ဓမ္မဗောဓိ

သဗ္ဗဒါနံ ဓမ္မဒါနံ ဇိနာတိ၊ ခပ်သိမ်းသော အလှူတို့တွင် တရားအလှူသည် အမြတ်ဆုံးဖြစ်၏။

အာရမ္မဏပစ္စည်း - ၂(ဂ)

အာရမ္မဏပစ္စည်း - ၂(ဂ)

ဝိပါက်အမှန် ဇောအပြန်ဟု ဆိုရိုးပြုပုံ

အကျိုးပေး ဝိပါက်ကတော့ အနိဋ္ဌာရုံ မကောင်းတဲ့ အကျိုးပေး ဖြစ်တယ်။ မိမိက အခုလို အသိဉာဏ်ရှိတဲ့အတွက်ကြောင့် အသင့်အတင့် နှလုံးသွင်းတတ်တဲ့အတွက်ကြောင့် ဇောတွေကျတော့ ဘာဇောတွေ စောသွားပါသလဲ .. ကုသိုလ်ဇောတွေ စောသွားပါတယ်။ ဒါကြောင့် ဆရာတော်ကြီးများက "ဝိပါက်အမှန်၊ ဇောအပြန်"လို့ ဆိုရိုးပြုကြပါတယ်။

ဝိပေါက်ကတော့ အမှန်အတိုင်း ကိုယ်ဆိုးခဲ့လို့ မကောင်းတဲ့ ဆိုးကျိုးတွေနှင့် လာတွေ့မနေဘူးလား ... တွေ့ရပါတယ်။ ယခု ပစ္စုပ္ပန်ဘဝမှာ ကိုယ်က ကောင်းတဲ့ဘက်ကနေ နှလုံးသွင်းတတ်တဲ့ အတွက်ကြောင့် ဇောတွေကျတော့ လာဇောတွေ စောသွားပါသလဲ .. ကုသိုလ်ဇောတွေ စောသွားပါတယ်။ နေရာကျလိုက်တာ။ နှလုံးသွင်းတတ်ဖို့ လိုအပ်ပါတယ်။ ယောနိသော မနသိကာရ အလွန်ပဲ ယောဂီများအတွက် ကျေးဇူးများပါတယ်။ ကုသိုလ်ဖြစ်ခြင်းရဲ့ နီးစွာသော အကြောင်း၊ အနီးဆုံး အကြောင်းပဲ ဖြစ်ပါတယ်။ ယောနိသောမနသိကာရ အသင့်အတင့် နှလုံးသွင်းမှုတွေလည်း ရှိနေကြရပါတယ်။

နှလုံးသွင်းမှုဆိုတာ တစ်ခါတစ်ခါလည်း ရတယ်။ တစ်ခါတစ်ခါလည်း မရပေဘူး။ အာရုံတွေက သိပ်ပြင်းထန်လာတဲ့အခါ ကြမ်းတမ်းလာတဲ့အခါ စွဲလမ်းစရာ သာယာစရာ အာရုံတွေဖြစ်လို့ သိပ်စွဲလမ်းမှု နှစ်သက်မှုတွေ ဖြစ်လာတဲ့အခါ တစ်ခါတစ်လေ နှလုံးမသွင်းနိုင်တော့ပေဘူး။ အပြင်းအထန် ဝိသမလောဘတွေ ဖြစ်သွားကြတယ်။ တစ်ချို့တစ်ချို့သော ပုဂ္ဂိုလ်တွေပေါ့လေ။ ယခု ယောဂီများအနေနဲ့တော့ အဲဒီဣဋ္ဌာရုံတွေကြောင့်တော့ နှလုံးမသွင်းနိုင်တာတော့ မရှိသလောက် နည်းကြပါတယ်။

အထူးသဖြင့်တော့ အနိဋ္ဌာရုံ ဆန့်ကျင်ဖက် အာရုံတွေ မမြင်ချင်တဲ့ အာရုံတွေ၊ မတွေ့ချင်တဲ့ အာရုံတွေ၊ အလွန်ကြမ်းတမ်းတဲ့ အာရုံတွေနဲ့ သွားတွေ့ရတဲ့အခါ တစ်ခါတစ်ခါ နှလုံးသွင်းလို့ မရတော့ပေဘူး။ စိတ်တွေ ဒေါမနဿတွေ မဖြစ်တတ်ပါဘူးလား ... ဖြစ်တတ်ပါတယ်။ နှလုံးသွင်းမှုက တစ်ခါတစ်ခါလည်း နိုင်တယ်။ တစ်ခါတစ်ခါလည်း မနိုင်ပေဘူး။ ဘာနဲ့နိုင်အောင် ကုစားရမလဲဆိုတော့ ရှုမှတ်မှုနဲ့ ကုစားရမယ်။

ရှုမှတ်မှု့က အနိုင်ဆုံးဖြစ်ပုံ

ရှုမှတ်မှုကတော့ အနိုင်ဆုံးပါပဲ။ ရှုမှတ်မှုလေး ဖြစ်သွားတာနဲ့ ဒီဒေါသ ဒေါမနဿတွေ ဖြစ်ခွင့်မရတော့ဘူး။ 'စိတ်ဆိုးတယ်၊ စိတ်ဆိုးတယ်' 'စိတ်ညစ်တယ်၊ စိတ်ညစ်တယ်'ဟု ရှုရတယ်။ သမာဓိဉာဏ် အားကောင်းရင်တော့ စိတ်ဆိုး စိတ်ညစ်တာတွေ ပျက်ပျက်သွားတာ မြင်ရမယ်။ သမာဓိဉာဏ်က အားနည်းလို့ရှိရင်လည်း မမြင်ရပေဘူး။ မမြင်ရတော့ ဘယ်လိုများ ရှုရမလဲဆိုတော့ ကိုယ်ကာယမှာ ရွှေ့ပြီးတော့ ရှုရမယ်။ မိမိက စိတ်ကိုရှုလို့ မနိုင်ရင် ဘယ်ကို ရွှေ့ရှုရပါ့မလဲ ... ကိုယ်ကာယကို ရွှေ့ပြီးတော့ မှတ်ရမယ်။

ထိုင်လျက်ဆိုရင်လည်း 'ထိုင်တယ်၊ ထိတယ်' 'ထိုင်တယ်၊ ထိတယ်' 'ဖောင်းတယ်၊ ပိန်တယ်' 'ဖောင်းတယ်၊ ပိန်တယ်'လို့ အမှတ်ဖြစ်သွားတာနဲ့ ဒီဒေါသ ဒေါမနဿ ဖြစ်မှ ဖြစ်ပါတော့မလား .. မဖြစ်တော့ပါဘူး။ စိတ်ဟာ တစ်ချိန်တည်းမှာ နှစ်ခုပြိုင်ပြီးတော့ ဖြစ်လို့ မရပေဘူး။ အမှတ်ဖြစ်သွားတာနဲ့ ဒေါသ ဒေါမနဿတွေ တဒင်္ဂ တဒင်္ဂ ကင်းပြတ်သွားတယ်။ ပယ်ပြီးသား ဖြစ်မသွားပါတယ်။

သွားလျက်ဆိုလို့ရှိရင်လည်း 'ဘယ်လှမ်းတယ်၊ ညာလှမ်းတယ်' 'ဘယ်လှမ်းတယ်၊ ညာလှမ်းတယ်' 'ကြွတယ်၊ ချတယ်' 'ကြွတယ်၊ ချတယ်' 'ကြွတယ်၊ လှမ်းတယ်၊ ချတယ်'လို့ မှတ်လိုက်တာနဲ့ တစ်ပြိုင်နက် ဒီဒေါသ ဒေါမနဿတွေ ဖြစ်နေတာ မရှိတော့ဘူး။ အမှတ်က မပယ်လိုက်ပါဘူးလား ... ပယ်လိုက်ပါတယ်။ ရပ်လျက်နဲ့ ဆိုရင်လည်း 'ရပ်တယ်၊ ရပ်တယ်'လို့ မှတ်လိုက်တာနဲ့ အမှတ်ဖြစ်သွားတာနဲ့ ဒေါသ ဒေါမနဿတွေ ဖြစ်ခွင့် မရတော့ပေဘူး။ ဝိပဿနာကတော့ မနိုင်ပါဘူးလား ... နိုင်ပါတယ်။ အနိုင်ဆုံးပဲ။ ယောဂီများကတော့ ဝိပဿနာကို တကယ်အားကိုးကြတာ ဖြစ်တယ်။ အားကိုးရာအစစ် ဖြစ်ပါတယ်။

ကိုယ့်ကိုယ်သည်သာ အားကိုးရာ အစစ်ဖြစ်ပုံ

အတ္တာဟိ အတ္တနော နာထော၊
ကောဟိ နာထော ပရော သိယာ။

အတ္တာဟိ = မိမိသည်ပင်လျှင်၊ အတ္တနော = မိမိ၏ ၊ နာထော = ကိုးကွယ်ရာဖြစ်၏ ။ ပရော = သူတစ်ပါးသည်၊ ကောဟိ = အဘယ်မှာလျှင်၊ နာထော = ကိုးကွယ်ရာသည်၊ သိယာ = ဖြစ်နိုင်ပါအံ့နည်း။

ကိုယ့်ကိုယ်သည်သာ အားကိုးရာ အစစ်ဖြစ်တယ်။ သူတစ်ပါးဟာ မိမိရဲ့ အားကိုးရာ ဘယ်မှာ ဟုတ်နိုင်ပါ့မလဲ ... ကိုယ့်ကိုယ်ကို ဘယ်လိုအားကိုးရမလဲ ... မြတ်စွားဘုရားက မိန့်ကြားပါတယ်။ ကာယ၊ ဝေဒနာ၊ စိတ္တ၊ ဓမ္မတည်း ဟူသော သတိပဋ္ဌာန်တရား(၄)ပါးက ပွားများနေတာ ကိုယ့်ကိုယ်ကို အားကိုးနေတာ ဖြစ်တယ်။ အားမကိုးရပါဘူးလား ... အားကိုးရပါတယ်။ အကုသိုလ်ဆိုတာ ရန်သူတွေ၊ ကုသိုလ်တွေဆိုတာက မိတ်ဆွေတွေ၊ ဆွေမျိုး မိဘတွေပဲ ဖြစ်တယ်။ အကုသိုလ်တွေ ပယ်နိုင်ဖို့ရာ ကာယ၊ ဝေဒနာ၊ စိတ္တ၊ ဓမ္မတွေ မပွားများရပါဘူးလား ... ပွားများရပါတယ်။ အားကိုးရာ အစစ်ဖြစ်တယ်။ ယောဂီများ အားကိုးရာ အစစ်ကိုတော့ ရထားလို့ နေရာကျပြီး ဖြစ်တယ်။

ဖြစ်ခိုက်သိမှ သဘောသိပုံ

အဲဒီမှာ ရှုမှတ်ဖို့ရာကတော့ မျက်စိကလည်း ရှုမှတ်ရမယ်၊ မြင်သိစိတ် ဖြစ်ခိုက်မှာ။ နားကလည်း ရှုမှတ်ရမယ်၊ ကြားသိစိတ် ဖြစ်ခိုက်မှာ။ နှာခေါင်းကလည်း ရှုမှတ်ရမယ်၊ နံသိစိတ် ဖြစ်ခိုက်မှာ။ လျှာကလည်း ရှုမှတ်ရမယ်၊ စားသိစိတ် ဖြစ်ခိုက်မှာ။ ကိုယ်ကလည်း ရှုမှတ်ရမယ်၊ ထိသိစိတ် ဖြစ်ခိုက်မှာ။ စိတ်ကလည်း ရှုမှတ်ရမယ်၊ ကြံသိစိတ် ဖြစ်ခိုက်မှာ။ အာရုံ(၆)ပါးက ဒွါရ(၆)ပါး အကြည်ဓာတ်(၆)ဖြာမှာ လာတိုက်၍ ဝိညာဏ်ဖြစ်တဲ့ အခိုက်အတန့်လေးမှာ ရှုရမယ်။ မဖြစ်ဘဲနဲ့ ရှုနေလို့တော့ မရပေဘူး။ ဖြစ်ခိုက်မှာ ရှုမှတ်ရမယ်။

ဆောင်ပုဒ်။ ။ ဖြစ်ခိုက်ရှုမှ၊ သဘာဝ၊ မုချသိရမည် ။ သဘောသိမှ၊ ဥဒယ၊ ဝယမြင်နိုင်သည်။

သဘောသိမှ၊ ဖြစ်ပျက် မြင်နိုင်ပုံ

ဖြစ်ခိုက်ကိုရှုမှ သဘာဝ - သဘောလေးတွေကို သိရမယ်။ သဘောကို သိမှ ဥဒယ-က ဖြစ်၊ ဝယ-က ပျက်။ "ဖြစ်ပျက်ကို သိမှ အနိစ္စမြင်၊ အနိစ္စမြင်မှ ဒုက္ခထင်၊ ဒုက္ခထင်မှ အနတ္တမြင်၊ အနတ္တမြင် ၊ နိဗ္ဗာန်ခွင် ၊ ပြေးဝင်ဆိုက်ရောက်သည်" ဆိုတဲ့အတိုင်း အနတ္တဉာဏ်တွေ ပိုင်သွားတဲ့အခါ ယောဂီများ ကောင်းမှုတွေ ပြုတိုင်း ပြုတိုင်း ဆုတောင်းခဲ့တဲ့ နိဗ္ဗာန်သို့ ဆိုက်ရောက်သွားတာပါပဲ။

မျက်စိ နား နှာ လျှာ ကိုယ် စိတ် လို့ဆိုတဲ့အတိုင်း အစဉ်အတိုင်းတော့ မျက်စိကစပြီး ဟောရမှာပါပဲ။ ဝိပဿနာဉာဏ်တွေ ထူထောင်ရတာတော့ ဘယ်ကနေစပြီးတော့ ထူထောင်ရပါသလဲဆိုရင် ကာယကနေစပြီး ထူထောင်နေရတယ်။ ဝိပဿနာဉာဏ်တွေ အားရှိထက်သန်လာတဲ့အခါကျတော့ မျက်စိကလည်း ရှုလို့ရ၊ နားကလည်း ရှုလို့ရ၊ နှာခေါင်းကလည်း ရှုလို့ရ၊ လျှာကလည်း ရှုလို့ရ၊ ကိုယ်ကလည်း ရှုလို့ရ၊ စိတ်ကလည်း ရှုလို့ရတာ ဖြစ်သွားတာပါပဲ။ ဟောကြားတဲ့ အစဉ်အတိုင်း ရှုမှတ်ပုံလေးတွေကို အတိုချူပ်တော့ ထည့်ပြီးတော့ ဟောရမှာဖြစ်တယ်။

မျက်စိမှာ ရူပါရုံအဆင်း လာတိုက်တဲ့အခါ တိုက်ခိုက်လေးမှာ၊ မြင်သိစိတ် ဖြစ်ခိုက်လေးမှာ 'မြင်တယ်၊ မြင်တယ်'လို့ပဲ မရှုမှတ်ရပါဘူးလား ... ရှုမှတ်ရပါတယ်။ သာမန်ပုဂ္ဂိုလ်တွေအနေနဲ့တော့ မြင်တာကို 'မြင်တယ်၊ မြင်တယ်' လို့ရှုတာ ဘာများ ထူးပါလိမ့်မလဲ ... ဝိပဿာနာ အခြေခံမရှိတဲ့ ပုဂ္ဂိုလ်တွေ စိတ်မှာ ဒီလို ဖြစ်သွားနိုင်ပါတယ်။

ဝိပဿနာ အခြေခံရှိတဲ့ ပုဂ္ဂိုလ်များကျတော့ 'မြင်တယ်၊ မြင်တယ်'လို့ ရှုရတာ အလွန် ထူးခြားတာပါပဲ။ မြင်ခါမျှမတ္တမှာ တည်အောင် ရှုရတယ်။ မြင်ခါမျှမတ္တမှာ တည်အောင် ရှုလိုက်တဲ့အခါ ကုသိုလ်တွေ ဖြစ်သွားတာပါပဲ။ ယောဂီများအနေနဲ့ မြင်ခါမျှမတ္တမှာ တည်အောင်ရှုဖို့ရာ မခဲယဉ်းလှပါဘူး။ သာမန်ပုဂ္ဂိုလ်တွေ အနေနဲ့တော့ ဘယ်လိုပြောတဲ့ စကားလဲလို့တောင် ထင်သွားကြတယ်။

စင်္ကြံလျှောက်နေတဲ့ ယောဂီမှာ အမှတ်တွေက ကောင်းလို့ ကြွတယ်၊ လှမ်းတယ်၊ ချတယ်လို့ မှတ်နေရာတွင် ကြွလိုက်တဲ့အခါ ပေါ့ပေါ့တက်သွားတာ၊ လှမ်းလိုက်တဲ့အခါ ပေါ့ပေါ့ပြီးတော့ ရွေ့သွားတာ၊ ချလိုက်တဲ့အခါ လေးလေးပြီးတော့ ကျသွားတာ မြင်နေ၍ အမှတ်တွေ ကောင်းနေခိုက်မှာ ယောဂီအနားမှာ လူတစ်ယောက် ဖြစ်သွားလိုက်တဲ့အခါ ယောဂီနားက ဖြစ်သွားတာ ဘယ်သူပါလဲလို့ မေးလိုက်လျှင် လူတစ်ယောက်တော့ ဖြစ်သွားတာပဲ၊ ဘယ်သူလဲတော့ မသိပါဘူး၊ အမျိုးသားလား၊ အမျိုးသမီးလား၊ ကွဲမှ ကွဲပြားပါရဲ့လား ... မကွဲပြားပါဘူး။

မြင်လျှင် မြင်ခါမျှမတ္တမှာ မတည်သွားပါဘူးလား ... တည်သွားပါတယ်။ ရှုမှတ်နေတော့ လူတစ်ယောက် ဖြစ်သွားတာကိုတော့ သိလိုက်တယ်။ အမျိုးသားလား၊ အမျိုးသမီးလား၊ အရပ်က မြင့်သလား၊ နိမ့်သလား၊ အသားက မဲသလား၊ ဖြူသလား၊ သိမှ သိပါရဲ့လား ... မသိပါဘူး။ မြင်ခါမျှမတ္တမှာ တည်သွားတာ ဖြစ်တယ်။ မြင်လျှင် မြင်ခါမျှမတ္တမှာဆိုတာ ယောဂီများလို သမာဓိဉာဏ် အခြေခံရှိတဲ့ ပုဂ္ဂိုလ်တွေ အတွက်တော့ သိပ်တော့ မခက်လှပါဘူး။

ဒိဋ္ဌေ ဒိဋ္ဌမတ္တံ ဘဝိဿတိ။
ဒိဋ္ဌေ = မြင်အပ်သော အဆင်းရူပါရုံ၌၊ ဒိဋ္ဌမတ္တံ = မြင်ကာမျှ ဖြစ်သောစိတ်သည်၊ ဘဝိဿတိ = ဖြစ်လတ္တံ (ဝါ) မြင်ခါမျှမတ္တမှာ တည်အောင်ရှုရမည် ။ ဣတိ = ဤသို့၊ ဘဂဝါ = မြတ်စွားဘုရားသည်၊ အဝေါစ = ကရုဏာရှေ့သွား ပညာအားဖြင့် ဟောကြားတော်မူခဲ့ ပါပေသတည်း .... ။
သာဓု ... သာဓု ... သာဓု ။

ရူပါရုံအဆင်း မျက်စိအကြည်မှာ လာတိုက်တဲ့အခါ 'မြင်တယ်၊ မြင်တယ်'လို့ မြင်ခါမျှမတ္တမှာပဲ တည်အောင်ရှုရမယ်လို့ မြတ်စွာဘုရား မိန့်ကြားတော်မူပါတယ်။ မြင်ခါမတ္တမှာ တည်အောင် ရှုဖို့ရာမှာ အဆင့်ဆင့် ရှုရင်တော့ ပိုပြီး မြင်ခါမျှမတ္တ တည်သွားနိုင်ပါတယ်။

အမှတ်တွေကောင်းနေတဲ့ စင်္ကြိလျှောက်နေသည့် ယောဂီပုဂ္ဂိုလ်မှာ မြင်စရာ ကြည့်စရာတစ်ခုပေါ်လာ၍ ကြည့်ရတော့မယ် ဆိုလို့ရှိရင် ရှေးဦးစွာ ကြည့်ချင်တဲ့စိတ်တွေ အရင်ဖြစ်နေတာ မထင်ရှားပါဘူးလား ... ထင်ရှားပါတယ်။ ထင်ရှားနေတော့ 'ကြည့်ချင်တယ်၊ ကြည့်ချင်တယ်'လို့ မှတ်လို့မရပါဘူးလား ... မှတ်လို့ရပါတယ်။ ကြည့်ချင်စရာ အာရုံသည် မိမိအတွက် ဘာမျှ အကျိုးမရှိဘူးဆိုရင် မကြည့်တော့ပေဘူး။ 'ကြည့်ချင်တယ်၊ ကြည့်ချင်တယ်'နဲ့ပဲ ရပ်လို့ရသွားတယ်။ မကြည့်ဖြစ်တော့ပေဘူး။

မကြည့်မဖြစ်တဲ့ အာရုံဖြစ်လို့ ကြည့်မှ ဖြစ်မယ်ဆိုရင်တော့ 'ကြည့်ချင်တယ်၊ ကြည့်ချင်တယ်'လို့ ရှေးဦးစွာ ရှုမှတ်ရပါတယ်။ ထို့နောက်မှ ကြည့်တဲ့ မျက်လုံး အမူအရာတွေ ဖြစ်လာတယ်။ အပေါ်မျက်ခွံက အပေါ်သို့တက်၊ အောက်မျက်ခွံက အောက်သို့ကျ၊ အတွင်းက အားယူနေတာကို 'ကြည့်တယ်၊ ကြည့်တယ်'လို့ ရှုမှတ်ရပေတယ်။ (၃)ဆင့် ရှုမှတ်လိုက်လျှင် မြင်ခါမျှမတ္တ တည်အောင် ရှုမှတ်လို့ ရသွားကြပါတယ်။

ရှုမှတ်၍ ကြည့်ရာတွင် ကုသိုလ်(၃)မျိုး ရရှိနိုင်ပုံ

'ကြည့်ချင်တယ်၊ ကြည့်ချင်တယ်'လို့ မှတ်ရတာက ကြည့်ချင်တဲ့ စိတ်ကို မှတ်ရတဲ့အတွက်ကြောင့် စိတ္တာနုပဿနာ သတိပဋ္ဌာန်အနေနဲ့ ကုသိုလ်တွေ ရပေတယ်။ 'ကြည့်တယ်၊ ကြည့်တယ်'လို့ ရှုမှတ်တဲ့ အခါကျတော့ မျက်လုံးအမူအရာ ကိုယ်ကာယကို ရှုမှတ်ရတဲ့အတွက်ကြောင့် ကာယာနုပဿနာ သတိပဋ္ဌာန်အနေနဲ့ ကုသိုလ်တွေ ရပေတယ်။ 'မြင်တယ်၊ မြင်တယ်'လို့ ရှုမှတ်ရတဲ့ အခါကျတော့ မြင်ခါမျှမတ္တသဘောကို ရှုမှတ်ရတဲ့အတွက်ကြောင့် ဓမ္မာနုပဿနာ သတိပဋ္ဌာန်အနေနဲ့ ကုသိုလ်တွေရပေတယ်။ ဤကဲ့သို့ တစ်ခါကြည့်လိုက်ရင် ကုသိုလ်တွေ (၃)မျိုး ရရှိသွားနိုင်ပေတယ်။

