွါရ၌ ထင်လာသော အာရုံကို စက္ခုဝိညာဏ်စိတ်က မြင်သည်နှင့်စပ်၍ အဆက်ဆက်ဖြစ်လာသော စိတ်အစဉ်ကို စက္ခုဝိညာဏဝီထိ-ဟု ခေါ်ဆိုနိုင်၏ ။ ဒွါရ၏ အစွမ်းဖြင့် စက္ခုဒွါရဝီထိ-ဟု ခေါ်၍ ဝိညာဏ်၏ အစွမ်းဖြင့် စက္ခုဝိညာဏဝီထိ-ဟု ခေါ်ခြင်း ဖြစ်၏ ။

ထိုနည်းတူ ကျန်သည့်ဝီထိငါးပါးကို သောတဝိညာဏဝီထိ၊ ဃာတဝိညာဏဝီထိ၊ ဇိဝှာဝိညာဏဝီထိ၊ ကာယဝိညာဏဝီထိ၊ မနောဝိညာဏဝီထိ-ဟုလည်း ခေါ်ဆိုအပ်၏ ။

ဝိသယပ္ပဝတ္တိဆက္က ။ ။ ဝိသယ = အာရုံ + ပဝတ္တိ = ဖြစ်ခြင်း, ထင်ခြင်း။ ဒွါရတို့၌ အာရုံ၏ ဖြစ်ခြင်းကို ဝိသယပ္ပဝတ္တိ-ဟု ခေါ်၏ ။ တစ်နည်း... အာရုံတို့၌ စိတ်ဖြစ်ခြင်းသည် ဝိသယပ္ပဝိတ္တိ - မည်၏ ။


ပဉ္စဒွါရ၌ ဖြစ်သော အာရုံ ၄-ပါး

၁။ အတိမဟန္တရုံ = ထင်ရှားအားကြီးသော အာရုံ ငါးပါး၊
၂။ မဟန္တရုံ = သင့်တင့် ထင်ရှားအားကြီးသော အာရုံ ငါးပါး၊
၃။ ပရိတ္တာရုံ = မထင်ရှား မသိသာသည့် အားနည်းသော အာရုံ ငါးပါး၊
၎။ အတိပရိတ္တာရုံ = အလွန်တရာ မသိသာ မထင်ရှား၍ အားနည်းလှသော အာရုံ ငါးပါး။


မနောဒွါရ၌ ဖြစ်သော အာရုံ ၂-ပါး

၁။ ဝိဘူတာရုံ = ထင်ထင်ရှားရှားဖြစ်သော အာရုံ၊
၂။ အဝိဘူတာရုံ = မထင်မရှားဖြစ်သော အာရုံ ။
အထက်တွင် ဖော်ပြထားသည့်အတိုင်း ဒွါရတို့၏ အာရုံ ထင်ပုံ (၆)မျိုးကို ဝိသယပ္ပဝတ္တိဆက္က - ဟု ခေါ်၏ ။

ဝိသယပ္ပဝတ္တိ ၉-မျိုး ။ ။ အထက်ပါ အာရုံထင်ပုံ ခြောက်မျိုးတို့သည် ဝီထိစိတ်တို့၏ ဝိသယပ္ပဝတ္တိ ခြောက်မျိုး ဖြစ်၏ ။ ဝီထိမုတ်-ခေါ်သော ပဋိသန္ဓေ, ဘဝင်, စုတိစိတ်-တို့၏ ဝိသယပ္ပဝတ္တိကား ကံ, ကမ္မနိမိတ်, ဂတိနိမိတ်-အားဖြင့် သုံးမျိုးရှိ၏ ။ သို့အတွက် စုစုပေါင်း ဝိသယပ္ပဝတ္တိ ၉-မျိုး ရှိ၏ ။

ဆက်ရန် .... ဝီထိ (၂) သို့

အပြည့်အစုံသို့...

 
အမတံ ဒဒေါစ သော ဟောတိ - တရားအလှူပေးလှူသူသည် အမြိုက်နိဗ္ဗာန် ပေးလှူသူမည်၏။ (ဘဝတိုင်း ဉာဏ်ထက်မြက်စေ၏။)

ဤဓမ္မblogမှ တရားများအား ဗုဒ္ဓသာသနာတော် အဓွန့်ရှည် တည်တန့်ရန် ဖြန့်ဝေကြပါခင်ဗျား။


တခြားဘာသာများ လေ့လာချင်ရင်....
သမ္မာကျမ်းစာ-မြန်မာပြန် (Bible)
ကုရ်အာန်ကျမ်းစာ-မြန်မာပြန် (Quran)
ဟိန္ဒူ ဘာသာ (Hinduism)
ဂျူး ဘာသာ (Judaism)
ဂျိန်း ဘာသာ (Jainism)
အစ္စလာမ် ဘာသာ (Islam)

Followers

ကျွန်တော့် အကြောင်း

ဆက်သွယ်ချင်ရင်