ဥပ္ပန္နုပ္ပန္နာနံ သင်္ခါရာနံ ခယမေဝ ပဿတိ။
ဥပ္ပန္နုပ္ပန္နာနံ = ဖြစ်တိုင်း ဖြစ်တိုင်းကုန်သော၊ သင်္ခါရာနံ = သင်္ခါရတရား ရုပ်နာမ် နှစ်ပါးတို့၏ ၊ ခယမေဝ = ကုန်ခြင်းကိုသာလျှင်၊ ပဿတိ = ရှု၏ ။ ဣတိ = ဤသို့၊ အဋ္ဌကထာစရိယော = အဋ္ဌကထာဆရာသည်၊ သံဝဏ္ဏေတိ = ကောင်းစွာမသွေ ဖွင့်ပြတော် မူခဲ့ပါပေသတည်း ... ။
သာဓု ... သာဓု ... သာဓု ။

ယောဂီများရဲ့သန္တာန်မှာ အကျဉ်းချူပ်အားဖြင့် ရုပ်တရား နာမ်တရား နှစ်ပါးပဲ ရှိပါတယ်။ အဲဒီ ရုပ်တရား နာမ်တရား နှစ်ပါးလုံးသည်လည်း ဖြစ်ပြီးတာနဲ့ ကုန်ပျက်၊ ဖြစ်ပြီးတာနဲ့ ကုန်ပျက်သွားတာပါပဲ။ တစ်ခဏလေးတောင် မတည်ပေဘူး။ အဲဒီ ကုန်ပျက်တဲ့ဘက်ကို စိတ်ကို ညွတ်ပြီးတော့ ရှုမှတ်တတ်တာဟာလည်း ဣနြေ္ဒထက်ကြောင်းတရား တစ်ပါးဖြစ်တယ်။ တရားတွေ မြန်မြန်တွေ့၊ တရားထူး တရားမြတ်တွေ မြန်မြန်ရဖို့ရာ ဖြစ်တယ်။

ဆောင်ပုဒ်။ ။ ဖြစ်တိုင်းရုပ်နာမ်၊ ချူပ်ပျက်ဟန်၊ ဧကန်ရှုရမည်။

ရုပ်တရား နာမ်တရားနှစ်ပါးလုံး ကုန်ပျက် ချူပ်ပျက်တဲ့ဘက်ကို စိတ်ကို ညွတ်ပြီး ရှုမှတ်တတ်တာဟာလည်း ဣနြေ္ဒထက်ကြောင်း တရားတွေတက်ကြောင်း တစ်ပါးဖြစ်ပေတယ်။ ဖောင်းတယ်၊ ပိန်တယ်၊ ကြွတယ်၊ လှမ်းတယ်၊ ချတယ်ဟု ရှုမှတ်နေတဲ့အခါမှာ ကုန်ပျက်တဲ့ဘက်ကို စိတ်ကို ညွတ်ပြီးတော့ ရှုမှတ်ပေးရမယ်။ ဖောင်းတယ်လို့ ရှုမှတ်တဲ့အခါမှာ ရှုမှတ်ပြီးတာနဲ့ ဖောင်းတာလေး မရှိတော့ပေဘူး။ ပိန်တယ်လို့ ရှုမှတ်ရတာ အသစ်လား ... အဟောင်းလား .. အသစ်ပဲ ဖြစ်ပေတယ်။ ရှုမှတ်ပြီးတာနဲ့ ကုန်သွားပြီး ပျက်သွားတာကို သိနိုင်လောက်အောင် စိတ်ကို စူးစိုက်ထားရမယ်။ ကုန်ပျက်တဲ့ဘက်ကို စိတ်ကို ညွတ်ထားရပေတယ်။

ဆက်ရန် .... အာရမ္မဏ ၂(ဃ)သို့

အပြည့်အစုံသို့...

အာရမ္မဏပစ္စည်း - ၂(ခ)

အာရမ္မဏပစ္စည်း - ၂(ခ)

တယောဥပမာ

ဥပမာအားဖြင့် အဋ္ဌကထာဆရာတွေက၊ ထိုထိုဆရာတွေက၊ ပညာရှိပုဂ္ဂိုလ်တွေက ဖွင့်ပြကြတယ်။ အတိုက်ဓာတ်ရယ်၊ အခံဓာတ်ရယ်၊ အပွင့်ဓာတ်ရယ် ဖြစ်ပေါ်နေပုံ ဥပမာနှင့် ပြကြတယ်။ တယောကြိုးရယ်၊ တယောတံရယ်၊ တယော၏ အသံရယ် .ဘယ်နှစ်မျိုးပါလဲ ... သုံးမျိုးပါ။ တယောတံနဲ့ အတိုက်ဓာတ် အာရုံ(၆)ပါးနဲ့ တူတယ်။ တယောကြိုးနှင့် အခံဓာတ် အကြည်ဓာတ် (၆)ဖြာနှင့် တူတယ်။ တယော၏ အသံနှင့် အပွင့်ဓာတ် ဝိညာဏ်(၆)ပါး နှင့်တူတယ်။

တယောကြိုးရယ်၊ တယောတံရယ်၊ တယော၏ အသံရယ် ရှိနေသကဲ့သို့ မိမိတို့ သန္တာန်မှာလည်း ဝိညာဏ်(၆)ပါး ဖြစ်နေတယ်။ အဲဒီဝိညာဏ်(၆)ပါးဖြစ်တဲ့ အခိုက်အတန့်ကလေးမှာ ဝိပဿနာရှုရတာ ဖြစ်တယ်။ ရှုလို့ရတာပါပဲ။ 'မြင်တယ်၊ မြင်တယ်' 'ကြားတယ်၊ကြားတယ်' 'နံတယ်၊နံတယ်' 'စားတယ်၊ စားတယ်' 'ထိတယ်၊ ထိတယ်' 'ကြံစည်တယ်၊ စိတ်ကူးတယ်'လို့ ရှုလို့မရပါဘူးလား .. ရှုလို့ရပါတယ်။ အဲဒီဝိညာဏ်(၆)ပါး ဖြစ်ခိုက်ကလေးမှာ ပစ္စုပ္ပန်တည့်အောင် ရှုနိုင်တယ်။ ရှုလို့ရသွားပြီးဆိုရင်တော့ ယောဂီများ အောင်မြင်သွားပြီ ဖြစ်တယ်။

နောက်တစ်နည်း ထင်ရှားအောင် ဥပမာအားဖြင့် ပြောရမယ်ဆိုလို့ရှိရင် မီးခြစ်ဆံရယ်၊ မီးခြစ်ဘူးရယ်၊ မီးတောက်ကလေးရယ် ဘယ်နှစ်မျိုးပါလဲ ... သုံးမျိုးပါ။ မီးခြစ်ဆံထဲမှာလည်း မီးတောက်ကလေး မရှိသေးဘူး၊ မီးခြစ်ဘူးထဲမှာလည်း မီးတောက်ကလေး မရှိသေးဘူး၊ မီးခြစ်ဆံနှင့် မီးခြစ်ဘူးကို ခတ်လိုက်တဲ့အခါကျမှ မီးတောက်ကလေး ဖြစ်လာပါတယ်။ မီးခြစ်ဆံက အတိုက်ဓာတ်၊ မီးခြစ်ဘူးက အခံဓာတ်၊ မီးတောက်ကလေးက အပွင့်ဓာတ်ပါ။ သိပ်ထင်ရှားတယ်။

ယောဂီများရဲ့သန္တာန်မှာ ဝိညာဏ်(၆)ပါး ဖြစ်နေတာ အဲဒီအတိုင်းပါပဲ။ ဘာကလေးနှင့်တူပါသလဲ .. မီးတောက်ကလေးနှင့် တူပါတယ်။ ပွင့်ပွင့်သွားတာပဲ။ အဲဒီပွင့်သွားတဲ့ အခိုက်အတန့်မှာ 'မြင်တယ်၊ မြင်တယ်' 'ကြားတယ်၊ကြားတယ်' 'နံတယ်၊နံတယ်' 'စားတယ်၊ စားတယ်' 'ထိတယ်၊ ထိတယ်' 'ကြံစည်တယ်၊ စိတ်ကူးတယ်'လို့ မမှတ်ရပါဘူးလား .. မှတ်ရပေတယ်။ ဝိပဿနာရှုဖို့ရာ အချက်အချာတွေပါပဲ။

အကြည်ဓာတ်(၆)ဖြာကို ဒွါရဟူ၍လည်း ခေါ်ဆိုပုံ

အဲဒီအကြည်ဓာတ်(၆)ဖြာကို စာပေကျမ်းဂန်တွေမှာ ဒွါရလို့လည်း ခေါ်ပါတယ်။ စက္ခုဒွါရ = မျက်စိပေါက်၊ သောတဒွါရ = နားပေါက်၊ ဃာနဒွါရ = နှာခေါင်းပေါက်၊ ဇိဝှါဒွါရ = လျှာပေါက်၊ ကာယဒွါရ = ကိုယ်ပေါက်၊ မနောဒွါရ = စိတ်အပေါက်တို့ကို ဒွါရလို့ ခေါ်ပါတယ်။ ဘာကြောင့် ဒွါရလို့ ခေါ်ရသလဲဆိုတော့ တံခါးနဲ့ တူလို့ပဲ။

ဒွေ ဇနာ အရ န္တိ ဂစ္ဆ န္တိ ဧတ္ထာဟိ ဒွါရံ။

ဒွေ ဇနာ = နှစ်ယောက်ကုန်သော သူတို့သည်၊ ဧတ္ထ = ဤနေရာ၌၊ အရ န္တိ ဂစ္ဆ န္တိပဝတ္တန္တိ = ဖြစ်တတ်ကုန်၏ ။ ဣတိတသ္မာ = ထိုသို့ နှစ်ယောက်သောသူတို့၏ ဖြစ်ရာဋ္ဌာန ဖြစ်တဲ့အတွက်ကြောင့်၊ ဒွါရံ = ဒွါရမည်၏ (ဝါ) တံခါးမည်၏ ။

တံခါးဆိုတာ လူနှစ်ယောက်တို့ရဲ့ ဖြစ်ရာဋ္ဌာန။ ဝင်တဲ့သူကလည်း ဒီတံခါးကပဲ မဝင်ရပါဘူးလား ... ဝင်ရပါတယ်။ ထွက်တော့ကော ဒီတံခါးကပဲ ထွက်တယ်။ ထွက်သူ ဝင်သူ နှစ်ယောက်ဖြစ်ရာ ဋ္ဌာနကို တံခါးလို့ ခေါ်ပါတယ်။

စက္ခုဒွါရ - မျက်စိတည်းဟူသောတံခါး၊ သောတဒွါရ - နားတည်းဟူသောတံခါး၊ ဃာနဒွါရ - နှာခေါင်းတည်းဟူသောတံခါး၊ ဇိဝှါဒွါရ - လျှာတည်းဟူသောတံခါး၊ ကာယဒွါရ - ကိုယ်တည်းဟူသောတံခါး၊ မနောဒွါရ - စိတ်တည်းဟူသောတံခါး။ ဒီတံခါးတွေကလည်း ဒီအတိုင်းပါပဲ။ စိတ်ဝိညာဏ်တွေ ထွက်ရာဝင်ရာ နေရာဋ္ဌာနဖြစ်တယ်။ စက္ခုဒွါရ - မျက်စိတံခါးက မြင်သိစိတ်ကလေး ထွက်ရာဝင်ရာ ဖြစ်တယ်။ မြင်သိစိတ်ကလေး ဖြစ်တာလည်း ဒီမျက်စိအကြည် စက္ခုဒွါရမှာပဲ ဖြစ်လိုက်တယ်။ ပျက်သွားတဲ့ အခါကျတော့လည်း ဒီမျက်စိအကြည် စက္ခုဒွါရမှာပဲ ပျက်သွားတာပဲ ဖြစ်တယ်။ အဲဒါလေးကို မြင်အောင်ရှုနိုင်ရမယ်လို့ ဆိုလိုပါတယ်။ ဖြစ်တာကိုလည်း မြင်အောင် ရှုနိုင်ရမယ်။ ပျက်သွားတာကိုလည်းပဲ မြင်အောင် ရှုနိုင်ရပါမယ်။ ရှုနိုင်မယ်ဆိုရင်တော့ ယောဂီများ အောင်မြင်သွားပါပြီ။ မရှုနိုင်သေးရင်တော့ မအောင်မြင်သေးပေဘူး။ မျက်စိက မအောင်မြင်သေးဘူးလို့ ဆိုရမှာပဲ ဖြစ်တယ်။

နားအကြည်ကလည်း ဒီအတိုင်းပဲ။ ကြားသိစိတ်ကလေး ဖြစ်တဲ့အခါလည်း ဒီနားအကြည် = သောတဒွါရမှာပဲ ဖြစ်တယ်။ ပျက်သွားတဲ့အခါမှာလည်း သောတဒွါရ = နားအကြည်ပေါ်မှာပဲ ပျက်သွားတယ်။ ဖျတ်ခနဲဆို ဖြစ်ပြီးတော့ ဖျတ်ခနဲဆို ပျက်သွားတာပဲ ဖြစ်တယ်။ အဲဒီ ဖြစ်ပြီးတော့ ပျက်သွားတာလေးကို မီအောင် ရှုနိုင်ရင်တော့ ယောဂီများအတွက် အောင်မြင်ပါပြီ။

ဥဒယဗ္ဗယဉာဏ် ရောက်လာတဲ့အခါကျတော့ 'ကြားတယ်၊ ကြားတယ်'လို့ မှတ်လိုက်လို့ရှိရင် ကြားသိစိတ်ကလေးက ဖြစ်ပြီးတော့ ပျောက်သွား၊ ဖြစ်ပြီးတော့ ပျောက်သွားတာ အနည်းငယ် ထင်ရှားလာတယ်။ သမာဓိဉာဏ်များ ရင့်ကျက်လာပြီးတော့ ဥဒယဗ္ဗယဉာဏ် အရင့်ပိုင်းသို့ ရောက်လာရင် ပိုပြီးတော့ ဖြစ်တာ ပျက်တာတွေ ထင်ရှားတယ်။ နောက်ဘင်္ဂဉာဏ်သို့ ရောက်သွားတဲ့အခါကျတော့ ဖြစ်တာကတော့ မထင်ရှားတော့ပေဘူး။ ပျက်ပျက်သွားတာပဲ ထင်ရှားတယ်။ ကြားတယ်၊ ကြားတယ်လို့ မှတ်လိုက်ရင် ကြားသိစိတ်ကလေး ကုန်ပျက်သွားတာ ယောဂီဟောင်းများ သမာဓိဉာဏ် ရင့်ကျက်လာတဲ့ ပုဂ္ဂိုလ်များ မြင်ကြပါတယ်။ မြင်နိုင်ပါတယ်။

ကြားသိစိတ် ဖြစ်ရာ ပျက်ရာ ဌာနဖြစ်လို့ သောတဒွါရလို့ ခေါ်ရတယ်။ တံခါးဟာ လူနှစ်ယောက်တို့၏ ထွက်တဲ့လူနှင့် ဝင်တဲ့လူနှစ်ယောက်တို့၏ ဖြစ်ရာဌာနကို တံခါးခေါ်ရသကဲ့သို့ မြင်သိစိတ်၊ ကြားသိစိတ်တို့၏ ဖြစ်ရာ ပျက်ရာဌာနကို စက္ခုဒွါရ ၊ သောတဒွါရလို့ မခေါ်ရပါဘူးလား ... ခေါ်ရပါတယ်။ ဃာနဒွါရလည်း ဒီအတိုင်း၊ ဇိဝှါဒွါရလည်း ဒီအတိုင်း၊ ကာယဒွါရလည်း ဒီအတိုင်း၊ မနောဒွါရလည်း ဒီအတိုင်းပဲ ဖြစ်ပါတယ်။ အကြည်ဓာတ်(၆)ဖြာ၊ ဒွါရ(၆)ပါးဟာ ဝိညာဏ်(၆)ပါးတို့ရဲ့ ဖြစ်ရာပျက်ရာ နေရာဌာန ဖြစ်တယ်။ ဒါကြောင့် သူတို့ကို ဒွါရလို့လည်း ခေါ်ရတယ်။

ပကတိသော တံခါးကကြီးမှာ လူနှစ်ယောက် ဝင်ရာထွက်ရာဌာန ဖြစ်သလို ဒွါရ(၆)ပါးဟာလည်း ဝိညာဏ်(၆)ပါးရဲ့ ဖြစ်ရာပျက်ရာ နေရာဌာန ဖြစ်တယ်။ အဲဒီ ဖြစ်တာ ပျက်တာကို မီအောင်ရှုနိုင်ရင်တော့ နေရာကျသွားပါပြီ။ အဲဒီ ဝိညာဏ်(၆)ပါး ဖြစ်ပေါ်လာတဲ့အခါ နှလုံးသွင်းနိုင်တယ် ဆိုလို့ရှိရင်လည်း ကုသိုလ်ဖြစ်ပါတယ်။ နှလုံးမသွင်းနိုင်ဘူးဆိုလို့ရှိရင် ကုသိုလ် မဖြစ်တော့ ဘာဖြစ်မလဲ .. အကုသိုလ်ဖြစ်တယ်။

ဒီဒွါရ - အကြည်ဓာတ်(၆)ဖြာမှာတော့ အာရုံ(၆)ပါးက အမြဲတမ်း တိုက်မနေဘူးလား .. တိုက်နေပါတယ်။ အမြဲတမ်း တိုက်နေတယ်။ တိုက်လိုက်လို့ ဝိညာဏ်(၆)ပါး ဖြစ်ခိုက်မှာ နှလုံးသွင်းမှု ဖြစ်ရင်လည်း ကုသိုလ်ဖြစ်ပါတယ်။ ဝိပဿနာ ရှုနိုင်မယ်ဆိုလို့ရှိရင်လည်း ကုသိုလ်ဖြစ်ပါတယ်။ နှလုံးလည်း မသွင်းနိုင်ဘူး၊ ဝိပဿနာလည်း မရှုနိုင်ဘူးဆိုရင်တော့ ဘာဖြစ်ပါမလဲ ... အကုသိုလ်ဖြစ်မှာပါ။ ကုသိုလ်၊ အကုသိုလ်တွေ ဒီဒွါရတွေကပဲ မဖြစ်နေပါဘူးလား ... ဖြစ်နေပါတယ်။ ဒီဌာနတွေကပဲ ဖြစ်နေပါတယ်။ အကုသိုလ်ချည်းပဲ ဖြစ်တာများနေရင်တော့ နေရာကျမှ ကျပါ့မလား .. နေရာမကျပါ။ လူဖြစ်ရကျိုး မနပ်တော့ပါဘူး။ ကုသိုလ်များများ ဖြစ်ဖို့ရာ သိပ်အရေးကြီးတယ်။ နှလုံးသွင်းမှုလည်း ရှိရမယ်။ ရှုမှတ်မှုလည်း ရှိရမယ်။

နှလုံးသွင်းမှု၊ ရှုမှတ်မှု ပြုပါက ကုသိုလ်ဖြစ်ပုံ

ဆောင်ပုဒ်။ ။ နှလုံးသွင်းမှု၊ ရှုမှတ်မှု၊ ပြုက ကုသလာ။

နှလုံးသွင်းတတ်မယ် ဆိုလို့ရှိရင်လည်း၊ နှလုံးသွင်းမှု ရှိမယ်ဆိုလို့ ရှိရင်လည်း ကုသိုလ်ဖြစ်နိုင်ပါတယ်။ ဝိညာဏ်(၆)ပါး ဖြစ်ပေါ်လာတဲ့အခါမှာ ရှုမှတ်မှုရှိမယ်ဆိုလို့ ရှိရင်လည်း ဝိပဿနာကုသိုလ်တွေ ဖြစ်ပေါ်လာနိုင်ပါတယ်။ ကုသိုလ်ဖြစ်ကြောင်း အချက်(၂)ပါးကိုတော့ သိထားရပြီ ဖြစ်တယ်။ အကုသိုလ်ဖြစ်ကြောင်း အချက်(၂)ပါးကိုလည်း သိထားသင့်ပါတယ်။

နှလုံးသွင်းမှု၊ ရှုမှတ်မှု မပြုပါက အကုသိုလ် ဖြစ်ပုံ

ဆောင်ပုဒ်။ ။ နှလုံးမသွင်း၊ ရှုမှတ်ကင်း၊ ဖြစ်ခြင်းအကုသာ။

နှလုံးလည်း မသွင်းဘူး၊ နှလုံးလည်း မသွင်းတတ်ဘူး၊ ရှုမှတ်မှုလည်း မရှိဘူး၊ ရှုမှတ်မှုလည်း မတတ်ဘူးဆိုရင် ထိုပုဂ္ဂိုလ်တွေရဲ့ သန္တာန်မှာ ဘာတွေဖြစ်တာ များနေပါ့မလဲ ... အကုသိုလ်တွေဖြစ်တာ များနေပါတယ်။ အကုသိုလ်တွေဖြစ်တာ များနေရင်တော့ လူဖြစ်ရကျိုးကော မနပ်တော့ဘူး။

ဒုတိယဘဝအတွက် ယုတ်နိမ့်ရာဘုံဘဝသို့ ရောက်သွားဖို့သာ ရှိတော့တယ်။ ဒါကြောင့် အရေးကြီးပါတယ်။ အာရုံ(၆)ပါးက ဒွါရ(၆)ပါး အကြည်ဓာတ်(၆)ဖြာမှာ လာပြီးတော့ တိုက်တဲ့အခါ ဝိညာဏ်(၆)ပါး ဖြစ်ခိုက်မှာ နှလုံးသွင်းတတ် ရှုမှတ်တတ်ဖို့ အရေးကြီးပါတယ်။ အဲဒီအတွက် အားထုတ်ပြီးတော့ နေကြရတာဖြစ်တယ်။

အာရဒ္ဓဝီရိယော ဝိဟရတိ
အကုသလာနံ ဓမ္မာနံ ပဟာနယ
ကုသလာနံ ဓမ္မာနံ ဥပသမ္ပဒါယ

အာရဒ္ဓဝီရိယော = အားထုတ်အပ်သော လုံ့လဝီရိယရှိသည်ဖြစ်၍၊ ဝိဟရတိ = နေရ၏ ။ အကုသလာနံ ဓမ္မာနံ = အကုသိုလ်တရားတို့ကို၊ ပဟာနာယ = ပယ်ခြင်းငှာ၊ ကုသလာနံ ဓမ္မာနံ = ကုသိုလ်တရားတို့ကို၊ ဥပသမ္ပဒါယ = ပြည့်စုံစေခြင်းငှာ၊ အာရဒ္ဓဝီရိယော = အားထုတ်အပ်သော လုံ့လဝီရိယရှိသည်ဖြစ်၍၊ ဝိဟရတိ = နေရ၏ ၊ (ဝါ) နေရမယ်။ ဣတိ = ဤသို့၊ ဘဂဝါ = မြတ်စွာဘုရားသည်၊ အဝေါစ = ကရုဏာရှေ့သွားပညာအားဖြင့် ဟောကြားတော်မူခဲ့ပါပေသတည်း ... ။
သာဓု ... သာဓု ... သာဓု ။

မိမိတို့ကို ဒုက္ခပေးတတ်တဲ့ အကုသိုလ်တရားတွေကို ပယ်ဖို့ရာ ကုသိုလ်တရားတွေ ပြည့်စုံလာစေဖို့ရာ၊ ပြည့်စုံစေဖို့ရာ အားထုတ်ပြီးတော့ နေကြရမယ်။ ဘယ်သူ မိန့်ကြားတာပါလဲ .. မြတ်စွာဘုရား မိန့်ကြားတာဖြစ်တယ်။ အင်မတန်ပဲ သတိထားစရာဖြစ်တယ်။ အကုသိုလ်တရားတွေ ပယ်နိုင်ရအောင် ကုသိုလ်တရားတွေကို ပြည့်စုံလာရအောင် အားထုတ်ပြီးတော့ နေကြရမယ်။ ဘယ်လိုနေရမလဲ ဆိုပါလျှင် နှလုံးသွင်းမှု ရှိရမယ်။ ရှုမှတ်မှု ရှိရမယ်ဆိုတဲ့ အဓိပ္ပါယ် ဖြစ်တယ်။

နှလုံးမသွင်းတတ်ဘူး ဆိုလို့ရှိရင် အကုသိုလ်ဖြစ်တာ သိပ်ထင်ရှားတယ်။ ကောင်းတဲ့ဣဋ္ဌာရုံတွေ မျက်စိ နား နှာ လျှာ ကိုယ် စိတ်တည်းဟူသော အကြည်ဓာတ်(၆)ဖြာမှာ လာတိုက်တယ်။ အဆင်းကောင်းကောင်း အနံ့ကောင်းကောင်း အသံကောင်းကောင်း အရသာကောင်းကောင်း အတွေ့အထိကောင်းကောင်း အာရုံကောင်းကောင်းတွေ မျက်စိ နား နှာ လျှာ ကိုယ် စိတ်မှာ လာတိုက်တယ်။ နှလုံးမသွင်းတတ်ဘူးဆိုရင် အလွန်နှစ်သက် သာယာစွဲလမ်းတဲ့ သဘောတွေ မဖြစ်ပါဘူးလား .. ဖြစ်ပါတယ်။ လောဘဆိုတဲ့ အကုသိုလ် အကုသိုလ်တွေ ဖြစ်ကြတယ်။

ဆန့်ကျင်ဖက်ဖြစ်တဲ့အာရုံတွေ မမြင်ချင်တဲ့ အဆင်းတွေ၊ မကြားချင်တဲ့ အသံတွေ၊ မတွေ့ချင်တဲ့ အတွေ့တွေ၊ ဆန့်ကျင်ဘက် အာရုံတွေနဲ့ လာတွေ့ရတဲ့အခါကျတော့ နှလုံးမသွင်းတတ်လို့ရှိရင် ဒေါမနဿ ဒေါသတွေဖြစ်ကြတယ်။ အကုသိုလ်တွေ မဖြစ်ကြပါဘူးလား... ဖြစ်ကြပါတယ်။ နှလုံးမသွင်းတတ်လို့ရှိရင်တော့ ကောင်းတဲ့အာရုံနဲ့ တွေ့တဲ့အခါမှာ လောဘ၊ မကောင်းတဲ့ အနိဋ္ဌာရုံတွေနဲ့ တွေ့တဲ့အခါကျတော့ ဒေါသ ဒေါမနဿ အကုသိုလ်တွေ ဖြစ်ကြရတယ်။

ကောင်းတဲ့ ဣဋ္ဌာရုံ၌ ကုသိုလ်ဖြစ်အောင် နှလုံးသွင်းပုံ

ကောင်းတဲ့ဣဋ္ဌာရုံတွေနဲ့ တွေ့တဲ့အခါ ဘယ်လိုနှလုံးသွင်းရမလဲ .. မလိုအပ်ပါဘူးလား ... လိုအပ်ပါတယ်။ ကောင်းတဲ့ဣဋ္ဌာရုံတွေနဲ့ တွေ့ကြုံရတဲ့အခါ ဘယ်လိုနှလုံးသွင်းရပါ့မလဲဆိုရင် ကောင်းတဲ့အာရုံတွေနဲ့ မိမိလာတွေ့နေတာ မိမိအတိတ်ဘဝတွေက ကောင်းခဲ့လို့လား ... မကောင်းခဲ့လို့လား ... ကောင်းခဲ့လို့ပါ။ ကောင်းတဲ့ ကုသိုလ်တရားတွေ ပြုခဲ့လို့၊ ကောင်းတဲ့ ကုသိုလ်ကံတွေ ပြုခဲ့လို့ ကောင်းတဲ့ အာရုံ အမျိုးမျိုးတွေနဲ့ လာတွေ့နေရတာ ဖြစ်တယ်။

နောင်တစ်ချိန် အနာဂတ်ဘဝတွေမှာလည်း ဒီလို ကောင်းတဲ့ အာရုံတွေနဲ့ တွေ့ပြီးတော့ အကောင်းမြတ်ဆုံးဖြစ်တဲ့ နိဗ္ဗာန်ချမ်းသာကို ရောက်သွားဖို့ရာ မလိုအပ်ပါဘူးလား ... လိုအပ်ပါတယ်။ ဒါကြောင့် ကောင်းတဲ့ကုသိုလ်တရားတွေ ကောင်းမှုကုသိုလ်တွေကို ရှေ့ကထက်ပိုပြီး ကြိုးစားအားထုတ်ရမယ်။ အားထုတ်မှ တော်မယ်လို့ နှလုံးသွင်းလိုက်တာနဲ့ ကုသိုလ်ဖြစ်မသွားပါဘူးလား .... ဖြစ်သွားပါတယ်။ ရှေ့က မိမိကောင်းခဲ့လို့ ကောင်းတဲ့အာရုံတွေနဲ့ တွေ့ရတာဖြစ်တယ်။ နောင်တစ်ချိန်မှာလည်း ကောင်းတဲ့အာရုံတွေနဲ့ တွေ့ဖို့ရာ နိဗ္ဗာန်ချမ်းသာတိုင်အောင် ရောက်သွားဖို့ရာ ကောင်းတဲ့ကုသိုလ်တွေ ပြုမှတော်မယ်လို့ နှလုံးသွင်းလိုက်တာနဲ့ တစ်ပြိုင်နက် ကုသိုလ်မဖြစ်သွားပါဘူးလား ... ကုသိုလ်ဖြစ်သွားပါတယ်။

မကောင်းတဲ့ အနိဋ္ဌာရုံ၌ ကုသိုလ်ဖြစ်အောင် နှလုံးသွင်းပုံ

မကောင်းတဲ့ အနိဋ္ဌာရုံနဲ့ တွေ့ရတဲ့အခါ မမြင်ချင်တာတွေ၊ မကြားချင်တာတွေ၊ မတွေ့ချင်တာတွေနဲ့ တွေ့ရတဲ့အခါ ကုသိုလ်ဖြစ်အောင် ဘယ်လိုများ နှလုံးသွင်းရပါ့မလဲဆိုတော့ ဒီမကောင်းတဲ့ အနိဋ္ဌာရုံတွေနဲ့ မိမိတွေ့နေရတာ မိမိအတိတ်ဘဝများက ကောင်းခဲ့လို့လား ... မကောင်းခဲ့လို့လား ... မကောင်းခဲ့လို့ပါ။ မကောင်းခဲ့လို့ ဒီလို အနိဋ္ဌာရုံတွေ၊ မကောင်းကျိုးတွေနဲ့ လာတွေ့နေရတာလို့ ဒီလိုသိသွားတာနဲ့ တစ်ပြိုင်နက် မသက်သာသွားပါဘူးလား ... သက်သာသွားပါတယ်။

မကောင်းတဲ့ အနိဋ္ဌာရုံတွေကို ဘာနဲ့များ ကျော်လွန်နိုင်ပါ့မလဲ .. မကောင်းတာတွေနဲ့တော့ မကျော်လွန်နိုင်ပေဘူး။ စိတ်တွေ ညစ်နွမ်းပြီး အကုသိုလ်တရားတွေနဲ့ ကျော်မှ ကျော်လွန်နိုင်ပါ့မလား .. မကျော်လွန်နိုင်ပါဘူး။ ဘာနဲ့ ကျော်လွန်နိုင်သလဲဆိုတော့ ကုသိုလ်တရားတွေနဲ့ ကျော်လွန်နိုင်တယ်။ ကုသိုလ်တရားနဲ့မှ ကျော်လွန်နိုင်တယ်လို့ သိတဲ့အတွက်ကြောင့် ကုသိုလ်တရားတွေကို ရှေးကထက် ဆထက်ထမ်းပိုး တိုးပြီးတော့ ပြုလုပ်မှ တော်မယ်လို့ နှလုံးသွင်းလိုက်တာနဲ့ တစ်ပြိုင်နက် ဘာဖြစ်သွားပါသလဲ ... ကုသိုလ်ဖြစ်သွားပါတယ်။

ဆက်ရန် .... အာရမ္မဏ - ၂(ဂ) သို့

အပြည့်အစုံသို့...

အာရမ္မဏပစ္စည်း - ၂(က)

အာရမ္မဏပစ္စည်း - ၂(က)

၁၃၅၃-ခု၊ ဝါခေါင်လဆန်း(ဂ)ရက်နေ့၊ နေ့လည်ပိုင်းမှာ ဟောကြားမည့် တရားတော်က ပစ္စယနိဒ္ဒေသပါဠိတော်လာ အာရမ္မဏပစ္စည်း တရားတော်ဖြစ်တယ်။

အာရမ္မဏပစ္စယောတိ -
  • ရူပါယတနံ စက္ခုဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
  • သဒ္ဒါယတနံ သောတဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
  • ဂန္ဓာယတနံ ဃာနဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
  • ရသာယတနံ ဇိဝှါဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
  • ဖောဋ္ဌဗ္ဗာယတနံ ကာယဝိညာဏဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
  • ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ မနောဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
  • သဗ္ဗေ ဓမ္မာ မနောဓာတုယာ တံသမ္ပယုတ္တကာနဉ္စ ဓမ္မာနံ အာရမ္မဏပစ္စယေန ပစ္စယော။
  • ယံ ယံ ဓမ္မံ အာရဗ္ဘ ယေ ယေ ဓမ္မာ ဥပ္ပဇ္ဇန္တိ စိတ္တစေတသိကာ ဓမ္မာ၊ တေ တေ ဓမ္မာ တေသံ တေသံ ဓမ္မာနံ အာရမ္မဏပစ္စယေန ပစ္စယော။

ယံ ယံ ဓမ္မံ = အကြင်အကြင် အာရုံ(၆)ပါး ပစ္စည်းတရားကို၊ အာရဗ္ဘ = အာရုံပြု၍၊ ယေ ယေ ဓမ္မာ = အကြင်အကြင်သို့သော သဘောရှိကုန်သော အာရမ္မဏိက ပစ္စယုပ္ပန်တရားတို့သည်၊ ဥပ္ပဇ္ဇန္တိ = ဖြစ်ကုန်၏ ။ စိတ္တ စေတသိကာ = စိတ်စေတသိက် ဖြစ်ကုန်သော၊ ဓမ္မာ = အာရမ္မဏ ပစ္စယုပ္ပန်တရားတို့သည်၊ ဥပ္ပဇ္ဇန္တိ = ဖြစ်ကုန်၏ ။ တေ တေ ဓမ္မာ = ထိုထိုအာရုံ(၆)ပါး ပစ္စည်းတရားတို့သည်၊ တေသံ တေသံ ဓမ္မာနံ = ထိုထို အာရမ္မဏိက ပစ္စယုပ္ပန်တရားတို့အား၊ အာရမ္မဏပစ္စယေန = အာရမ္မဏပစ္စယသတ္တိဖြင့်၊ ပစ္စယော+ဥပကာရကော = ကျေးဇူးပြုသည၊် ဟောတိ = ဖြစ်၏ ။ ဣတိ = ဤသို့၊ ဘဂဝါ = မြတ်စွာဘုရားသည်၊ အဝေါစ = ဂရုဏာရှေ့သွား ပညာအားဖြင့် ဟောကြားတော်မူခဲ့ပါပေသတည်း ... ။
သာဓု ... သာဓု ... သာဓု ပါဘုရား။

ပစ္စည်း = ပစ္စုပ္ပန်, အတိတ်, အနာဂတ်ဖြစ်သော စိတ် ၈၉-ပါး၊ စေတသိက် ၅၂-ပါး၊ ရုပ် ၂၈-ပါး၊ ကာလဝိမုတ်ဖြစ်သော နိဗ္ဗာန်၊ ပညတ်ဟူသော အာရုံ (၆)ပါး။

ပစ္စယုပ္ပန် = စိတ် ၈၉-ပါးနှင့် စေတသိက် ၅၂-ပါး။

ပစ္စယသတ္တိ = ကြိုးတန်းနှင့် တောင်ဝှေး အစရှိသည်တို့သည် မစွမ်းမသန်သောသူတို့အား ဆွဲတွယ်ထေက်တည်ရန် ကျေးဇူးပြုသကဲ့သို့ အတိတ်, အနာဂတ်, ပစ္စုပ္ပန် အာရုံ (၆)ပါးတို့သည် အသီးသီး မိမိတို့နှင့်ဆိုင်ရာ စိတ်၊ စေတသိက်တို့အား ဖြစ်ပေါ်လာစေရန် အာရမ္မဏသတ္တိဖြင့် ကျေးဇူးပြု၏။

(သင်္ဂြိုဟ်ဆိုင်ရာ မှတ်သားဖွယ်)

အာရမ္မဏသတ္တိ - ဟူသည် ... ဖူးပွင့်ဝေဆာသော ပန်းဥယျာဉ်ကြီးထဲ၌ လူတို့ပျော်မွေ့ဖွယ်ရာ ဖြစ်သကဲ့သို့ ရူပါရုံစသော အာရုံ (၆)ပါးတို့သည်လည်း စိတ် စေတသိက်တို့၏ နှစ်သက်ပျော်မွေ့ဖွယ်ရာ ဖြစ်ကြပါတယ်။ အာရုံနှင့်ကင်း၍ ဖြစ်ကြသော စိတ် စေတသိက်တရား မည်သည် မရှိကြပါ။ စိတ် စေတသိက်တိုင်း ရူပါရုံစသော အာရုံတစ်ခုခုကို အမှန်ပင် အာရုံပြုကြရပါတယ်။ အဲဒီလို စိတ် စေတသိက်တရားတို့က ရူပါရုံစသော အာရုံတို့အပေါ်၌ မခွဲနိုင်၊ မခွါနိုင်လောက်အောင် မွေ့လျော်ဖွယ်ရာကို ဆောင်တတ်သော ဆွဲငင်အား သတ္တိထူးကို "အာရမ္မဏသတ္တိ" လို့ ခေါ်ပါတယ်။
ထိုအာရမ္မဏ-ဟူသော ပါဠိသဒ္ဒါမှ 'အာရုံ' ဟူသည့် မြန်မာဝေါဟာရ ဖြစ်ပေါ်လာပါတယ်။

အာရုံ (၆)ပါးဟူသည်ကား ...
  • ၁။ ရူပါရုံ = အဆင်း ။ တရားကိုယ်မှာ 'ဝဏ္ဏ' အဆင်း ဖြစ်ပါတယ်။
  • ၂။ သဒ္ဒါရုံ = အသံ ။ တရားကိုယ်မှာ 'သဒ္ဒ' အသံ ဖြစ်ပါတယ်။
  • ၃။ ဂန္ဓာရုံ = အနံ့ ။ တရားကိုယ်မှာ 'ဂန္ဓ' အနံ့ ဖြစ်ပါတယ်။
  • ၄။ ရသာရုံ = အရသာ ။ တရားကိုယ်မှာ 'ရသ' အရသာ ဖြစ်ပါတယ်။
  • ၅။ ဖောဋ္ဌဗ္ဗာရုံ = အထိအတွေ့ ။ တရားကိုယ်မှာ ပထဝီ, တေဇော, ဝါယော-ဟူသော ဓာတ် ၃-ပါးသာလျှင်ဖြစ်သော အထိအတွေ့ 'ဖောဋ္ဌဗ္ဗာရုံ' ဖြစ်ပါတယ်။
  • ၆။ ဓမ္မာရုံ = ပသာဒရုပ် ၅-ပါး၊ သုခုမရုပ် ၁၆-ပါး၊ စိတ် ၈၉-ပါး၊ စေတသိက် ၅၂-ပါး၊ နိဗ္ဗာန်၊ ပညတ်တို့ ဖြစ်ကြပါတယ်။
အာရုံ နှင့် ကာလ
  • ရူပါရုံ, သဒ္ဒါရုံ၊ ဂန္ဓာရုံ၊ ရသာရုံ၊ ဖောဋ္ဌဗ္ဗာရုံတို့ကား မြင်နိုင်၊ ကြားနိုင်၊ နံနိုင်၊ စားသိနိုင်၊ ထိသိနိုင်လောက်အောင် ကြမ်းတမ်းသည့် သြဠာရိကရုပ် (ရုပ်ကြမ်း)များ ဖြစ်ကြပါတယ်။
  • ဓမ္မာရုံ ပါဝင်သော ပသာဒရုပ် (ဝါ) အကြည်ဓာတ် ၅-ပါးနှင့် သုခုမရုပ် (ဝါ) သိမ်မွေ့သောရုပ် ၁၆-ပါးတို့ကား မမြင်နိုင် မထိတွေ့နိုင်သော ရုပ်နုများ ဖြစ်ကြပါတယ်။
  • ရုပ်တရား၊ နာမ်တရားတို့ကား 'ဥပါဒ်-ဌီ-ဘင်' (ဖြစ်-တည်-ပျက်) အစီအစဉ်အရ ခဏဖြစ်၍ ခဏပျက်လျက် ရှိကြပါတယ်။
  • ဖြစ်ပေါ်၍ မချူပ်ခင် 'ဥပါဒ်-ဌီ-ဘင်' အားဖြင့် အထင်အရှားရှိခိုက် အာရုံကို 'ပစ္စုပ္ပန်' အာရုံဟု ခေါ်တယ်။
  • 'ဥပါဒ်-ဌီ-ဘင်' စေ့၍ ချူပ်လေပြီးသော အာရုံကို 'အတိတ်' အာရုံဟု ခေါ်ပါတယ်။
  • အကြောင်းညီညွတ်လျှင် ဧကန် ဖြစ်ပေါ်မည့် အာရုံကို 'အနာဂတ်' အာရုံဟု ခေါ်ပါတယ်။
  • ထို့ကြောင့် ဆိုခဲ့ပြီးသော ရုပ်-စိတ်-စေတသိက်တို့သည် အတိတ်-ပစ္စုပ္ပန်-အနာဂတ် ဟူ၍ ကာလ ၃-ပါးစီ ရှိကြပါတယ်။
  • ဓမ္မာရုံ၌ အကျုံးဝင်သော ပညတ်အာရုံနှင့် နိဗ္ဗာန်အာရုံတို့မှာ အတိတ်၊ ပစ္စုပ္ပန်၊ အနာဂတ် ဟူသည့် ကာလ ၃-ပါးမှ ကင်းလွတ်နေသော 'ကာလဝိမုတ်' အာရုံများ ဖြစ်ကြပါတယ်။
----------
မနောဓာတ် - အရကား ... ပဉ္စဒွါရာဝဇ္ဇန်းနှင့် သမ္ပဋိစ္ဆိုန်း ၂-ပါး၊ ပေါင်း ၃-ပါးတို့ ဖြစ်ကြပါတယ်။
  • ပဉ္စဒွါရာဝဇ္ဇန်းစိတ် = ပဉ္စဒွါရ (တံခါးငါးပေါက်)ဟု ခေါ်ဆိုအပ်သော မျက်စိ, နား, နှာ, လျှာ, ကိုယ်တို့၌ ထင်လာသည့် အာရုံ (၅)ပါးကို ဆင်ခြင်နှလုံးသွင်းတတ်သောစိတ် ဖြစ်ပါတယ်။
  • သမ္ပဋိစ္ဆိုန်းစိတ် = အာရုံ (၅)ပါးကို လက်ခံယူနိုင်သောစိတ် ဖြစ်ပါတယ်။ အကုသလဝိပါက် ဥပေက္ခာသဟဂုတ် သမ္ပဋိစ္ဆိုန်းစိတ် ၁-ပါး၊ အဟိတ်ကုသလဝိပါက် ဥပေက္ခာသဟဂုတ် သမ္ပဋိစ္ဆိုန်းစိတ် ၁-ပါး၊ ပေါင်း ၂-ပါး ရှိပါတယ်။ သမ္ပဋိစ္ဆိုန်းဒွေ-ဟုလည်း ခေါ်ပါတယ်။
ဓမ္မာနဉ္စ - အရကား ... သဗ္ဗစိတ္တသာဓာရဏစေတသိက် ၇-ပါးနှင့် ဝိတက်, ဝိစာရ, အဓိမောက္ခ - ပေါင်း ၁၀-ပါးတို့ ဖြစ်ကြပါတယ်။

သဗ္ဗစိတ္တဓာရဏစေတသိက် = အလုံးစုံသော စိတ်တို့နှင့် ဆက်ဆံသည့် စေတသိက် ၇-ပါး။ (စိတ်ဖြစ်တိုင်း အမြဲပါဝင်ကြသော စေတသိက်များ ဖြစ်ကြပါတယ်။)
၁။ ဖဿ = စိတ်နှင့် အာရုံကို တွေ့ထိပေးခြင်းသဘော။
၂။ ဝေဒနာ = အာရုံ၏ အရသာကို ခံစားခြင်း သဘော။
၃။ သညာ = အာရုံကို မှတ်သားခြင်း သဘော။
၎။ စေတနာ = ယှဉ်ဖက်တရားတို့ကို (ယှဉ်ဖက်စိတ် စေတသိက်တို့ကို) ဆိုင်ရာ ကိစ္စတို့၌ ဆောင်ရွက်ကြဖို့ရာ စေ့ဆော် တိုက်တွန်းခြင်း သဘော။
၅။ ဧကဂ္ဂတာ = တစ်ခုတည်းသော အာရုံ၌ တည်တံ့ခြင်း တည်ကြည်ခြင်း သဘော။
၆။ ဇီဝိတိနြေ္ဒ = ယှဉ်ဖက်တရားတို့ကို သက်တမ်းပြည့် တည်တံ့အောင် စောင့်ထိန်းခြင်း သဘော။
၇။ မနသိကာရ = စိတ်၌ အာရုံပေါ်လာအောင် ပြုပေးခြင်း သဘော။ (အာရုံကို နှလုံးသွင်းခြင်း သဘော)
ဆောင်။ ။"ဖသ်, ဝေ, သဉ်, စေ၊ ဧ, ဇီ, မန၊ ဤသတ္တ သဗ္ဗ စိတ်တိုင်းဖြစ်"

ဝိတက် = ယှဉ်ဖက်စိတ် စေတသိက်တို့ကို အာရုံသို့ တင်ပေးခြင်း သဘော။
ဝိစာရ = အာရုံကို သုံးသပ်ခြင်းသဘော (ဝါ) အာရုံကို ထပ်၍ ထပ်၍ ယူခြင်း သဘော။
အဓိမောက္ခ = အာရုံကို ဆုံးဖြတ်ခြင်း သဘော။ ... တို့ ဖြစ်ကြပါတယ်။
-------

မနောဝိညာဏဓာတ် - အရကား ... သန္တီရဏ ၃-ပါး၊ မနောဒွါရာဝဇ္ဇန်း၊ ဟသိတုပ္ပါဒ်၊ သဟိတ်စိတ် ၇၁-ပါး၊ ပေါင်း ၇၆-ပါးတို့ ဖြစ်ကြပါတယ်။
  • သန္တီရဏစိတ် = သမ္ပဋိစ္ဆိုန်းစိတ် ခံယူထားသော အာရုံကို စုံစမ်းသောစိတ် ဖြစ်ပါတယ်။ ဥပေက္ခာသန္တီရဏ ၂-ပါးနှင့် သောမနဿသန္တီရဏ ၁-ပါးဟု ခွဲခြားထားပါတယ်။
  • မနောဒွါရာဝဇ္ဇန်းစိတ် = မနောဒွါရတည်းဟူသော စိတ်တံခါးဝ၌ ထင်လာသော အာရုံကို ဆင်ခြင်နှလုံးသွင်းတတ်သောစိတ် ဖြစ်ပါတယ်။
  • ဟသိတုပ္ပါဒ်စိတ် = မြတ်စွာဘုရားနှင့် ရဟန္တာအရှင်မြတ်တို့၏ ပြုံးရယ်သောစိတ် ဖြစ်ပါတယ်။
  • သဟိတ်စိတ် = ဟိတ်ပါဝင်သောစိတ်များကို သဟိတ်စိတ်များ ဟုခေါ်ပါတယ်။ (ဟေတုပစ္စည်းမှာ ရှင်းထားပြီးပါပြီ။)
ဓမ္မာနဉ္စ - အရကား ... စေတသိက် ၅၂-ပါး တို့ ဖြစ်ကြပါတယ်။
-------

အာရမ္မဏမျိုး (၈) ပစ္စည်း
၁။ အာရမ္မဏ
၂။ အဓိပတိ - အာရမ္မဏာဓိပတိ
၃။ နိဿယ - ဝတ္တာရမ္မဏပုရေဇာတ နိဿယ
၎။ ဥပနိဿယ - အာရမ္မဏူပနိဿယ
၅။ ပုရေဇာတ - အာရမ္မဏ ပုရေဇာတ
၆။ ဝိပ္ပယုတ္တ - ဝတ္ထာရမ္မဏ ပုရေဇာတ ဝိပ္ပယုတ္တ
၇။ အတ္ထိ - အာရမ္မဏ ပုရေဇာတတ္ထိ
၈။ အဝိဂတ - အာရမ္မဏ ပုရေဇာတ အဝိဂတ

ဆောင်။ ။ အာ-အဓိ-နိသ်၊ ဥ-ပု-ဝိပ်၊ နောက်ပိတ် အတ်-အဝိ။ အာရမ္မဏ၊ ပစ္စယ၊ ရှစ်ဝ ရစေဘိ။

မှတ်ချက်။ ။ ရုပ်တရားမှန်သမျှကို လောဘမူစိတ် ၈-ပါးကသာ အလေးအမြတ် အာရုံပြု၍၊ ရုပ်ပွား ဆင်းတုများကို အာဓိ-မဟာ ကုသိုလ်စိတ်ဖြင့် မကြည်ညိုနိုင်သည်ကို အရကောက်နှင့် အာဓိသရုပ်ခွဲတို့က ဖော်ညွှန်းထားပါတယ်။ အာရုံသာမာန်ဖြင့်ကား ကြည်ညိုနိုင်ကြပါတယ်။

နိဗ္ဗာန်သည် (အကျိုးတရားမဟုတ်) အကြောင်းအာရုံတရား ဖြစ်ကြောင်းကို "နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ" ပါဠိတော်တို့က ညွှန်ပြပြီး၊ ထိုပါဠိကပင် ပုထုဇဉ်တို့ နိဗ္ဗာန်ကို အာရုံပြုနိုင်ပုံကိုလည်း ပြဆိုထားပါတယ်။
(ဓမ္မာစကြာ၌ နိဗ္ဗာန်ကို အကျိုးသစ္စာ သဘောဖြင့် ဟောကြားထားပါတယ်။)
(*အသေးစိတ်သိလိုပါက နီးစပ်ရာ ဆရာတော်များထံမှာ လေ့လာ မေးမြန်း သင်ယူကြပါ။ နက်နဲလွန်း၍ ဖြစ်ပါတယ်။)

အာရမ္မဏာဓိပတိသတ္တိ
- ဟူသည်ကား .. သာမာန်အာရုံထက်ပင် စိတ်ကို အလွန်အကဲတမ်းတမ်းစွဲ ဖြစ်အောင် ဆွဲဆောင်နိုင်သော စွမ်းအားဖြင့် အလေးအမြတ် ကျေးဇူးပြုခြင်း အစိုးရခြင်း သဘောသတ္တိ မည်ပါတယ်။

  • ရူပါယတနံ အစရှိသော ပါဠိတော်များဖြင့် အာရုံ + အာရမ္မဏိကအဖြစ် ပြီးပြီးပါလျက် "ယံ ယံ ဓမ္မံ" အစရှိသော ပါဌ်ကို ထပ်၍ ဟောတော်မူရခြင်း။
ရူပါယတနံ ..စသော ပါဌ်ဖြင့် အာရုံ + အာရမ္မဏိက အဖြစ်ပြီးသည်ကား မှန်သော်လည်း အာရုံပြုသော ခဏ၌သာ အာရုံ (၆)ပါးတို့သည် သတ္တဝိဉာဏဓာတ်တို့အား အာရမ္မဏပစ္စည်း ဖြစ်ကြပါတယ်။
ထိုသို့ ဖြစ်ရာတွင်လည်း အတူတကွ မဖြစ်ကြ၊ သူ့အာရမ္မဏိကတရားနှင့် သူ့အာရုံတရားတို့ အသီးသီး ဖြစ်ကြသည်ကို ပြတော်မူခြင်းငှာ - ယံ ယံ ဓမ္မံ စသောပါဌ်ကို ထပ်၍ ဟောတော်မူရပါတယ်။

  • ရုပ်/သံ ကြည့်ရှုနားထောင်ရာ၌ မြင်စိတ်နှင့် ကြားစိတ်တို့ ပြိုင်တူ မဖြစ်နိုင်ပုံ
ယံ ယံ ဓမ္မံ အာရဗ္ဘ" စသော ပါဌ်ကို ထောက်၍ မြင်စိတ်နှင့် ကြားစိတ်တို့ ပြိုင်တူ မဖြစ်ကြပါ။ အာရုံ (၆)ပါးတို့သည် ၇-ပါးသော ဝိညာဏဓာတ်တို့အား အာရမ္မဏပစ္စည်း ဖြစ်ကုန်သော်လည်း အတူတကွ မဖြစ်ကြကုန်။ အသီးသီးသာ ဖြစ်ကြကုန်ပါတယ်။
၎င်း ယံ ယံ ဓမ္မံ အာရဗ္ဘ စသည်ဖြင့် အာရမ္မဏနိဂုံး ကိုလည်းကောင်း၊ အာရမ္မဏမျိုး ၈-ပစ္စည်းလုံး ပစ္စည်း ပစ္စယုပ္ပန် ဖြစ်နိုင်ပုံကို ပြပါတယ်။ (အရကောက်-၈၊ ၁၄)

အာရုံ(၆)ပါးကြောင့် ဝိညာဏ်(၆)ပါး ဖြစ်ပုံ

အာရုံ(၆)ပါးက ပစ္စည်းတရား ဖြစ်တယ်။ သတ္တဝိညာဏဓာတ် လို့ခေါ်တဲ့ ဝိညာဏ်(၆)ပါးက ပစ္စယုပ္ပန်တရား ဖြစ်တယ်။ ထိုထိုပုဂ္ဂိုလ်တွေရဲ့ သန္တာန်၊ ယောဂီတို့ရဲ့ သန္တာန်မှာ ဖြစ်ပေါ်နေတဲ့ အာရုံ(၆)ပါးကြောင့် ဝိညာဏ်(၆)ပါး ဖြစ်ပေါ်လာတယ်။ အာရုံ(၆)ပါးက အာရမ္မဏ အကြောင်းပစ္စည်းတရား ဖြစ်တယ်။ ဝိညာဏ်(၆)ပါးက အာရမ္မဏိက ပစ္စယုပ္ပန်တရား ဖြစ်တယ်။ အကျိုးတရား ဝိညာဏ်(၆)ပါး ဖြစ်တာဟာလည်း အာရုံ(၆)ပါးက အကြည်ဓာတ်(၆)ဖြာမှာ လာတိုက်တဲ့ အခိုက်အတန့်မှာသာ ဖြစ်တယ်။ မတိုက်ရင် မဖြစ်ဘူး။

မျက်စိအကြည်မျာ ရူပါရုံ အဆင်းလာတိုက်တဲ့အခါမှာ မြင်သိစိတ် ဖြစ်တယ်။ နားအကြည်မှာ အသံ သဒ္ဒါရုံ လာတိုက်တဲ့အခါ ကြားသိစိတ် ဖြစ်တယ်။ နှာခေါင်းအကြည်မှာ အနံ့ ဂန္ဓာရုံ လာတိုက်တဲ့အခါ နံသိစိတ် ဖြစ်တယ်။ လျှာအကြည်မှာ အရသာ ရသာရုံ လာတိုက်တဲ့အခါ စားသိစိတ် ဖြစ်တယ်။ ကိုယ်အကြည်မှာ အတွေ့ ဖောဋ္ဌဗ္ဗာရုံ လာတိုက်တဲ့အခါကျတော့ ထိသိစိတ် ဖြစ်တယ်။ မနောအကြည်မှာ သဘောဓမ္မာရုံ လာတိုက်တဲ့အခါကျတော့ ကြံသိစိတ် ဖြစ်တယ်။

ဘယ်သူ့သန္တာန်မှာ ဖြစ်နေတာလဲဆိုတော့ ယောဂီများရဲ့သန္တာန်မှာ ဖြစ်နေတာပဲ ဖြစ်တယ်။ ထိုထိုပုဂ္ဂိုလ်တွေရဲ့သန္တာန်မှာလည်း ဖြစ်နေတာပဲဖြစ်တယ်။ အာရုံ(၆)ပါးက အကြည်ဓာတ်(၆)ဖြာမှာ လာတိုက်တဲ့ အခိုက်အတန့် မှာသာလျှင် မြင်သိ၊ ကြားသိ၊ နံသိ၊ စားသိ၊ ထိသိ၊ ကြံသိဆိုတဲ့ ဝိညာဏ်(၆)ပါး ဖြစ်ပေါ်လာတယ်။ ယောဂီများရဲ့သန္တာန်မှာ ကျေးဇူးပြုနေတယ်ဆိုတဲ့ အဓိပ္ပါယ် ဖြစ်တယ်။

အဲဒီမှာ အာရုံ(၆)ပါးက အတိုက်ဓာတ်၊ အကြည်ဓာတ်(၆)ပါးက အခံဓာတ်၊ ဝိညာဏ်(၆)ပါးက အပွင့်ဓာတ် ဖြစ်တယ်။ ကိုယ့်သန္တာန်မှာ အတိုက်ဓာတ်ရယ်၊ အကြည်ဓာတ်ရယ်၊ အခံဓာတ်ရယ်လို့ ဖြစ်နေတယ်။ အဲဒီ အပွင့်ဓာတ်ရယ်လို့ ဖြစ်လာတဲ့အခိုက်အတန့်မှာ ဝိပဿနာတရားတွေ ရှုကြရပါတယ်။

အတိုက်ဓာတ် (၆)ပါး ဖြစ်ပုံ

ဆောင်ပုဒ်။ ။ ဆင်း သံ နံ့ သာ၊ တွေ့ ဓမ္မာ၊ ခြောက်ဖြာ တိုက်ဓာတ်မည်။

အဆင်း ရူပါရုံ၊ အသံ သဒ္ဒါရုံ။ အနံ့ ဂန္ဓရုံ၊ အရသာ ရသာရုံ၊ အတွေ့ ဖောဋ္ဌဗ္ဗာရုံ၊ သဘော ဓမ္မာရုံ ဒီ(၆)ဖြာဟာ အတိုက်ဓာတ် ဖြစ်ပါတယ်။ လာလာပြီးတော့ တိုက်ပါတယ်။

အခံဓာတ် (၆)ပါး ဖြစ်ပုံ

ဆောင်ပုဒ်။ ။ မျက်စိ နား နှာ၊ လျှာ ကိုယ် စိတ်ပါ၊ ဤခြောက်ဖြာ၊ မှန်စွာ ခံဓာတ်မည်။

မျက်စိ အကြည်၊ နား အကြည်၊ နှာခေါင်း အကြည်၊ လျှာ အကြည်၊ ကိုယ် အကြည်၊ စိတ် အကြည်လို့ ယောဂီများ သန္တာန်မှာ ရှိပါတယ်။ အခံဓာတ် ဖြစ်ပါတယ်။ အာရုံ(၆)ပါးက လာလာတိုက်တဲ့ အခါကျမှ ဝိညာဏ်(၆)ပါး ဖြစ်တယ်။ မတိုက်ရင်တော့ မဖြစ်ပါဘူး။

အပွင့်ဓာတ် (၆)ပါး ဖြစ်ပုံ

ဆောင်ပုဒ်။ ။ ဝိညာဏ်ခြောက်ဖြာ၊ ဖြစ်ပေါ်လာ၊ မှန်စွာ ပွင့်ဓာတ်မည်။

မြင်သိစ်ိတ်၊ ကြားသိစိတ်၊ နံသိစိတ်၊ စားသိစိတ်၊ ထိသိစိတ်၊ ကြံသိစိတ်လို့ ဒီဝိညာဏ်(၆)ပါးကတော့ အပွင့်ဓာတ် ဖြစ်တယ်။ အတိုက်ဓာတ်၊ အခံဓာတ်၊ အပွင့်ဓာတ်တွေ ကိုယ့်သန္တာန်မှာ ဖြစ်နေပါတယ်။ မြတ်စွာဘုရား ဟောကြားခဲ့တာ ဖြစ်ပါတယ်။ အဲဒါကိုသိရင် ဝိပဿနာရှုလို့ ရသွားပြီ။

ဆက်ရန် ... အာရမ္မဏ - ၂(ခ) သို့

အပြည့်အစုံသို့...

ဟေတုပစ္စည်း - ၁(စ)

ဟေတုပစ္စည်း - ၁(စ)

သမ္မသနဉာဏ်၌ ပြန်လျှောက်ထားပုံ

ကမ္မဋ္ဌာန်းဆရာက "ယောဂီမှာ ရှုမှတ်လို့သာ မကောင်းတာ၊ တရားသဘောအရတော့ ကောင်းနေပါတယ်။ ဆိုးတဲ့ဉာဏ်မှာ ဆိုးတာတွေ့ရတာ တရားကောင်းတယ်ဟု ဆိုရပါတယ်"ဟု ပြောသောအခါ "အရှင်ဘုရားကသာ ကောင်းတယ်ဟု ပြောနေတယ်။ တပည့်တော်ကတော့ သေရတော့မယ်"ဟု ပြန်ပြောတယ်။ ပြန်ပြီး လျှောက်ထားတယ်။

သမ္မသနဉာဏ်သို့ ရောက်နေကြတဲ့ အချို့သော ယောဂီများက ဤကဲ့သို့လည်း လျှောက်ထားကြတယ်။ "တပည့်တော် အိမ်မှာ နေစဉ်က စိတ်တွေ ဤမျှလောက် မဆိုးပါဘူး၊ အရှင်ဘုရားတို့ ရိပ်သာရောက်မှ တပည့်တော်၏ စိတ်တွေ ဆိုးလာကုန်တယ်။"ဟု ကမ္မဋ္ဌာန်းဆရာတော်ကို အပြစ်တင်တဲ့အနေဖြင့် လျှောက်ထားကြတယ်။ ဘယ်ဉာဏ်ရောက်နေလို့လဲ ... သမ္မသနဉာဏ် ရောက်နေလို့ပါ။ ဤကဲ့သို့ လျှောက်ထားလာသောအခါ ကမ္မဋ္ဌာန်းဆရာများက တရားရစေရန်အတွက် စိတ်ရှည်ရှည်ထား၍ ပြုပြင်ပေးကြရပါတယ်။

ဆရာသမားတွေ ညွှန်ကြားလိုက်တဲ့အတိုင်း ဆင့်ကာဆင့်ကာမှတ်လို့ အခုပြောတဲ့အတိုင်း ဥဒယဗ္ဗဉာဏ်ရောက်တော့ ပြောင်းပြန်ပဲ။ ကာယလဟုတာ စိတ္တလဟုတာ = ကိုယ်ကလည်းပေါ့ပါး၊ စိတ်ကလည်းပေါ့ပါး။ ကာယမုဒုတာ စိတ္တမုဒုတာ = ကိုယ်ကလည်း နူးညံ့၊ စိတ်ကလည်း နူးညံ့။ ကာယကမ္မညတာ စိတ္တကမ္မညတာ = ကိုယ်ကလည်း ခံ့ကျန်း၊ စိတ်ကလည်း ခံ့ကျန်း။ ကာယပါဂုညတာ စိတ္တပါဂုညတာ = ကိုယ်ကလည်း လေ့လာပြီးသား၊ စိတ်ကလည်း လေ့လာပြီးသား၊ မှတ်စရာ အာရုံနဲ့ မှတ်သိစိတ် အလိုလို မှတ်နေသကဲ့သို့ ရှုမှတ်နေရတယ်။ ကာယိကသုခ စေတသိကသုခ တွေဖြစ်နေလို့ ကိုယ်ချမ်းသာ စိတ်ချမ်းသာနဲ့ ရှုမှတ်နေရတယ်။ ဝိပဿနာ ပီတိ သုခတွေနဲ့ တွေ့နေရလို့၊ အဲဒီ ဝိပဿနာ ပီတိ သုခတွေနဲ့ ပျော်မွေ့နေရတာ၊ လူသာမာန်မဆိုထားနဲ့ နတ်သာမန်တို့သော်မှ မပျော်မွေ့နိုင်တဲ့ ပျော်မွေ့ခြင်းကို ရရှိနေကြပေတယ်။

သုညာဂါရံ ပဝိဋ္ဌဿ၊ သန္တစိတ္တဿ ဘိက္ခုနော။
အ မာနုသီ ရတီ ဟောတိ၊ သမ္မာဓမ္မံ ဝိပဿတော။

သုညာဂါရံ = ဆိတ်ငြိမ်ရာကမ္မဋ္ဌာန်းကျောင်းသို့၊ ပဝိဋ္ဌဿ = ဝင်လျက်၊ သန္တစိတ္တဿ = ငြိမ်သက်သောစိတ်ရှိသည်ဖြစ်၍၊ သမ္မာ = ကောင်းစွာ၊ ဓမ္မံ = ရုပ်တရား နာမ်တရားတို့၏ ဖြစ်ခြင်းပျက်ခြင်းသဘောကို၊ ဝိပဿတော = ဝိပဿနာရှုသော၊ ဘိက္ခုနော = ဘေးကိုရှုတတ်သောယောဂီမြတ်အား၊ အ မာနုသီ = လူသာမန် နတ်သာမန်တို့ မခံစား မတွေ့သိနိုင်သော၊ ရတီ = ဝိပဿနာ ပီတိ သုခတို့ဖြင့် ပျော်မွေ့ခြင်းသည်၊ ဟောတိ = ဖြစ်၏ ။ ဣတိ = ဤသို့၊ ဘဂဝါ = မြတ်စွာဘုရားသည်၊ အဝေါစ = ကရုဏာရှေ့သွား ပညာအားဖြင့် ဟောကြားတော်မူခဲ့ပါပေသတည်း ...။
သာဓု .. သာဓု ... သာဓု။

ဥဒယဗ္ဗယဉာဏ်သို့ ရောက်လာတဲ့ ယောဂီပုဂ္ဂိုလ် ဆိတ်ငြိမ်ရာ ကမ္မဋ္ဌာန်းကျောင်းသို့ ချဉ်းကပ်ပြီး ရုပ်တရား နာမ်တရားတို့၏ ဖြစ်ခြင်း ပျက်ခြင်း သဘောကို ရှုမှတ်ပြီးတော့ နေလိုက်တာ၊ ဝိပဿနာ ပီတိ သုခတို့နဲ့ ပျော်မွေ့ပြီး နေလိုက်ရတာ၊ လူသာမန်မဆိုထားနဲ့ နတ်သာမန်တို့ပင် မပျော်မွေ့နိုင်တဲ့ ပျော်မွေ့ခြင်းနဲ့ ပျော်မွေ့နေရတယ်။ ဤကဲ့သို့ ပျော်မွေ့ခြင်းကို ဝိပဿနာတရား ရှုမှတ်တဲ့ ပုဂ္ဂိုလ်မှ ပျော်မွေ့နိုင်တယ်။

ဝိပဿနာရှုမှတ်လို့ အဆင့်အဆင့် ဉာဏ်စဉ်တွေ မြင့်တက်သွားသည်ရှိသော် ဖောင်းတယ်လို့ မှတ်လိုက်တဲ့အခါ အဆင့်ဆင့် ဖြစ်ပြီးတော့ ပျက်သွား၊ ဖြစ်ပြီးတော့ ပျက်သွားတာ၊ ပိန်တယ်လို့ မှတ်လိုက်တဲ့အခါ အဆင့်ဆင့် ဖြစ်ပြီးတော့ ပျက်သွား၊ ဖြစ်ပြီးတော့ ပျက်သွားတာ၊ ကြွတယ် လှမ်းတယ် ချတယ်လို့ မှတ်လိုက်တဲ့အခါမှာလည်း အဆင့်ဆင့် ဖြစ်ပြီးတော့ ပျက်သွား၊ ဖြစ်ပြီးတော့ ပျက်သွားတာကို မြင်ကြရတယ်။ အလျင်အမြန် ဖြစ်ပြီးတော့ ပျက်သွား၊ ဖြစ်ပြီးတော့ ပျက်သွားတော့ မမြဲပါလား၊ မမြဲပါလားလို့ စိတ်ထဲမှာ မထင်လားပါဘူးလား .. ထင်လာပါတယ်။ မမြဲဘူးဆိုတာ ဗမာလို ဖြစ်တယ်။ ပါဠိလိုကျတော့ ... အနိစ္စပါ။ ဖြစ်တာ ပျက်တာတွေက လျင်မြန်အားကြီးတော့ နှိပ်စက်နေသကဲ့သို့ ဆင်းရဲပါလားဟု ထင်မြင်လာတယ်။ ဆင်းရဲပါလားဆိုတာ ဗမာလို ဖြစ်တယ်။ ပါဠိလိုကျတော့ ... ဒုက္ခပါ။ ဒီလို ဖြစ်ပျက် နှိပ်စက်နေတဲ့ ဆင်းရဲတွေ ဘယ်လိုများ ကာကွယ်လို့ ရပါ့မလဲ ..၊ ဘယ်လိုမှ ကာကွယ်လို့ မရဘူး။ သူ့သဘောအတိုင်း သူဖြစ်ပျက်နှိပ်စက်နေတာပဲ၊ ကိုယ်အစိုးမရပါလားဟု ထင်မြင်လာတယ်။ ကိုယ်အစိုးမရပါလားဆိုတာ ဗမာလို ဖြစ်တယ်။ ပါဠိလိုကျတော့ ... အနတ္တပါ။

သတိပဋ္ဌာန်းတရားက မကောင်းတဲ့ဟိတ်တွေ ပယ်၍ ကောင်းတဲ့ဟိတ်တွေ တိုးပွားစေပုံ

အနိစ္စ ဒုက္ခ အနတ္တတွေ မမြင်သွားပါဘူးလား ...မြင်သွားပါတယ်။ ဘယ်တရားရှုလို့ပါလဲ .. သတိပဋ္ဌာန်းတရား ရှုလိုပါ။ အနိစ္စ ဒုက္ခ အနတ္တတွေ မြင်တော့ လောဘ ဒေါသ မောဟ မကောင်းတဲ့ ဟိတ်(၃)ပါးကို ပယ်ပြီးသား မဖြစ်သွားဘူးလား... ဖြစ်သွားပါတယ်။ ကောင်းတဲ့ ဟိတ်(၃)ပါးက အဆင့်ဆင့် မတိုးပွားလာပါဘူးလား ... တိုးပွားလာပါတယ်။ နေရာမကျပါဘူးလား .. နေရာကျပါတယ်။

ဒါကြောင့် ယောဂီများ ဝိပဿနာရှုနေရတာ ဟေတုပစ္စည်းအနေနဲ့ မကောင်းတဲ့ ဟိတ်တွေကို ပယ်တယ်။ ကောင်းတဲ့ ဟိတ်တွေကို တိုးပွားရှိစေတယ်။ ဆင့်ကာဆင့်ကာ ရှုမှတ်လို့ ဘင်္ဂဉာဏ်သို့ ရောက်လာတဲ့အခါ ဖြစ်တာက မထင်ရှားတော့ပေဘူး။ ပျက်ပျက်သွားတာကပဲ ထင်ရှားတယ်။ ဖောင်းတယ်လို့ မှတ်လိုက်ရင် ဖောင်းတဲ့အမူအရာလေး ရိပ်ခနဲ ရိပ်ခနဲ ကုန်ပျက်သွားတာ။ ဖောင်းဆုံးမှာ ကုန်ပျက်ကုန်ပျက်သွားတာ ထင်ထင်ရှားရှား တွေ့သိလာရတယ်။ ပိန်တယ်လို့ မှတ်လိုက်ရင်လည်း ပိန်တဲ့အမူအရာလေး ရိပ်ခနဲ ရိပ်ခနဲ ကုန်ပျက်သွားတာ။ ကြွတယ် လှမ်းတယ် ချတယ်လို့ မှတ်တဲ့အခါမှာလည်း ကြွတဲ့ လှမ်းတဲ့ ချတဲ့ အမူအရာလေးတွေ ရိပ်ခနဲ ရိပ်ခနဲ ကုန်ပျက်သွားတာကို ပကတိသော မျက်စိနဲ့ မြင်ကြသလို တွေ့မြင်ကြရတယ်။

နောက်တော့ သမာဓိဉာဏ်တွေ တစ်ဆင့်ရင့်ကျက် အားရှိ ထက်သန်လာတဲ့အခါ ဖောင်းတယ်လို့ မှတ်လိုက်သည်ရှိသော် ဖောင်းတဲ့ အမူအရာလေးတွေလည်း ရိပ်ခနဲ ရိပ်ခနဲ ကုန်ပျက်သွားတာ၊ မှတ်သိစိတ် ပါလိုက်၍ ကုန်ပျက်သွားတာ၊ ပိန်တယ်လို့ မှတ်လိုက်ရင်လည်း ပိန်တဲ့အမူအရလေး ရိပ်ခနဲ ရိပ်ခနဲ ကုန်ပျက်သွားတာ၊ မှတ်သိစိတ်ပါ လိုက်၍ ကုန်ပျက်သွားတာ၊ ကြွတယ် လှမ်းတယ် ချတယ်လို့ မှတ်တဲ့အခါမှာလည်း ဒီအတိုင်းပဲ၊ ကြွတဲ့ လှမ်းတဲ့ ချတဲ့ အမူအရာလေးတွေလည်း ရိပ်ခနဲ ရိပ်ခနဲ ကုန်ပျက်သွားတာ၊ မှတ်သိ စိတ်ပါ လိုက်ပြီးတော့ ကုန်ပျက်ကုန်ပျက်သွားတာများကို မြင်ကြရတော့ ဖောင်းတဲ့ ပိန်တဲ့ ကြွတဲ့ လှမ်းတဲ့ ချတဲ့ အမူအရာ ရုပ်တရားတွေလည်း မမြဲဘူး၊ မှတ်သိစိတ်လည်း မမြဲဘူး။ ကုန်ပျက် ကုန်ပျက်တာ တွေ့ရတော့ မြဲတယ်လို့ ထင်ပါတော့မလား... မထင်တော့ပါဘူး။ မမြဲဘူးဆိုတာ ဗမာလို ဖြစ်တယ်။ ပါဠိလိုကျတော့ .. အနိစ္စပါလား။

ကုန်ပျက်တာတွေက လျင်မြန်အားကြီးတော့ နှိပ်စက်နေသကဲ့သို့ ဖြစ်၍ ဆင်းရဲပါလား ... ဆင်းရဲပါလားဆိုတာ ဗမာလို ဖြစ်တယ်။ ပါဠိလိုကျတော့ ... ဒုက္ခပါ။ ဒီလို ကုန်ပျက်နှိပ်စက်နေတဲ့ ဆင်းရဲတွေကို ဘယ်လိုများ ကာကွယ်လို့ ရပါ့မလဲ..၊ ဘယ်လိုမှ ကာကွယ်လို့ မရပါလား။ သူ့သဘောအတိုင်း သူကုန်ပျက် နှိပ်စက်နေတာပဲ။ ကိုယ်အစိုးမရပါလား ..၊ ကိုယ်အစိုးမရပါလားဆိုတာ ဗမာလို ဖြစ်တယ်။ ပါဠိလိုကျတော့ ... အနတ္တပါ။ အနိစ္စ ဒုက္ခ အနတ္တဉာဏ်အမြင်တွေ ပိုင်သွားတဲ့အခါ ယောဂီများ ဘယ်ကို ရောက်သွားကြမလဲ .. နိဗ္ဗာန်သို့ ရောက်သွားပါမယ်။

အနိစ္စ ဒုက္ခ အနတ္တတွေမြင်တော့ ဟေတုပစ္စည်းထဲက လောဘ ဒေါသ မောဟဆိုတဲ့ မကောင်းတဲ့ ဟိတ်တွေကို ပယ်ပြီးသွား ဖြစ်သွားတယ်။ အလောဘ အဒေါသ အမောဟဆိုတဲ့ ကောင်းတဲ့ဟိတ်တွေကို တိုးတက်ကြီးပွားလာစေတယ်။ နေရာကျပါတယ်။ ဟေတုပစ္စည်းတရားကို ဟောတာ အသင့်အတင့် ပြည့်စုံသွားပါပြီ။

ဤကဲ့သို့ ပဋ္ဌာန်းပါဠိတော် ပစ္စယနိဒ္ဒေသပါဠိတော်လာ ဟေတုပစ္စည်းတရားတော်ကို နာကြားရသဖြင့် နာကြားရတဲ့အတိုင်း လိုက်နာကျင့်ကြံပွားများ အားထုတ်နိုင်ကြပြီးလျှင် မိမိတို့ အလိုရှိအပ် တောင့်တအပ်တဲ့ တရားထူး တရားမြတ်တို့ကို ဒုက္ခခပ်သိမ်း အေးငြိမ်းရာ ဖြစ်တဲ့ နိဗ္ဗာန်ချမ်းသာကို လွယ်ကူသောအကျင့် လျှင်မြန်စွာ ဆိုက်ရောက်၍ မျက်မှောက်ပြုနိုင်ကြပါစေကုန်သတည်း..။

ဆရာတော်ဘုရား ပေးသနားတော်မူတဲ့ ဆုနဲ့ ပြည့်စုံရပါလို၏။

သာဓု ... သာဓု ... သာဓု ။


ဆက်ရန် ... အာရမ္မဏပစ္စည်း သို့

အပြည့်အစုံသို့...

ဟေတုပစ္စည်း - ၁(င)

ဟေတုပစ္စည်း - ၁(င)

ဒါနကုသိုလ်နှင့် ပြည့်စုံပုံ

အနိစ္စမြင်တော့ လောဘတွေကင်းစင်လို့ အလောဘတွေ ဖြစ်လာတယ်။ အလောဘတွေ ဖြစ်လာလို့ရှိရင် ဒါနကုသိုလ်တွေ ပြည့်စုံဖို့ရာဖြစ်တယ်။ ဒါနကုသိုလ်တွေ ရှေးကထက် ပိုပြီး မပြည့်စုံဘူးလား။ ... ပြည့်စုံပါတယ်။

ဆောင်ပုဒ်။ ။ အနိစ္စမြင်တော့၊ လောဘစင်သည်၊
လောဘစင်တော့၊ အလောဘဝင်သည်၊
အလောဘဝင်၊ ဒါနလျှင် အစဉ်ပြည့်စုံသည်။

အနိစ္စမြင်အောင်ရှုနိုင်တော့ မမြဲဘူးလို့ သိတယ်။ မမြဲဘူးလို့ သိတော့ လောဘတွေ မကင်းစင်ပါဘူးလား။ ... ကင်းစင်ပါတယ်။ မမြဲတာကို ဘယ်ပုဂ္ဂိုလ်မှ မလိုချင်တော့ဘူး။ ဘယ်အရာကိုမှ မလိုချင်တော့ဘူး။ လောဘတွေ ကင်းစင်သွားတယ်။ "လောဘစင်" ဆိုတာ လောဘတွေ ကင်းစင်သွားတယ်ဆိုတဲ့ အဓိပ္ပါယ်ဖြစ်တယ်။ လောဘကင်းစင်တော့ အလောဘဖြစ်လာတယ်။ အလောဘ မဝင်လာပါဘူးလား ... ဝင်လာပါတယ်။ လောဘကင်းစင်သွားတာနဲ့ အလောဘမဝင်လာပါဘူးလား ... ဝင်လာပါတယ်။ ဖြောင့်ဖြောင့်ဆန့်ကျင်ဘက်ပဲ ဖြစ်တယ်။ လောဘမရှိရင် အလောဘဖြစ်တော့တာပဲ။ လောဘတွေ ကင်းစင်သွားတော့ အလောဘတွေ ဝင်လာတယ်။ လောဘတွေ ဝင်လာတော့ ဒါနတွေ ရှေးကထက် ပိုပြီးတော့ မပြုလုပ်နိုင်ပါဘူးလား ... ပြုလုပ်နိုင်ပါတယ်။ ဒါနတွေ ပြုလုပ်ဖို့ရာ ဒါနတွေ အစဉ်ပြည့်စုံဖို့ရာ ဖြစ်တယ်။

အနိစ္စမြင်လျှင် လောဘကင်းစင်တယ်။ လောဘကင်းစင်လို့ရှိရင် အလောဘ ဝင်လာတယ်။ အလောဘတွေ ဖြစ်လာရင် ဒါနကုသိုလ်တွေ ပြည့်စုံဖို့ ဖြစ်တယ်။ ယောဂီတွေ ဒါနနှင့် မပြည့်စုံချင်ပါဘူးလား ... ပြည့်စုံချင်ကြပါတယ်။ ဒါကြောင့် အနိစ္စမြင်အောင်လည်း မရှုရပါဘူးလား ... ရှုရပါတယ်။

ဟေတုပစ္စည်းထဲက မကောင်းတဲ့ ဟိတ်တွေကို ပယ်နိုင်ရအောင်၊ ကောင်းတဲ့ ဟိတ်တွေကို တိုးပွားလာရအောင် ဘယ်တရားများ ရှုမှတ်ရပါမလဲ ... သတိပဋ္ဌာန် ဝိပဿနာတရား ရှုမှတ်ရပါမယ်။ အနိစ္စမြင်အောင် ရှုနိုင် မှတ်နိုင်ရင် မကောင်းတဲ့ လောဘတွေ ကင်းစင်ပြီး ကောင်းတဲ့ လောဘတွေ ဝင်လာပါတယ်။ ဒါနကုသိုလ်တွေ ပြည့်စုံဖို့ ဖြစ်လာတယ်။ နေရာမကျပါဘူးလား .. နေရာကျပါတယ်။

သီလကုသိုလ်နှင့် ပြည့်စုံပုံ

ဒုက္ခဒဿန = ဒုက္ခကိုမြင်အောင် ရှုနိုင်ခြင်းဖြင့်၊ အဒေါသော = အဒေါသဟိတ်သည်၊ ဟောတိ = ဖြစ်၏ ။ ဒုက္ခမြင်အောင် ရှုနိုင်တော့ ဒေါသတွေ မဖြစ်တော့ဘူးတဲ့။ ဒုက္ခတွေ မြင်နေရတော့ ဒုက္ခဖြစ်ကြောင်း ဒေါသထပ်ပြီး ဖြစ်ချင်ပါဦးမလား ... မဖြစ်ချင်တော့ပါဘူး။ ဒေါသတွေ ကင်းစင်တယ်။ ဒေါသတွေ ကင်းစင်တော့ ဘာဝင်လာပါသလဲ ... အဒေါသ ဝင်လာပါတယ်။ အဒေါသဝင်လာတော့ ဘယ်ကုသိုလ်နှင့် ပြည့်စုံလာပါသလဲ ... သီလကုသိုလ်နှင့် ပြည့်စုံလာပါတယ်။ အဒေါသ = မေတ္တာများတဲ့ပုဂ္ဂိုလ် ၊ မေတ္တာပြဋ္ဌာန်းတဲ့ ပုဂ္ဂိုလ်တို့သည် သူတစ်ပါးအသက်ကို သတ်ဖို့ရာ ဝန်လေးသွားကြသောကြောင့် သီလပိုပြီးတော့ လုံခြုံသွားကြတယ်။ သူတစ်ပါးပစ္စည်း ခိုးဖို့ရာလည်း ဝန်လေးသွားပြီး။ ပိုပြီးတော့ အဲဒီသိက္ခာပုဒ်တွေ လုံခြုံသွားကြတယ်။ သီလကုသိုလ်တွေ ပြည့်စုံသွားကြဖို့ပဲ ဖြစ်တယ်။

ဆောင်ပုဒ်။ ။ ဒုက္ခမြင်တော့၊ ဒေါသစင်သည်၊
ဒေါသစင်တော့၊ အဒေါသဝင်သည်၊
အဒေါသဝင်၊ သီလလျှင်၊ အစဉ်ပြည့်စုံသည်။

ဒုက္ခမြင်အောင် ထင်အောင် ရှုလိုက်တော့ ဒေါသတွေ ကင်းစင်တယ်။ ဒေါသတွေ ကင်းစင်တော့ အဒေါသ = မေတ္တာဓာတ်တွေ ဝင်လာတဲ့အခါ သီလနဲ့ပိုပြီးတော့ ပြည့်စုံလာဖို့ရာဖြစ်တယ်။ ယောဂီများ သီလနှင့် မပြည့်စုံချင်ကြပါဘူးလား ... ပြည့်စုံချင်ကြပါတယ်။ ပြည့်စုံချင်လို့ရှိရင် ဒုက္ခထင်အောင် ရှုနိုင်ရမယ်ဆိုတဲ့ အဓိပ္ပါယ်မကျနေပါဘူးလား .. အဓိပ္ပါယ်ကျနေပါတယ်။

ဘာဝနာကုသိုလ်နှင့် ပြည့်စုံပုံ

အနတ္တ ဒဿနေန = အနတ္တကို မြင်ခြင်းဖြင့်၊ အမောဟော = အမောဟသည်၊ ဟောတိ = ဖြစ်၏ ။ အနတ္တကို မြင်အောင် ရှုလိုက်တော့ တွေဝေတဲ့ မောဟတွေ ကင်းစင်သွားတယ်။ မောဟတွေ ကင်းစင်သွားတော့ မတွေမဝေ အမှန်တိုင်းသိတဲ့ အမောဟဖြစ်လာတယ်။ အမောဟဖြစ်လာတော့ အရှေးကထက် ဘာဝနာတရားတွေကို ပို၍ အားထုတ်နိုင်တယ်။ အားထုတ်နိုင်သောကြောင့် ဘာဝနာကုသိုလ်တွေနှင့် ပိုပြည့်စုံလာရပေတယ်။

ဆောင်ပုဒ်။ ။ အနတ္တမြင်တော့၊ မောဟစင်သည်၊
မောဟစင်တော့၊ အမောဟဝင်သည်၊
အမောဟဝင်၊ ဘာဝနာလျှင်၊ အစဉ်ပြည့်စုံသည်။

အနတ္တမြင်တော့ တွေဝေမိုက်မှားတဲ့ မောဟတွေ ကင်းစင်တယ်။ မောဟတွေ ကင်းစင်တော့ အမောဟတွေ ဝင်လာတယ်။ အမောဟတွေ ဝင်လာတော့ ဘာဝနာကုသိုလ်တွေ ကြိုးကြိုးစားစား အားထုတ်နိုင်တယ်။ ဘာဝနာကုသိုလ်နှင့် ပိုပြီး ပြည့်စုံလာပါတယ်။

အနိစ္စမြင်လျှင်၊ လောဘစင်၊ အလောဘဝင်၊ ဒါနကုသိုလ်နှင့် ပြည့်စုံဖို့ပင်။
ဒုက္ခမြင်လျှင်၊ ဒေါသစင်၊ အဒေါသဝင်၊ သီလကုသိုလ်နှင့် ပြည့်စုံဖို့ပင်။
အနတ္တမြင်လျှင်၊ မောဟစင်၊ အမောဟဝင်၊ ဘာဝနာကုသိုလ်နှင့် ပြည့်စုံဖို့ပင်။

အနိစ္စ ဒုက္ခ အနတ္တမြင်အောင် ရှုနိုင်လို့ရှိရင် လောဘ ဒေါသ မောဟဟိတ်တွေ မကောင်းတဲ့ဟိတ်တွေ ပယ်ပြီးသားဖြစ်တယ်။ အလောဘ အဒေါသ အမောဟဟိတ်တွေ ကြီးပွားလာပြီးတော့ ကုသိုလ် အမျိုးမျိုးနှင့် ပြည့်စုံလာတယ်။ ဒါနနှင့်လည်း ပြည့်စုံ၊ သီလနှင့်လည်း ပြည့်စုံ၊ ဘာဝနာနှင့်လည်း ပြည့်စုံဖို့ရာ ဖြစ်သွားပါတယ်။ ဒါကြောင့် ဝိပဿနာရှုရာမှာ အနိစ္စမြင်အောင် ရှုနိုင်ဖို့၊ ဒုက္ခမြင်အောင် ရှုနိုင်ဖို့၊ အနတ္တမြင်အောင် ရှုနိုင်ဖို့ရာ အရေးမကြီးပါဘူးလား ... အရေးကြီးပါတယ်။

ဝိပဿနာရှုတဲ့အခါ ဝိပဿနာစစ်စစ်ဖြစ်ဖို့ရာ အနိစ္စ ဒုက္ခ အနတ္တမြင်အောင် ရှုရာမှာဖြစ်တယ်။ ရှေ့ပိုင်း ဝိပဿနာကတော့ တရားသဘောလေးတွေ ရှေးဦးစွာ တွေ့မြင်အောင်သာ ဝိပဿနာ ရှုရပါသေးတယ်။ အနိစ္စ ဒုက္ခ အနတ္တတွေကို ရှုလျှင်ရှုခြင်းတော့ မြင်မှ မြင်နိုင်ပါဦးမလား ... မမြင်နိုင်သေးပေဘူး။

အစပိုင်းမှာ ဝိပဿနာမည်ပုံ

ပညတ္တိံ ဌပေတွာ ဝိသေသေန ပဿတီတိ ဝိပဿနာ။
ပညတ္တိံ = ခေါင်း ကိုယ် ခြေ လက်စသော ပုံသဏ္ဌာန် သဏ္ဌာန ပညတ်များကို၊ ဌပေတွာ = ခွာထား၍၊ ဝိသေသေန = အထူးထူး အပြားပြားအားဖြင့်၊ ပဿတိ = ရှုတတ်၏ ။ ဣတိ တသ္မာ = ထိုသို့ ပညတ်ကို ခွာ၍ အထူးထူး အပြားပြား ရှုရတဲ့အတွက်ကြောင့်၊ ဝိပဿနာ = ဝိပဿနာမည်၏ ။

အစပိုင်း ဝိပဿနာရှုတဲ့အခါမှာ ပညတ်ပုံသဏ္ဌာန်တွေကို ခွာနိုင်သမျှ ခွာပြီးတော့ ရှုရတယ်။ ဖောင်းတယ် ပိန်တယ် ထိုင်တယ် ထိတယ်လို့ ရှုမှတ်ရာတွင် ဖောင်းတယ်လို့ ရှုမှတ်တဲ့အခါမှာ ဝမ်းဗိုက်ပုံသဏ္ဌာန် ဒြပ်ကြီးကိုတော့ ခွာနိုင်သမျှခွာ၊ ပိန်တယ်လို့ ရှုမှတ်တဲ့အခါမှာ ဝမ်းဗိုက်ပုံသဏ္ဌာန်ဒြပ်ကြီးကို ခွာနိုင်သမျှခွာ၊ ဖောင်းတယ်လို့ မှတ်တဲ့အခါမှာ အတွင်းက တောင့်တင်းတဲ့သဘော၊ တွန်းကန်တဲ့ သဘောတရားကို၊ ပိန်တယ်လို့ မှတ်တဲ့အခါမှာ အတွင်းက လှုပ်ရှားသွားတဲ့သဘော၊ ရွေ့သွားတဲ့သဘောတရားကို သိအောင် မစူးစိုက်ရပါဘူးလား ... စူးစိုက်ရပါတယ်။

ကြွတယ် လှမ်းတယ် ချတယ်လို့ မှတ်တဲ့အခါမှာလည်း ခြေထောက် ပုံသဏ္ဌာန်ဒြပ်ကြီးကိုတော့ ခွာနိုင်သမျှခွာ၊ ကြွတယ်လို့ မှတ်တဲ့အခါ အပေါ်ကို တစ်ရွေ့ပြီးတစ်ရွေ့၊ ရွေ့တက်သွားတဲ့ သဘောတွေကို သိနိုင်သမျှ သိအောင်စူးစိုက်ရတယ်။ လှမ်းတယ်လို့ မှတ်တဲ့အခါမှာလည်း ခြေထောက်ပုံသဏ္ဌာန်ဒြပ်ကြီးကို ခွာနိုင်သမျှခွာ၊ ရှေ့ကို တစ်ရွေ့ပြီးတစ်ရွေ့၊ ရွေ့ရွေ့သွားတဲ့ သဘောတွေကို သိနိုင်သမျှသိအောင် စူးစိုက်ရတယ်။ ချတယ်လို့ မှတ်တဲ့အခါမှာလည်း ခြေထောက်ပုံသဏ္ဌာန်ဒြပ်ကြီးကို ခွာနိုင်သမျှခွာ၊ အောက်သို့ တစ်ရွေ့ပြီးတစ်ရွေ့၊ ရွေ့ရွေ့သွားတဲ့ သဘောတွေကို သိနိုင်သမျှသိအောင် စူးစိုက်ရပါတယ်။

ဤကဲ့သို့ ပညတ်ကို ခွာ-ခွာပြီးတော့ ဖောင်းတဲ့အမူအရာ ပိန်တဲ့အမူအရာ ကြွတဲ့အမူအရာ လှမ်းတဲ့အမူအရာ ချတဲ့အမူအရာ အထူးထူးအပြားပြားတွေကိုလိုက်ပြီး မရှုရရပါဘူးလား ... ရှုရပါတယ်။ ရှုရတဲ့အတွက်ကြောင့် အဲဒီလို ရှုရတာကို ဘာလို့ခေါ်ပါသလဲ ... ဝိပဿနာလို့ ခေါ်ပါတယ်။

နောက်ဆင့်ကာဆင့်ကာ ရှုမှတ်လို့ သမာဓိဉာဏ်တွေ ရင့်ကျက်လာ၍ သမ္မသနဉာဏ်၊ ဥဒယဗ္ဗယဉာဏ်၊ ဘင်္ဂဉာဏ်တို့သို့ ရောက်လာတဲ့အခါကျတော့ အနိစ္စ ဒုက္ခ အနတ္တသဘောတွေကို မြင်လာကြပါတယ်။ ဝိပဿနာရှုတဲ့အခါ အနိစ္စ ဒုက္ခ အနတ္တတို့ကို မြင်လို့ရှိရင် အခုပြောခဲ့ပြီးတဲ့အတိုင်း အကျိုးတရားတွေ ရရှိနိုင်ပါတယ်။ သမ္မသနဉာဏ်သို့ ရောက်လာရင် အနိစ္စ ဒုက္ခ အနတ္တတွေ သုံးသပ်ဆင်ခြင်ပြီး သိလာပါတယ်။

နာမရူပပရိစ္ဆေဒဉာဏ် - ရုပ် နာမ်ကွဲတဲ့အဆင့်မှာတော့ အနိစ္စတွေ ဒုက္ခတွေ အနတ္တတွေ မထင်ရှားလာသေးပေဘူး။ ပစ္စယပရိဂ္ဂဟဉာဏ် ရောက်လာတဲ့အခါမှာလည်း မထင်ရှားသေးပေဘူး။ အကြောင်းနှင့် အကျိုးမျှသာ ထင်ရှားကြတယ်။ သမ္မသနဉာဏ်သို့ ရောက်လာတဲ့အခါ အနိစ္စပဲ ဒုက္ခပဲ အနတ္တပဲလို့ သုံးသပ်ဆင်ခြင်ပြီးတော့ သိလာကြတယ်။ သမ္မသနဉာဏ်သို့ ရောက်လာတဲ့အခါ ဖောင်းတယ် ပိန်တယ် ထိုင်တယ် ထိတယ်ဟု ရှုမှတ်လို့ မကြာသေးမီ တစ်ခါတစ်ခါ (၁၀) မိနစ်၊ (၁၅) မိနစ်ခန့်လောက်မှာပင် နာတာ ကျင်တာ အောင့်တာ ကိုက်တာ ခဲတာ မူးတာ ယားတာ အော့ချင် အန်ချင်ရှိတာ ယိမ်းတာ ယိုင်တာ ဖိတာ လေးတာ တွန်းနေတာ ဆွဲနေတာများကို မတွေ့ရပါဘူးလား ... တွေ့ရပါတယ်။ အော် .. ဒီခန္တာကြီး ခံလိုက်ရတာ၊ ဒုက္ခတုံး ဒုက္ခခဲကြီးပါလားလို့ မထင်လာပါဘူးလား ... ထင်လာပါတယ်။

ဘဝဆိုးတွေ မြင်တတ်ပုံ

ထိုင်၍ရှုမှတ်စဉ် အာရုံနိမိတ်တွေကလည်း ဘာတွေ ထင်လာတတ်ပါသလဲဆိုတော့ အသုဘတွေချည်းပဲ ထင်လာတတ်တယ်။ အလောင်းကောင်တွေ အရိုးစုတွေ မထင်လာတတ်ပါဘူးလား .. ထင်လာတတ်ပါတယ်။ သမာဓိဉာဏ်အားကောင်းတဲ့ ပုဂ္ဂိုလ်တွေ ဘဝါဘဝက ဘဝဟောင်းတွေက ဆိုးခဲ့တဲ့ ဘဝအမျိုးမျိုးတွေကိုလည်း မြင်တတ်တယ်။ တချို့တချို့ကလည်း အတိတ်ဘဝက မိချောင်းဖြစ်ခဲ့လို့ မိမိခန္တာကိုယ်ဟာ မိချောင်းပုံသဏ္ဌာန်ကြီးလို၊ အတိတ်ဘဝက လိပ်ဖြစ်ခဲ့လို့ မိမိခန္တာကိုယ်ဟာ လိပ်ပုံသဏ္ဌာန်ကြီးလို အမျိုးမျိုး ထင်နေတတ်ကြပေတယ်။ ကြံခင်းမြို့၊ တရားစခန်းတစ်ခုမှာ တရားထိုင်မှတ်လိုက်လျှင် သူ့ခန္တာကိုယ် နဂါးပုံသဏ္ဌာန်ဖြစ်သွားလို့ ဆရာတော်ကြီးများက ယောဂီတစ်ဦးကို နဂါးယောဂီဟု အမည်ပေးထားဖူးပါတယ်။

သမ္မသနဉာဏ်၌ အနိစ္စ၊ ဒုက္ခ၊ အနတ္တသိပုံ

ဤကဲ့သို့ သမ္မသနဉာဏ်၌ ယောဂီမှာ ကိုယ်ဆင်းရဲ စိတ်ဆင်းရဲတွေလည်း ဖြစ်နေရ၊ အဲဒီပုံသဏ္ဌာန်ဆိုးကြီးများကိုလည်း တွေ့ရတော့ "အော် .. မိမိဘဝဟောင်းတွေက တယ်ဆိုးခဲ့ပါလား" ဟု ဝမ်းနည်းပြီး ချုံးချုံးချ မငိုရပါဘူးလား .. ငိုရပါတယ်။ အော် ... ဆင်းရဲလိုက်တာ၊ မဆင်းရဲပါဘူးလား ... ဆင်းရဲပါတယ်။ ဤခန္တာကိုယ်ကြီးကို ဒုက္ခပဲဟု သုံးသပ်ပြီးတော့ သိတယ်။ ဒုက္ခလို့ သုံးသပ်ပြီးတော့ သိတာ သမ္မသနဉာဏ် ဖြစ်တယ်။

နာတာ ကျင်တာတွေကလည်း တစ်မျိုးပြီးတစ်မျိုး၊ တစ်မျိုးပြီးတစ်မျိုး ပြောင်းလဲပြီး နာလိုက် ကျင်လိုက် အောင့်လိုက် ဖြစ်နေတော့ မြဲပါရဲ့လား... မမြဲပါဘူး။ မမြဲပါလားလို့ သုံးသပ်ပြီးတော့ မသိပါဘူးလား ... သိပါတယ်။ မမြဲခြင်း အနိစ္စလို့ သုံးသပ်ပြီးတော့ သိတာ သမ္မသနဉာဏ် ဖြစ်တယ်။

ဝိပဿနာတရား လာအားထုတ်တာ ချမ်းချမ်းသာသာနဲ့ အားထုတ်ချင်လို့ လာခဲ့တာ အခု ဒီဉာဏ်ကျတော့ ချမ်းချမ်းသာသာနဲ့ အားထုတ်လို့ ရပါရဲ့လား ... မရပါဘူး။ နာတာ ကျင်တာ ကိုက်ခဲတာတွေ လိုချင်လို့ ဝိပဿနာတရား လာအားထုတ်တာပါလား ... မဟုတ်ပါဘူး။ မဟုတ်ပေမယ့် ကိုယ်မဖြစ်ချင်တာတွေ ဖြစ်နေရတယ်။ ကိုယ်အစိုးရပါရဲ့လား .. ကိုယ်အစိုးမရပါဘူး။ ကိုယ်အစိုးမရဆိုတာ ဗမာလိုဖြစ်တယ်။ ပါဠိလိုကျတော့ ... အနတ္တပါ။ မတွေ့ရပါဘူးလား ... တွေ့ရပါတယ်။

အနိစ္စ ဒုက္ခ အနတ္တတွေ မထင်သွားပါဘူးလား ... ထင်သွားပါတယ်။ နေရာကျသွားပြီး။ လောဘ ဒေါသ မောဟ မကောင်းတဲ့ဟိတ်တွေ ပယ်နိုင်သမျှ ပယ်လို့ရသွားပါပြီ။ ကောင်းတဲ့ ဟိတ် အလောဘ အဒေါသ အမောဟတွေ တိုးတက်နိုင်သမျှ တိုးတက်လာပြီဖြစ်တယ်။

နောက် ဆရာသမားတွေ ညွှန်ပြတဲ့အတိုင်း ဆင့်ကာ ဆင့်ကာ ရှုမှတ်လို့ ဉာဏ်စဉ်တစ်ဆင့် တက်သွား၍ ဥဒယဗယဉာဏ် ရောက်သွားတော့ ပြောင်းပြန် ပြန်ဖြစ်သွားတယ်။ လေးလံတာ ထိုင်းမှိုင်းတာတွေလည်း မရှိတော့ပေဘူး။ နာတာ ကျင်တာ အောင့်တာတွေလည်း မရှိတော့ပေဘူး။ မူးတာ ယားတာတွေလည်း မရှိတော့ပေဘူး။ ပေါ့ပါး သွက်လက်ပြီး ကာယလဟုတာ စိတ္တလဟုတာ = ကိုယ်ကလည်းပေါ့ပါး စိတ်ကလည်းပေါ့ပါး၊ ကာယမုဒုတာ စိတ္တမုဒုတာ = ကိုယ်ကလည်း နူးညံ့ စိတ်ကလည်း နူးညံ့။

သမ္မသနဉာဏ်တုန်းကတော့ ယောဂီက စိတ်ဆိုးနေတတ်တယ်။ စိတ်တွေလည်း ညစ်နေတတ်တယ်။ တချို့တချိုသော ယောဂီများ တော်တော်ကို ဆိုးနေတာပါပဲ။ ကမ္မဋ္ဌာန်းဆရာကိုတောင် ပြန်ပြန်ပြီး ပြောနေတတ်တယ်။ ပြန်ပြီး လျှောက်ထားနေတတ်ကြတယ်။

ဆက်ရန် ... ဟေတု ၁(စ)

အပြည့်အစုံသို့...

ဟေတုပစ္စည်း - ၁(ဃ)

ဟေတုပစ္စည်း ၁(ဃ)

တစ်ချိန်သောအခါက ကပိလဝတ်ပြည်မှာ ဂေါပိကာဆိုတဲ့ အမျိုးသမီး တစ်ယောက်ရှိတယ်။ အဲဒီအမျိုးအမီးက အမျိုးသမီးဘဝကို စက်ဆုပ်တယ်။ အမျိုးသားဘဝကို အလွန်ပဲ လိုချင်တယ်တဲ့။ လိုချင်တော့ ရတနာသုံးပါးကို ကိုးကွယ်ဆည်းကပ်တယ်။ ငါးပါးသီလကို လုံခြုံအောင်ထိန်းတယ်။ အမျိုးသမီးအဖြစ်ကို မလိုချင်တဲ့သဘောတွေ မကြာခဏ ဆုတောင်းပတ္ထနာပြုတယ်။ အမျိုးသားအဖြစ်ကို လိုချင်ပြီးတော့ အမျိုးသားအဖြစ်ကို မကြာခဏ ဆုတောင်းပတ္ထနာပြုတယ်။

အမျိုးသမီးများ အမျိုးသားဖြစ်နိုင်ရေး အကြောင်းတရား (၄)ပါး ရှိပါတယ်။
(၁) ရတနာသုံးပါးကို ယုံယုံကြည်ကြည် ကိုးကွယ်တာရယ်။
(၂) ငါးပါးသီလကို လုံခြုံအောင် စောင့်ထိန်းတာရယ်။
(၃) အမျိုးသမီးအဖြစ်ကို မလိုချင်တာရယ်။
(၄) အမျိုးသားအဖြစ်ကို လိုချင်တောင့်တတာရယ်။ ..... အဲဒီ လေးမျိုးကို ကျင့်ကြံအားထုတ်ပြီး နေတယ်။

သူကိုးကွယ်တဲ့ကျောင်းမှာလည်း အဲဒီ သူ၏ ဆုတောင်းတွေပြည့်ရအောင် ရဟန်း(၃)ပါးကို ကိုးကွယ်ထားတယ်တဲ့။ အဲဒီ ရဟန်း(၃)ပါးက သာမာန်ရဟန်းတွေ မဟုတ်ဘူး။ ဈာန်ရအောင်ကျင့်လို့ လောကီဈာန်ရထားတဲ့ ပုဂ္ဂိုလ်တွေဖြစ်တယ်။ အဲဒီလို ကျင့်ကြံကြိုးကုတ် အားထုတ်ပြီး၊ ဈာန်ရတဲ့ ရဟန်းတွေကို ကိုးကွယ်ဆည်းကပ်ပြီး၊ အမျိုးသားအဖြစ်ကိုလည်း တောင့်တပြီး ကောင်းမှုတွေ ပြုနေပါတယ်။

ကွယ်လွန်သွားတဲ့အခါကျတော့ တာဝတိံသာနတ်ပြည်မှာ သိကြားမင်းရဲ့သား ဂေါပဂနတ်သား ဖြစ်သွားတယ်။ ဈာန်ရတဲ့ ရဟန်းတော်တွေလည်း သက်တမ်းကုန်ပြီး ကွယ်လွန်သွားကြ၊ ပျံလွန်တော်မူသွားကြတဲ့အခါ ဘယ်မှာသွားဖြစ်သလဲဆိုတော့ စတုမဟာရာဇ်နတ်ဘုံမှာ ဂန္ဓဗ္ဗကချေသည် နတ်သားတွေ သွားဖြစ်တယ်တဲ့။

တစ်နေ့တော့ ဂေါပဂနတ်သားကို အဲဒီကချေသည်နတ်သားတွေ ဖျော်ဖြေဖို့ရာ ရောက်လာကြတယ်။ ရောက်လာလို့ ဂေါပကနတ်သားက ကြည့်လိုက်တဲ့အခါ အို ... အဆင်းကလည်းသိပ်လှ၊ အဆိုကလည်းသိပ်ကောင်း၊ အက-ကလည်း သိပ်ကောင်း၊ ရုပ်ရည်အဆင်းတွေကလည်း သိပ်လှတော့ ဘယ်ဘဝကများ လာခဲ့ကြသလဲလို့ သူ့ရဲ့နတ်မျက်စိနဲ့ ဆင်ခြင်ကြည့်လိုက်တဲ့အခါ ရဟန်းဘဝ၊ ရဟန်းသီလနဲ့ ပြည့်စုံခဲ့လို့ အခုလို ပြည့်စုံကြတာဖြစ်တယ်။ အက-ကလည်း ကောင်း၊ အဆိုကလည်း ကောင်း၊ ရုပ်ရည်အဆင်းကလည်း ကောင်းတော့ ရဟန်းသီလနဲ့ ပြည့်စုံလို့ပဲလို့ သိရတယ်။ "သြော် ... သီလနှင့် ပြည့်စုံတဲ့ ပုဂ္ဂိုလ်တွေ ဒီလိုချမ်းသာခွင့် ရတာကိုး" ဆိုပြီး ဝမ်းမြောက် ဝမ်းသာဖြစ်တယ်။

နောက်တစ်ခါဆက်ပြီး ဆင်ခြင်ကြည့်လိုက်တယ်။ နောက်ထပ် ဘယ်တရားများ သူတို့မှာ ရှိနေကြသလဲလို့ ဆင်ခြင်ကြည့်လိုက်တော့ ဈာန်ရတာကို သိရတယ်။ "သြော်ဒါကြောင့်မို့ ဒီလောက်တင့်တယ်ကြတာကိုး" ဟု စိတ်ထဲမှာ ဖြစ်သွားတယ်။ "သြော် .. ဒီပုဂ္ဂိုလ်တွေ ဘယ်အရပ်၊ ဘယ်ကျောင်းကလဲ" လို့ ဆင်ခြင်ကြည့်လိုက်တော့ သူကိုးကွယ်တဲ့ကျောင်းက ရဟန်းတွေ ဖြစ်နေတယ်။ စိတ်နှလုံး မသာမယာဖြစ်တယ်။ "တော်တော်ညံ့တာပဲ"။ မကျေနပ်တော့ဘူးတဲ့။

အဲဒီနတ်တွေကို အတင်းမာန်မဲပြီးတော့ ပြောတော့တာပဲ။ အရှင်ဘုရားတို့ဟာ မြတ်စွာဘုရား တရားဟောတဲ့အခါ ဘယ်ဘက်ကို လှည့်နေကြသလဲ၊ အိပ်ငိုက်နေကြသလား .. စသည်ဖြင့် ဆူပူ ကြိမ်းမောင်းတယ်။ ဈာန်ရ ရဟန်းတွေ အကြိမ်းမောင်းခံရပါတယ်။ ဘာကြောင့်လဲဆိုတော့ အဲဒီလောဘကြောင့်ပဲတဲ့။ ဘဝပေါင်းများစွာက ဖြစ်ခဲ့ဘူးတော့ လောဘဥပါဒါန်က အဲဒီစတုမဟာရာဇ်ဘုံဘဝ ကချေသည်ဘဝမှာ ကပ်နေတယ်။ ဈာန်ရရင် အမှန်စင်စစ်တော့ ဗြဟ္မာပြည်မှာ သွားဖြစ်ရမှာဖြစ်တယ်။ အခုဘယ်မှာ ဖြစ်နေသလဲ .. စတုမဟာရာဇ်နတ်၊ အောက်တန်းစားနတ် သွားဖြစ်တယ်။ ကချေသည်နတ်ဆိုတာ အောက်တန်းစားနတ်ပဲ ဖြစ်တယ်။

ဒီလို ဆူပူကြိမ်းမောင်းခံနေရတော့ သူတို့လည်း ပြန်စဉ်းစားကြည့်၊ ပြန်ဆင်ခြင်ကြည့်တယ်တဲ့၊ "ဒို့က သူတစ်ပါးတွေ ချီးမြှောက်ခံချင်လို့ လာပြီး ကနေ၊ ဆိုနေကြတာ ဖြစ်တယ်။ " အခုလို ဆူပူကြိမ်းမောင်းခံနေရတော့ နတ်တို့ရဲ့ တန်ခိုး၊ နတ်ရဲ့ဉာဏ်နဲ့ ကြည့်လိုက်တဲ့အခါ သူတို့ကို ကိုးကွယ်ခဲ့တဲ့ ကျောင်းဒကာမပဲဆိုတာ သိရတော့ ရှက်လိုက်တာ။ အို .. သူကတော့ အထက်တန်းကျလို့၊ ဒို့က ဈာန်ရတဲ့ ပုဂ္ဂိုလ်တွေ ဖြစ်လျက်သားနဲ့၊ ဒို့က ကိုးကွယ်ခံရတဲ့ ပုဂ္ဂိုလ်တွေ ဖြစ်လျက်သားနဲ့ ဒီလို လားပြီးတော့ ဖြစ်ရတာကိုး ... ဆိုပြီးတော့ ရှက်ကြတယ်တဲ့။

အဲဒီမှာ နတ်နှစ်ပါးကတော့ သံဝေဂရပြီး အားထုတ်လိုက်တာ အနာဂါမ် ဖြစ်သွားတယ်။ တစ်ခါတည်း ဗြဟ္မာပြည်ကို ပြောင်းသွားတယ်။ တစ်ပါးကတော့ စွဲလမ်းတာ အားကြီးလို့ လောဘဥပါဒါန် သိပ်အားကြီးလို့ အဲဒီ စတုမဟာရာဇ်နတ်ဘုံမှာပဲ ကချေသည် နတ်သား အဖြစ်နဲ့ ကျန်ခဲ့တယ်တဲ့။ လောဘဟိတ် ဆိုးပါတယ်။ ဈာန်ရတာတောင်မှ ဒုက္ခပေးပါတယ်။ ဒါကြောင့် လောဘကို ကင်းနိုင်သမျှ ကင်းအောင်၊ ဒေါသလည်း ကင်းနိုင်သမျှ ကင်းအောင်၊ မောဟလည်း ကင်းနိုင်သမျှ ကင်းအောင်၊ ဟေတုပစ္စည်း မကောင်းတဲ့ ဟိတ်တွေ မိမိတို့ရဲ့သန္တာန်မှာ ဖြစ်ခွင့်မရအောင်၊ နည်းနိုင်သမျှ နည်းအောင် အားထုတ်ကြရပါတယ်။

ကုသိုလ်ဟိတ်(၃)ပါးက သတိပဋ္ဌာန် ဝိပဿနာတရား အားထုတ်ရာတွင် ကျေးဇူးပြုပုံ

အလောဘ၊ အဒေါသ ဟိတ်(၂)ပါးပြည့်စုံရင် တော်တော့်ကို နေရာကြပါတယ်။ အလောဘ အဒေါသ ဟိတ်(၂)ပါး ပြည့်စုံလို့ရှိရင် သတိပဋ္ဌာန် ဝိပဿနာတရားတွေ ပွားများအားထုတ်တဲ့အခါ ကာယာနုပဿနာ သတိပဋ္ဌာန်နှင့် ဝေဒနာ သတိပဋ္ဌာန်တရားတွေ ထင်ထင်ရှားရှား ပွားများလို့ ရနေတတ်ပါတယ်။ ပြည့်စုံတတ်ပါတယ်။

ပုရိမာနံ = ရှေ့၌ဖြစ်ကုန်သော၊ ဒွိန္နံ = နှစ်ပါးကုန်သော အလောဘ အဒေါသတို့၏ ၊ အာနုဘာဝေန = အစွမ်းအာနုဘော်ကြောင့်၊ ပုရိမာနိ = ရှေ့၌ ဖြစ်ကုန်သော၊ ဒွေ = နှစ်ပါးကုန်သော၊ သတိပဋ္ဌာနာနိ = ကာယာနုပဿနာသတိပဋ္ဌာန်၊ ဝေဒနာနုပဿနာသတိပဋ္ဌာန်တို့သည်၊ ဣဇ္ဈန္တိ = ပြည့်စုံကြကုန်၏။ ဣတိ = ဤသို့၊ အဋ္ဌကထာစရိယော = အဋ္ဌကထာဆရာသည်၊ သံဝဏ္ဏေတိ = ကောင်းစွာမသွေ ဖွင့်ပြတော်မူခဲ့ပါသတည်း...။
သာဓု ... သာဓု ... သာဓု ။

အလောဘဟိတ် အဒေါသဟိတ် နှစ်ပါးတို့တွင် အလောဘ = မလိုချင်၊ မတပ်မက်တဲ့သဘော။ အဒေါသ = မပြစ်မှား စိတ်မဆိုး အမျက်မထွက် တတ်တဲ့သဘော။ ဤသဘောများနှင့် ပြည့်စုံမယ်ဆိုရင် သတိပဋ္ဌာန်ဝိပဿနာ တရားပွားများတဲ့အခါ ကာယာနုပဿနာသတိပဋ္ဌာန်ကိုလည်း ထင်ထင်ရှားရှား တရားသဘောတွေ မြင်အောင် ပွားများနိုင်ပါလိမ့်မယ်။ ဝေဒနာနုပဿနာသတိပဋ္ဌာန်ကိုလည်း ထင်ထင်ရှားရှား တရားသဘောတွေ မြင်အောင် ပွားများနိုင်ပါလိမ့်မယ်။ ကောင်းပါတယ်။ တရားတွေမြင်အောင် ပွားများနိုင်ရင် နိဗ္ဗာန်ရောက်မှာ ဖြစ်တယ်။

အလောဘ အဒေါသရှိနေတဲ့ ပုဂ္ဂိုလ်တွေ အဲဒီ သတိပဋ္ဌာန်တရား(၂)ပါးကို အဓိကထားပြီးတော့ ပွားများဖို့ရာဖြစ်တယ်။ မိမိဟာ ကာယာနုပဿနာ သတိပဋ္ဌာန် ပွားများအားထုတ်လို့ရှိရင် ပိုပြီးတော့ ထင်ရှားတယ်။ ဝေဒနာ သတိပဋ္ဌာန် ပွားများအားထုတ်လို့ရှိရင် ပိုပြီးတော့ ထင်ရှားတယ် ဆိုလို့ရှိရင်တော့ မိမိတို့သန္တာန်မှာ ဘာဟိတ်တွေ ပြည့်စုံလို့ပါလဲ... အလောဘဟိတ်၊ အဒေါသဟိတ်နှစ်ပါးနဲ့ ပြည်စုံနေလို့ပါ။

ပစ္ဆိမဿ = နောက်ဆုံးဖြစ်သော အမောဟဟိတ်၏ ၊ အာနုဘာဝေန = အစွမ်းအာနုဘော်ကြောင့်၊ ပစ္ဆိမာနိ = နောက်၌ဖြစ်ကုန်သော၊ ဒွေ = နှစ်ပါးကုန်သော၊ သတိပဋ္ဌာနာနိ = စိတ္တာနုပဿနာ သတိပဋ္ဌာန်၊ ဓမ္မာနုပဿနာ သတိပဋ္ဌာန်တို့သည်၊ ဣဇ္ဈန္တိ = ပြည့်စုံကြကုန်၏ ၊ ဣတိ = ဤသို့၊ အဋ္ဌာကထာစရိယော = အဋ္ဌကထာဆရာသည်၊ သံဝဏ္ဏေတိ = ကောင်းစွာမသွေ ဖွင့်ပြတော်မူခဲ့ပါပေသတည်း။
သာဓု ... သာဓု ... သာဓု.။

အမောဟိတ်အစွမ်းကြောင့် စိတ္တာနုပဿနာ သတိပဋ္ဌာန်၊ ဓမ္မာနုပဿနာ သတိပဋ္ဌာန်တို့ ပြည့်စုံနိုင်ကြတယ်တဲ့။ အမောဟဓာတ်ခံ၊ ပညာဓာတ်ခံပါတဲ့ ပုဂ္ဂိုလ်များ စိတ္တာနုပဿနာ သတိပဋ္ဌာန် ပွားများလို့ အထူးပဲ ကောင်းနေတတ်ပါတယ်။ ဓမ္မာနုပဿနာ သတိပဋ္ဌာန် ပွားများလို့ အထူးပဲ ကောင်းနေတတ်ပါတယ်။ စိတ္တာနုပဿနာ သတိပဋ္ဌာန်၊ ဓမ္မာနုပဿနာ သတိပဋ္ဌာန် ပွားများလို့ အထူးပဲ ကောင်းနေရင် ဒီပုဂ္ဂိုလ်ဟာ အမောဟ = ပညာဉာဏ် အခြေခံပါလာတဲ့ ပုဂ္ဂိုလ်ဖြစ်တယ်လို့ ဆုံးဖြတ်လို့ ရပါတယ်။ ဟေတုပစ္စည်းကို အဋ္ဌကထာဆရာတွေ ဖွင့်ပြတာ နေရာကျပါတယ်။

(စာကြွင်း။ ။ ဓမ္မာနုပဿာနာ ရှုမှတ်ပုံအား ပခုက္ကူဆရာတော်ဘုရားကြီး ဥုးဣန္ဒောဘာသ နှင့် သစ္စာဒီပက ဆရာကြီးဦးကြည်တို့၏ သက်ဆိုင်ရာ တရားစာအုပ်များနှင့် အသံသွင်းတရားတော်များမှတဆင့် လေ့လာအားထုတ်နိုင်ကြပါတယ်။ တခြားဆရာကောင်းများလည်း ရှိပါသေးတယ်။)

လောဘ၊ မောဟ၊ ဒေါသဟိတ်တွေများနေတဲ့ ပုဂ္ဂိုလ်တွေ ဘယ်သတိပဋ္ဌာန်တရားမှ ပွားများလို့ နေရာကျမှာ မဟုတ်ဘူးဆိုတဲ့ အဓိပ္ပါယ်လည်း ကျတယ်။ လောဘ၊ ဒေါသ၊ မောဟဟိတ်တွေ ပယ်နိုင်သမျှပယ်၊ အလောဘ အဒေါသ အမောဟဟိတ်တွေ ဖြစ်နိုင်သမျှ ဖြစ်အောင် အခု ယောဂီတွေ ဒါနလည်း ပြုကြရ၊ သီလလည်း ဆောင့်တည်ကြရ၊ သမထတရား ဝိပဿနာတရားတွေလည်း စွမ်းနိုင်သမျှ အားထုတ်ကြရတာ ဖြစ်ပါတယ်။

ဒါနကလည်း အခိုက်အတန့်တော့ အနည်းငယ်တော့ ပယ်နိုင်ပါတာပါပဲ။ ဒါနပြုနေဆဲ အခိုက်အတန့်၊ ဆွမ်းခဲဖွယ်ဘောဇဉ်တွေ အာဟာရတွေ စီမံလှူဒါန်းနေတဲ့ အခိုက်အတန့်မှာ ဆွမ်းခဲဖွယ်ဘောဇဉ်တွေ အာဟာရတွေ စီမံပြီးတော့ လှူဒါန်းနေတဲ့ အလှူရှင်ရဲ့ သန္တာန်မှာ မလှူခင်ကတည်းက ဒီပစ္စည်းတွေ အပေါ်မှာ တပ်မက်တဲ့ လောဘကင်းပြီး အလောဘဖြစ်နေတယ်။

လှူနေဆဲခဏမှာ မိမိရဲ့အလှူကိုလာပြီး သုံးဆောင်မှီဝဲကြတဲ့ ပုဂ္ဂိုလ်တွေ ချမ်းချမ်းသာသာ မှီဝဲသုံးဆောင်နိုင်ကြပါစေဆိုတဲ့ အဒေါသ = မေတ္တာဓာတ် ပါနေပါတယ်။

ဒီလိုလှူဒါန်းလိုက်သဖြင့် နောင်ဖြစ်လေရာ ဘဝတိုင်းဘဝတိုင်းမှာ ပစ္စည်းဥစ္စာရတနာတွေ ပေါများကြွယ်ဝ ချမ်းသာပြီးတော့ ကိုယ်ပြုချင်တဲ့ ကောင်းမှုကို ဆက်ကာဆက်ကာပြုပြီး နိဗ္ဗာန်ချမ်းသာတိုင်အောင် အထောက်အပံ့ကောင်းတွေ ဖြစ်နိုင်တယ်ဆိုတဲ့ ယုံကြည်ခြင်း ရှေ့သွားရှိတဲ့ အသိဉာဏ် အမောဟတွေ ဖြစ်မနေဘူးလား .... ဖြစ်နေပါတယ်။

ဒါနပြုနေတဲ့ အခိုက်အတန့်မှာ ပစ္စည်းဥစ္စာတွေကို မတွယ်တာ၊ မတပ်မက်တဲ့ အလောဘ၊ ဒါနပြုနေတဲ့ အခိုက်အတန့်မှာ မိမိအလှူကို လာပြီး သုံးဆောင်မှီဝဲနေတဲ့ ပုဂ္ဂိုလ်တွေ ချမ်းချမ်းသာသာနဲ့ မှီဝဲသုံးဆောင်ပါစေဆိုတဲ့ အဒေါသ = မေတ္တာ၊ မိမိလှူထားတဲ့ အကျိုးတရားတွေ မုချ ခံစားရရှိနိုင်တယ်ဆိုတဲ့ ယုံကြည်ခြင်း ရှေ့သွားရှိတဲ့ အသိဉာဏ် = အမောဟတွေ မတိုးတက်ပါဘူးလား ... တိုးတက်ပါတယ်။

အလောဘ၊ အဒေါသ၊ အမောဟတွေဖြစ်လာတော့ လောဘ၊ ဒေါသ၊ မောဟတွေ အလိုလို ပျောက်သွားပါတယ်။ ပယ်ပြီးသား ဖြစ်သွားတယ်။ ဒါပေမယ့်လည်း အမြဲတမ်းတော့ အလှူဒါနတွေ မပြုလုပ်နိုင်ပါဘူး။ မလုပ်နိုင်ပေဘူး။ လုပ်နိုင်တဲ့အခါတော့ ကင်းကင်းသွားတယ်။ ဒါနတွေ ပြုနေရတာလည်း နေရာကျပါတယ်။ အမြဲတမ်းကင်းသွားဖို့ဆိုတာတော့ ဘယ်တရားအားထုတ်ရမလဲဆိုရင် သတိပဋ္ဌာန်ဝိပဿနာတရားတွေ အားထုတ်ရပါမယ်။

ဝိပဿနာတရား အားထုတ်မှ မှတ်ချက်တိုင်း မှတ်ချက်တိုင်းမှာ လောဘ ဒေါသ မောဟကင်းနေတယ်။ ဖောင်းတယ် ပိန်တယ် ထိုင်တယ် ထိတယ်၊ ကြွတယ် လှမ်းတယ် ချတယ် စသည်ဖြင့် မှတ်နေတဲ့ အခိုက်အတန့်မှာ လောဘလည်း ဖြစ်ခွင့်မရ၊ ဒေါသလည်း ဖြစ်ခွင့်မရ၊ မောဟလည်း ဖြစ်ခွင့်မရ။ ဖောင်းတယ် ပိန်တယ်ဟု မှတ်နေတဲ့အချိန်အခါ လိုချင်စရာတွေလည်း လိုချင်နေသေးတယ်လို့ စိတ်ဟာ တစ်ချိန်တည်းမှာ နှစ်ခုပြိုင်ပြီးတော့ ဖြစ်လို့မရပေဘူး။ မှတ်နေလို့ ရှိရင် အဲဒီလောဘ ဖြစ်ခွင့်မရဘူး။

(စာကြွင်း။ ။ ဆရာတော်မှ မဟာစည်နာယကဖြစ်သောကြောင့် ကျေးဇူးတော်ရှင် မဟာစည်ဆရာတော်ဘုရားကြီး၏ နိဿယဖြင့် ဖောင်းတယ်၊ ပိန်တယ်ဟု ဟောပေမယ့် သူတော်စင် ဓမ္မမိတ်ဆွေများအနေနဲ့ မိမိတို့ နှစ်သက်ရာ အားထုတ်နေတဲ့ နည်းဖြင့် အစားထိုး ရှုမှတ်ဆင်ခြင်ကြည့်ကြပါခင်ဗျာ။)

လိုချင်စရာတွေ မရလို့ စိတ်နှလုံးမသာမယာတွေ ဖြစ်နေတယ်လို့ ဒီလိုလည်း ဖြစ်ခွင့်မရဘူး။ အမှတ်ဖြစ်နေတော့ ဒေါသ ဒေါမနဿလည်း ဖြစ်ခွင့်မရဘူး။ တွေတွေဝေဝေလည်း မသိတော့ပေဘူး။ ဖောင်းတယ် ပိန်တယ်ဟု မှတ်နေတဲ့အခါ ဖောင်းတာက ရုပ်တရား၊ မှတ်သိနေတာက နာမ်တရားလို့ အမှန်အတိုင်း သိမနေဘူးလား ... သိနေပါတယ်။ မတွေမဝေသိနေတော့ အမောဟပဲ ဖြစ်တယ်။

လောဘ ဒေါသ မောဟတွေ မှတ်ချက်တိုင်း မှတ်ချက်တိုင်း မပယ်နေဘူးလား ... ပယ်နေပါတယ်။ အလောဘ အဒေါသ အမောဟတွေကို မှတ်ချက်တိုင်း မှတ်ချက်တိုင်း တိုးတက်စေတယ်။ ဝိပဿနာတရား ရှုမှတ်နေရင်တော့ ဟေတုပစ္စည်းထဲက မကောင်းတဲ့ ဟိတ်(၃)ပါးဖြစ်တဲ့ လောဘ ဒေါသ မောဟတွေကို ပယ်ပြီး၊ ကောင်းတဲ့ ဟိတ်(၃)ပါးဖြစ်တဲ့ အလောဘ အဒေါသ အမောဟတွေကို တိုးတက်ကြီးပွားစေပါတယ်။ ဝိပဿနာတရား ရှုမှတ်နေရတာ မှတ်ချက်တိုင်း မှတ်ချက်တိုင်း ကောင်းကျိုးတွေ ရနေပါတယ်။

အဋ္ဌကထာဆရာတွေ ဖွင့်ပြတာ သိပ်ပြည့်စုံပါတယ်။
အနိစ္စဒဿနေန အလောဘော ဟောတိ။
ဒုက္ခဒဿနေန အဒေါသော ဟောတိ။
အနတ္တဒဿနေန အမောဟော ဟောတိ။

အနိစ္စဒဿနေန = အနိစ္စကို မြင်ခြင်းဖြင့်၊ အလောဘော = အလောဘသည်၊ ဟောတိ = ဖြစ်၏ ။ ဒုက္ခဒဿနေန = ဒုက္ခကို မြင်ခြင်းဖြင့်၊ အဒေါသော = အဒေါသသည်၊ ဟောတိ = ဖြစ်၏ ။ အနတ္တဒဿနေန = အနတ္တကို မြင်ခြင်းဖြင့်၊ အမောဟော = အမောဟသည်၊ ဟောတိ = ဖြစ်၏ ။ ဣတိ = ဤသို့၊ အဋ္ဌကထာစရိယော = အဋ္ဌကထာဆရာသည်၊ သံဝဏ္ဏေတိ = ကောင်းစွာမသွေ ဖွင့်ပြတော်မူခဲ့ပါသတည်း။
သာဓု... သာဓု ... သာဓု ။

အနိစ္စဒဿနေန = အနိစ္စကို မြင်ခြင်းဖြင့်၊ အလောဘော = အလောဘသည်၊ ဟောတိ = ဖြစ်၏ ။ အနိစ္စကို မြင်အောင်ရှုနိုင်လို့ရှိရင်၊ အနိစ္စကို မြင်လို့ရှိရင် အလောဘဖြစ်လာတယ်။ မမြဲဘူးလို့ မြင်လို့ရှိရင် လိုချင်တော့ပါ့မလား .. မလိုချင်တော့ပါဘူး။ ဘာတစ်ခုမှ မြဲတာမဟုတ်ဘူး။ ကိုယ့်ခန္တာကိုယ်ထဲက တရားသဘောတွေ ဘာတစ်ခုမှ မမြဲဘူး။ ရုပ်တရားလည်း မမြဲဘူး၊ နာမ်တရားလည်း မမြဲဘူး။ ပစ္စည်းပစ္စယတွေလည်း မြဲတာမဟုတ်ဘူး။ ဒီလိုသိနေတော့ လောဘဖြစ်ပါတော့မလား .. မဖြစ်တော့ပါဘူး။ အလောဘဖြစ်တယ်။

ဒုက္ခဒဿနေန = ဒုက္ခကို မြင်ခြင်းဖြင့်၊ အဒေါသော = အဒေါသသည်၊ ဟောတိ = ဖြစ်၏ ။ ဒုက္ခတွေ မြင်နေတယ်။ ကုန်ပျက် ကုန်ပျက် နှိပ်စက်တာတွေကို ဒုက္ခထင်နေတော့ ဒေါသဟာလည်း မဖြစ်ချင်တော့ဘူး။ ဒေါသကြောင့် လူတွေဟာ ဒုက္ခဖြစ်နေကြပါတယ်။ သြော် ... ဒုက္ခဖြစ်ကြောင်း ဒေါသတွေ မဖြစ်ချင်တော့ဘူး။ ဒီမှာ ဒုက္ခမြင်နေတော့ ဒုက္ခထပ်ပြီး မဆင့်စေချင်တော့ဘူး။ ဒုက္ခမြင်တော့ ဒေါသတွေ ကင်းစင်နေတယ်။ ဝိပဿနာတရား အားထုတ်လို့ ဒုက္ခကောင်းကောင်းမြင်တဲ့ ပုဂ္ဂိုလ်တို့သည် ဒေါသတွေ ကင်းစင်ပြီး မေတ္တာဓာတ်တွေ တိုးပွားလာတတ်တယ်။ ဝိပဿနာတရား အားထုတ်ပြီးလို့ရှိရင် ပိုပြီး မေတ္တာဓာတ်တွေ များပြီးတော့ သူများတွေအပေါ်မှာ ချမ်းသာစေချင်တဲ့စိတ်တွေ မထင်ရှားဘူးလား... ထင်ရှားပါတယ်။ သိပ်ထင်ရှားတယ်။ အရင်တုံးက မတွေ့ချင်တဲ့ ပုဂ္ဂိုလ်တွေကို တွေ့ရသော်လည်း ဒေါသတွေ မဖြစ်တော့ပေဘူး။ အဒေါသ = မေတ္တာဓာတ်တွေ ဖြစ်ပေါ်လာတယ်။

ဟေတုအရ ကောင်းတဲ့ဟိတ်တရားတွေ ပစ္စည်းတရားတွေ ဖြစ်ပေါ်လာပါတယ်။ ဘာကြောင့် ဖြစ်ပေါ်လာတာလဲ ... ဒုက္ခမြင်အောင် ရှုနိုင်လို့ပါပဲ။ ဒုက္ခကို မြင်အောင်ကလည်း ဘယ်တရားကို ရှုရပါမလဲ ... ဝိပဿနာတရားကို ရှုမှ ဒုက္ခစစ်စစ်ကို မြင်နိုင်ပါတယ်။

အနတ္တဒဿနေန = အနတ္တကို မြင်ခြင်းဖြင့်၊ အမောဟော = အမောဟသည်၊ (ဝါ) မတွေမဝေခြင်းသည်၊ (ဝါ) ဉာဏ်ပညာသည်၊ ဟောတိ = ဖြစ်၏ ။ အနတ္တကို မြင်အောင် ရှုနိုင်လို့ရှိရင် အမှန်အတိုင်းသိတဲ့ အမောဟ ဖြစ်လာတယ်။ ဘယ်အရာကိုမှ ကိုယ်အစိုးရတာ မရှိဘူး။ ကိုယ့်ခန္တာထဲက ရုပ်တရား နာမ်တရားတွေလည်း ဒီလိုဖြစ်ပါ၊ ဟိုလိုဖြစ်ပါ ကောင်းတာချည်းပဲဖြစ်ပါ၊ မကောင်းတာမဖြစ်ပါစေနဲ့ ..လို့ ဒီလိုလည်းအစိုးရပါရဲ့လား.... အစိုးမရပါ။ ဘယ်ပုဂ္ဂိုလ်မှ ဘယ်အရာဝတ္ထုကိုမှ အစိုးရတာ မရှိဘူး။ အမှန်အတိုင်း သိပါတယ်။ အမှန်ကို သိတာ အမောဟဖြစ်တယ်။ အနတ္တကို မြင်လို့ရှိရင် အမောဟဟိတ် မိမိသန္တာန်မှာ တိုးတက်ကြီးပွားလာတယ်။ ဘယ်တရားကို ရှုလို့ပါလဲ ... သတိပဋ္ဌာန် ဝိပဿနာတရား ရှုလို့ပါ။

ဆက်ရန် .... ဟေတု ၁(င) သို့

အပြည့်အစုံသို့...

ဟေတုပစ္စည်း - ၁(ဂ)

ဟေတုပစ္စည်း - ၁(ဂ)

ဟေတုပစ္စည်းက ပစ္စုပ္ပန်ဘဝ ပစ္စုပ္ပန်ကာလမှာပင် ကျေးဇူးပြုပုံ

အမှာ။ ။ ဟေတုပစ္စည်းက ပစ္စုပ္ပန်ဘဝ ပစ္စုပ္ပန်ကာလမှာပင် ကျေးဇူးပြုတယ်။ နောင်ဘဝများမှာ ဖြစ်ခြင်းသည် အကျိုးဆက်မျှသာ ဖြစ်ပါတယ်။ ဟေတုပစ္စည်းက တိုက်ရိုက်ကျေးဇူးပြုတာ မဟုတ်ဘူးလို့ သိကြရပါတယ်။

ရောဂါသမသီတိ ရဟန္တာ = ရောဂါလည်းပျောက်၊ ရဟန္တာလည်းဖြစ်၊ ဒီလိုပုဂ္ဂိုလ်လည်း ရှိတယ်။ ဇီဝိတသမသီတိ ရဟန္တာ = ရဟန္တာလည်းဖြစ်၊ အသက်လည်းကုန်၊ မှတ်နေရင်း မှတ်နေရင်းနဲ့ အသက်လည်းကုန်သွားတော့ မောဟဖြင့် သေတာမဟုတ်၊ အမောဟဖြင့် (သေတာ) ပရိနိဗ္ဗာန်စံတာ ဖြစ်ပါတယ်။ ပညာဉာဏ်ဖြင့် (သေတဲ့) ပရိနိဗ္ဗာန်စံတဲ့အတွက်ကြောင့် ရဟန္တာအဖြစ်ဖြင့် (သေရတဲ့) ပရိနိဗ္ဗာန်စံရတဲ့အတွက်ကြောင့် နိဗ္ဗာန်ပြည် ရောက်သွားပါမယ်။

အမောဟနဲ့ သေဖို့ရာ ယောဂီများအတွက် အရေးကြီးဆုံးပါပဲ။ အမောဟနဲ့ သေနိုင်ရအောင် သတိပဋ္ဌာန် ဝိပဿနာတရား ရှုမှတ်နေရပါမယ်။ ရှုမှတ်နေရင်း အမောဟနဲ့ သေရတာ အကောင်းဆုံးပါပဲ။ မတွေမဝေသေရတော့ သောတာပန်ဆိုရင်လည်း မြင့်မြတ်တဲ့ ဘုံဘဝပဲရောက်မယ်။ သကဒါဂါမ်ဆိုရင်လည်း လူ့ပြည်၊ နတ်ပြည် (၆)ထပ်သို့ ရောက်မယ်။ အနာဂါမ်ဆိုရင်လည်း ဗြဟ္မာပြည်သို့ ရောက်မယ်။ ရဟန္တာဆိုရင်လည်း နိဗ္ဗာန်သို့ ရောက်သွားမှာပါပဲ။ အဋ္ဌကထာဆရာတွေ ဖွင့်ပြထားတာ အလွန်ပဲ နေရာကျပါတယ်။

လောဘ၊ ဒေါသ၊ မောဟတည်းဟူသော မကောင်းတဲ့ ဟိတ် (၃)ပါးက ကျေးဇူးပြုမယ်ဆိုလို့ရှိရင် တိရစ္ဆာန်တို့၊ ငရဲတို့၊ ပြိတ္တာသို့ ကျသွားနိုင်ပါတယ်။ ကောင်းတဲ့ဟိတ် (၃)ပါး အလောဘ၊ အဒေါသ၊ အမောဟတို့က ကျေးဇူးပြုရင် လူ့ပြည်၊ နတ်ပြည် (၆)ထပ်၊ ဗြဟ္မာပြည်၊ နိဗ္ဗာန်တိုင်အောင်ပဲ ရောက်ရှိသွားနိုင်ပါတယ်။

ဒီတော့ အလောဘ၊ အဒေါသ၊ အမောဟတရားတွေ များများဖြစ်အောင် ယောဂီများ အားထုတ်ဖို့ လိုအပ်ပါတယ်။ လူ့ပြည်ရောက်နေတဲ့ အခိုက်အတန့်ဖြစ်လို့ အားထုတ်နေကြရတာဖြစ်တယ်။ အခုယောဂီများကတော့ အမြဲတမ်းလိုပဲ အားထုတ်နေကြပါတယ်။ အလောဘ၊ အဒေါသ၊ အမောဟတွေဖြစ်အောင် အားထုတ်နေကြရတာဖြစ်တယ်။ အလွန်ဝမ်းမြောက်ဝမ်းသာ ဖြစ်စရာ ကောင်းပါတယ်။

အလောဘနှင့် လောဘတို့၏ အကျိုးအပြစ်များ

အဋ္ဌာကထာဆရာတွေက အများကြီးပဲ ဖွင့်ပြထားပါတယ်။ လောဘ၊ ဒေါသ၊ မောဟတွေရဲ့ အပြစ်တွေ၊ အလောဘ၊ အဒေါသ၊ အမောဟတွေရဲ့ အကျိုးတွေ ဟေတုပစ္စည်းရဲ့ အကျိုး အပြစ်တွေကို အဋ္ဌကထာဆရာတွေက ဖွင့်ပြတာ သိပ်ကောင်းပါတယ်။

အလောဘော အရောဂျဿ ပစ္စယော ဟောတိ။
အလောဘော = အလောဘသည်၊ အရောဂျဿ = ကျန်းမာခြင်း၏၊ ပစ္စယော = အကြောင်းသည်၊ ဟောတိ = ဖြစ်၏။

အဒေါသော ယောဗ္ဗနဿ ပစ္စယော ဟောတိ။
အဒေါသော = အဒေါသသည်၊ စိတ်မဆိုး အမျက်မထွက်တတ်ခြင်းသည်၊ ယောဗ္ဗနဿ = အရွယ်ကောင်းခြင်း၊ အရွယ်တင်ခြင်း၏၊ ပစ္စယော = အကြောင်းသည်၊ ဟောတိ = ဖြစ်၏။

အမောဟော ဒီဃာယုကတာယ ပစ္စယော ဟောတိ။
အမောဟော = အမောဟသည်၊ ဒီဃာယုကတာယ = အသက်ရှည်ခြင်း၏ ၊ ပစ္စယော = အကြောင်းသည်၊ ဟောတိ = ဖြစ်၏ ။ ဣတိ = ဤသို့၊ အဋ္ဌကထာစရိယော = အဋ္ဌကထာဆရာသည်၊ သံဝဏ္ဏေတိ = ကောင်းစွာမသွေ ဖွင့်ပြတော်မူခဲ့ပါပေသတည်း..။
သာဓု ... သာဓု .... သာဓု ။

အလောဘ မလိုချင် မတပ်မက်ခြင်းဟာ အရောဂျဿ = အနာရောဂါကင်းခြင်း၏ ၊ ပစ္စယော = အကြောင်းဖြစ်တယ်။ လောဘနည်းတဲ့ ပုဂ္ဂိုလ်တွေ အရာရာမှာ စားတဲ့သောက်တဲ့ နေရာမှာပဲဖြစ်ဖြစ်၊ ကိုယ်အမူအရာ နှုတ်အမူအရာတွေ ပြုလုပ်မည့်အရာတွေမှာဖြစ်ဖြစ် လောဘနည်းတဲ့ ပုဂ္ဂိုလ်ဆိုတော့ အတိုင်းအတာနဲ့ မှီဝဲသုံးဆောင်တတ်တယ်။ မျှတရုံပဲ မှီဝဲသုံးဆောင်တတ်တယ်။ ဒီတော့ ကျန်းမာပါတယ်။

ပြောင်းပြန်အားဖြင့် လောဘကြီးတဲ့ ပုဂ္ဂိုလ်တွေ စားတဲ့အခါမှာလည်းပဲ သူကြိုက်တဲ့ အစာတွေနဲ့ တွေ့ရင် အလွန်အကျွံ စားတတ်တယ်။ လောဘကြီးတဲ့ ပုဂ္ဂိုလ်တွေဟာ အစားလည်းကြီးတယ်။ အစားကြီးပြီး အလွန်အကျွံစားတော့ အစာမကြေရောဂါတွေ ဖြစ်ကြရတယ်။

အလောဘဟာ ကျန်းမာခြင်းရဲ့ အကြောင်းဖြစ်တယ်။ လောဘက မကျန်းမာခြင်းရဲ့ အကြောင်းဖြစ်တယ်။ သတိထားသင့်ပါတယ်။

လောဘကြီးတဲ့ ပုဂ္ဂိုလ်တွေမှာ မကျန်းမမာ ဖြစ်လာတတ်တယ်။ ဟိုဟာလည်း လိုချင်၊ ဒီဟာလည်း လိုချင်၊ ဟိုဟာလည်းရချင်၊ ဒီဟာလည်းရချင်။ လောဘကြီးတော့ နေရာဒေသမရွေး၊ အချိန်ကာလမရွေး၊ အစားအသောက်မရွေး ပြုလုပ်စားသောက်တော့ မကျန်းမာတော့ပါဘူး။ လောဘနည်းတဲ့ ပုဂ္ဂိုလ်ကတော့ အချိန်ကာလကို ကြည့်ပြီးတော့ ရသင့်တာမှပဲ ယူတော့မယ်။ မရသင့်တာ မယူတော့ဘူး။ စားသင့်တာမှပဲ စားမယ်။ မစားသင့်တာ မစားတော့ပေဘူး။ လောဘနည်းနေတော့ အတိုင်းအရှည် ပမာဏကိုသိပြီး မှီဝဲသုံးဆောင်တတ်တော့ ကျန်းမာခြင်းရဲ့ အကြောင်းဖြစ်တယ်။

ကျန်းမာတာဟာလည်း ယောဂီများအတွက် အကောင်းဆုံး လာဘ်တစ်ခုပဲ။ "အာရောဂျာ ပရမာ လာဘာ" အရောဂျာ = ကျန်းမာခြင်းသည်၊ ပရမာ = မြတ်သော၊ လာဘာ = လာဘ်ကြီးတစ်ခုပင်တည်း။ ကျန်းမာနေတာ အကောင်းဆုံး အမြတ်ဆုံး လာဘ်ပဲဖြစ်တယ်။ ယောဂီများ မကြာခဏ နာကြားဘူးပါတယ်။ ကျန်းမာမှ လောကရေးရာတွေလည်း ဆောင်ရွက်နိုင် အားထုတ်နိုင်ပါတယ်။ ကျန်းမာတဲ့ ပုဂ္ဂိုလ် လောကရေးရာ စီးပွားရေး ကြီးပွားရေးတွေလည်း ထိုက်သည့်အားလျော်စွာ မိမိကိုယ်အား ဉာဏ်အားနှင့်အမျှ ဆောင်ရွက်နိုင်ပါတယ်။ လောကုတ္တရာရေးရာဘက်က၊ ဓမ္မရေးရာဘက်ကလည်း ကျန်းမာတဲ့ ပုဂ္ဂိုလ်မှ မိမိရဲ့ တရားဓမ္မကို ကြိုးကြိုးစားစား အားထုတ်နိုင်တယ်။ အကျန်းမာရင်တော့ အားမှ မထုတ်နိုင်တော့ပါဘူး။

ဆောင်ပုဒ်။ ။ ယုံကြည်ကျမ်းမာ၊ ဖြောင့်စွာစိတ်ထား၊ ကြိုးစားတွင်တွင်၊ ဖြစ်ပျက်မြင်၊ ငါးအင်တရားရကြောင်းတည်း။

တရားရကြောင်း အင်္ဂါငါးပါးတို့တွင် ယုံကြည်တာက နံပါတ်(၁)။ ကျန်းမာတာက နံပါတ်(၂)ဖြစ်တယ်။ ကျန်းမာတာက နံပါတ်(၂)ကနေပြီးတော့ တရားရဖို့ ကျေးဇူးပြုနေပါတယ်။ ဒါကြောင့် အလောဘ မိမိတို့ သန္တာန်မှာ ရှိနေဘို့ ကောင်းပါတယ်။ လောဘနည်းနိုင်သမျှ နည်းအောင် အားထုတ်ရပါတယ်။ ဟေတုပစ္စည်းတွေထဲက အလောဘဆိုရင် ပြည့်စုံလာဖို့၊ လောဘဆိုရင် ပယ်နိုင်ဖို့ အားထုတ်ကြရပါတယ်။

အဒေါသက အရွယ်နှင့်ပြည့်စုံခြင်းရဲ့ အကြောင်း၊ အရွယ်တင်ခြင်းရဲ့အကြောင်းဖြစ်တယ်။ အဒေါသက အရွယ်တင်ခြင်းရဲ့အကြောင်းဆိုတော့ ဒေါသက အရွယ်အိုလွယ်ခြင်းရဲ့အကြောင်းဖြစ်တယ်။ ဒေါသကြီးတဲ့ ပုဂ္ဂိုလ် ဒေါသမီးက လောင်တော့ အိုလွယ်ပါတယ်။ ဒေါသကြီးတော့ ခန္တာကိုယ်မှ စိတ္တဇရုပ်တွေကို စပြီးလောင်ပါတယ်။ ဒေါသကြီးတဲ့ပုဂ္ဂိုလ် ဆံပင်တွေ မြန်မြန်ဖြူတတ်တယ်။ နားထိုင်း၊ ခါးကိုင်း မြန်မြန်ဖြစ်လာတတ်တယ်။ သွားတွေလည်း မြန်မြန် ကျိုးလာတတ်တယ်။ ဒေါသကြီးတဲ့ပုဂ္ဂိုလ် အရွယ်အိုလွယ်ခြင်းရဲ့ အကြောင်းဖြစ်တယ်။ အဒေါသ မေတ္တာများတဲ့ ပုဂ္ဂိုလ်ကတော့ အရွယ်တင်ခြင်းရဲ့ အကြောင်းဖြစ်တယ်။ ဟေတုပစ္စည်းက ကျေးဇူးပြုပုံ အဋ္ဌကထာဆရာတွေ ဖွင့်ပြပြတယ်။

အမောဟကတော့ အသက်ရှည်ခြင်းရဲ့ အကြောင်းဖြစ်တယ်။ ဉာဏ်ပညာရှိတော့ သင့်တာတွေကို ပြုလုပ်ဆောင်ရွက်ပြီး မသင့်တာတွေကို ရှောင်ကြဉ်တော့ အသက်ရှည်ပါတယ်။ မောဟကတော့ အသက်တိုကြောင်းပဲ ဖြစ်တယ်။ တွေတွေဝေဝေ ဘာမှ ကောင်းတာ ဆိုးတာ မသိဘူး၊ ကိုယ်နဲ့ တည့်လား၊ မတည့်လား၊ ကိုယ်နဲ့သင့်လား၊ မသင့်လား၊ မသိဘဲနှင့် မှီဝဲတယ်၊ သုံးဆောင်တယ်၊ ပြုလုပ်တယ်ဆိုရင် အသက်တိုသွားနိုင်ပါတယ်။

ဟေတုပစ္စည်းက ယောဂီများရဲ့ သန္တာန်မှာ အမြဲကျေးဇူးပြုနေပါတယ်။ အကြောင်းတရားတွေနဲ့ ကောင်းတာဖြစ်ဖို့၊ အကြောင်းတရားတွေနဲ့ ဆိုးတာဖြစ်ဖို့၊ အကြောင်းတရား (၂)မျိုးဟာ ရှိနေကြတာပါပဲ။ ရဟန္တာပုဂ္ဂိုလ် မဖြစ်သေးသမျှ ကာလပတ်လုံး ရှိနေကြပါတယ်။ ရှိနေတော့ အထူးသတိထားသင့်ပါတယ်။

အလောဘော ဘောဂသမ္ပတ္တိယာ ပစ္စယော ဟောတိ။
အလောဘော = မလိုချင် မတပ်မက်ခြင်းသည်၊ ဘောဂသမ္ပတ္တိယာ = စည်းစိမ်ဥစ္စာနှင့် ပြည့်စုံခြင်း၏ ၊ ပစ္စယော = အကြောင်းသည်၊ ဟောတိ = ဖြစ်၏ ။

အဒေါသော မိတ္တသမ္ပတ္တိယာ ပစ္စယော ဟောတိ။
အဒေါသော = အမျက်မထွက် ဒေါသမထွက်ခြင်း မပြစ်မှားတတ်သော မေတ္တာသည်၊ မိတ္တသမ္ပတ္တိယာ = မိတ်ဆွေနှင့် ပြည့်စုံခြင်း၏ ၊ ပစ္စယော = အကြောင်းသည်၊ ဟောတိ = ဖြစ်၏ ။

အမောဟော အတ္တသမ္ပတ္တိယာ ပစ္စယော ဟောတိ။
အမောဟော = အမောဟသည်၊ အတ္တသမ္ပတ္တိယာ = မိမိကိုယ်ကို ပြည့်စုံစေခြင်း၏ ၊ ပစ္စယော = အကြောင်းသည်၊ ဟောတိ = ဖြစ်၏ ။ ဣတိ = ဤသို့၊ အဋ္ဌကထာစရိယော = အဋ္ဌကထာဆရာသည်၊ သံဝဏ္ဏေတိ = ကောင်းစွာမသွေ ဖွင့်ပြတော်မူခဲ့ပါသတည်း။
သာဓု ... သာဓု ... သာဓု ။

ယောဂီများရဲ့သန္တာန်မှာ ရှိနေတဲ့ ဟေတုပစ္စည်းထဲက အလောဘ = မလိုချင် မတပ်မက်ခြင်းသည် စည်းစိမ်ဥစ္စာ ရတနာနှင့် ပြည့်စုံခြင်းရဲ့အကြောင်းဖြစ်တယ်။ မလိုချင် မတပ်မက်တဲ့ ပုဂ္ဂိုလ်တွေမှာ စည်းစိမ်ဥစ္စာ ရတနာတွေ ပြည့်စုံပေါများတတ်ပါတယ်။ မလိုချင်တော့ လှူပါတယ်။ လှူတော့ ပစ္စည်းဥစ္စာတွေ ပေါများလာတာပါပဲ။ ဒီဘဝမှာလည်း ပေါများတယ်။ နောင်နောင်ဘဝတွေမှာလည်း မုချပေါများတယ်။

အလောဘက စည်းစိမ်ဥစ္စာ ရတနာတွေ ပေါများခြင်းရဲ့အကြောင်းဆိုတော့ လောဘက ရှားပါးခြင်းရဲ့ အကြောင်းဖြစ်တယ်။ လောဘသိပ်ကြီးရင် ဒီဘဝ မလှူနိုင် မတန်းနိုင်၊ မပေးနိုင်တော့ဘူး။ လောဘ သိပ်ကြီးရင် ဒီဘဝမှာလည်း ရှားပါးတတ်တယ်။ နောင်နောင်ဘဝတွေတော့ ရှားပါးတာ ပိုပြီး ထင်ရှားတယ်။

အဒေါသနှင့် ဒေါသတို့၏ အကျိုးအပြစ်များ

အဒေါသ = မေတ္တာက မိတ်ဆွေကောင်းတွေနှင့် ပြည့်စုံခြင်းရဲ့ အကြောင်းဖြစ်တယ်။ အဒေါသက မိတ်ဆွေသင်္ဂဟနှင့် ပြည့်စုံခြင်းရဲ့ အကြောင်းဆိုတော့ ဒေါသက မိတ်ပျက်ခြင်းရဲ့ အကြောင်းဖြစ်တယ်။ ဒေါသကြီးတဲ့ ပုဂ္ဂိုလ်တွေ မကြာခဏ မိတ်ဆွေတွေ ပျက်တတ်တယ်။ သည်းမှ မခံတော့ဘဲကိုး။ ဆတ်ဆတ်ကလေးမှ အထိမခံဘူး။ ဒီတော့ မိတ်ဆွေတွေ ပျက်ကုန်ပါတယ်။ သည်းမခံနိုင်တာနဲ့ ဒေါသနဲ့က မိတ်ဖက်ဖြစ်တယ်။ ဒေါသကြီးတော့ သည်းမခံနိုင်၊ သည်းမခံနိုင်တော့ ဒေါသကြီးတယ်။ ဒေါသကြီးတဲ့ ပုဂ္ဂိုလ် သူတစ်ပါးတွေ မခင်နိုင်တော့ပါဘူး။ ဘာမှမဟုတ်တဲ့ အကြောင်းလေးနဲ့လည်း စိတ်ဆိုးအမျက်ထွက်တယ်။ ဒီလိုဖြစ်နေတဲ့ ပုဂ္ဂိုလ်ကို ဘယ်သူမှ မခင်တော့ပေဘူး။ ဒေါသက မိတ်ဆွေပျက်ကြောင်းဖြစ်တယ်။

အဒေါသ = မေတ္တာကတော့ မိတ်ဆွေတွေ ပေါများခြင်းရဲ့ အကြောင်းဖြစ်တယ်။ သူတစ်ပါးကို ချမ်းသာစေချင်တဲ့ ပုဂ္ဂိုလ်သည် သည်းလည်းသည်းခံတတ်တယ်။ အဒေါသနှင့် မေတ္တာကတော့ မိတ်ဖက်ပဲ။ သည်းခံတတ်လို့ရှိရင် အဒေါသ = မေတ္တာတွေ များလို့ပဲ ဖြစ်တယ်။ သည်းမခံတတ်လို့ရှိရင် ဒေါသတွေ များလို့ပဲဖြစ်တယ်။ အရာရာမှာ သည်းခံတတ်တော့ မိတ်ဆွေသင်္ဂဟတွေ ပေါများပါတယ်။ အဋ္ဌကထာဆရာတွေ ဖွင့်ပြတာ သိပ်သဘာဝကျပါတယ်။

အဋ္ဌကထာဆရာတွေဆိုတာ မြတ်စွာဘုရားရဲ့ အလိုတော်ကို သိတော်မူကြတဲ့ ပုဂ္ဂိုလ်တွေ ဖြစ်တယ်။ မြတ်စွာဘုရားရဲ့ ပါဠိတော်စကားတွေကို ယူယူပြီး ဖွင့်ပြတဲ့ အဋ္ဌကထာဆရာတွေရဲ့ စကားဟာ မြတ်စွာဘုရားရဲ့ စကားနဲ့ အလားတူပါပဲ။

အဋ္ဌကထာဆရာတွေရဲ့ စကားကို လိုက်နာသင့်ပါတယ်။ မိတ်ဆွေသင်္ဂဟတွေနဲ့ ချမ်းချမ်းသာသာ နေချင်တယ်ဆိုရင် ကိုယ့်သန္တာန်မှာ ဘယ်တရားရှိအောင် အားထုတ်ရပါမလဲ ... အဒေါသ = မေတ္တာရှိအောင် အားထုတ်ရပါမယ်။ အဒေါသ = မေတ္တာများများထားရမယ်။ မေတ္တာများများ ထားပြီးနေရမယ်။ ကြီးပွားကြောင်း ဖြစ်ပါတယ်။ မေတ္တာဓာတ်များတဲ့ ပုဂ္ဂိုလ်တွေနဲ့ အတူတကွ နေကြရတဲ့ ပုဂ္ဂိုလ်တွေမှာ ကိုယ်ချမ်းသာ စိတ်ချမ်းသာနဲ့ နေကြရပါတယ်။ မိတ်ဆွေသင်္ဂဟတွေကလည်း ပေါများလို့ ချမ်းသာပါတယ်။ ဟေတုပစ္စည်းက ကျေးဇူးပြုတာဖြစ်တယ်။

အမောဟနှင့် မောဟတို့၏ အကျိုးအပြစ်များ

အမောဟော အတ္တသမ္ပတ္တိယာ ပစ္စယော ဟောတိ။
အမောဟော = အမောဟသည်၊ အတ္တသမ္ပတ္တိယာ = မိမိကိုယ်ကို ပြည့်စုံစေခြင်း၏ ၊ ပစ္စယော = အကြောင်းသည်၊ ဟောတိ = ဖြစ်၏ ။ အမောဟ မတွေဝေတတ်တဲ့ပုဂ္ဂိုလ်သည် ကောင်းတာနဲ့ ဆိုးတာ၊ သင့်တာနဲ့ မသင့်တာ ခွဲခြားသိ၍ နေတတ်တော့ မိမိကိုယ်မှာ ပြည့်စုံပါတယ်။ အဖက်ဖက်က ပြည့်စုံနေတတ်တယ်။ အမောဟက ပြည့်စုံခြင်းရဲ့အကြောင်းဖြစ်တယ်။

အမောဟက ပြည့်စုံခြင်းရဲ့အကြောင်းဆိုတော့ မောဟက မပြည့်စုံခြင်းရဲ့ အကြောင်း၊ ဆုတ်ယုတ်ခြင်းရဲ့အကြောင်းဖြစ်တယ်။ ကောင်းတာ၊ ဆိုးတာ မခွဲခြားနိုင်ဘူး။ သင့်တာ မသင့်တာကိုလည်း မခွဲခြားနိုင်ဘူး။ တော်တာ မတော်တာကိုလည်း မခွဲခြားနိုင်တော့ ဆုတ်ယုတ်သွားပါတယ်။ "မရှိတာထက် မသိတာခက်" ဟုဆိုတာ မောဟကို ပြောတာဖြစ်တယ်။ အဝိဇ္ဇာလို့လည်း ခေါ်တယ်။ မောဟလို့လည်း ခေါ်တယ်။ အဝိဇ္ဇာဆိုတာ အမှောင်ကျနေတာပဲ။ အလင်းမရှိဘူး။ ကောင်းတာ ဆိုးတာ မခွဲတတ်ဘူး။ သင့်တာ မသင့်တာ မခွဲတတ်ဘူး။ အကျိုးရှိတာ မရှိတာ မခွဲတတ်ဘူး ဆိုတော့ ဆုတ်ယုတ်သွားပါတယ်။ အဋ္ဌကထာဆရာတွေ ဖွင့်ပြတာ အလွန်ပဲ သဘာဝကျပါတယ်။

အဋ္ဌာကထာဆရာတွေက နောက်ထပ်လည်း အများကြီး ဖွင့်ပြကြပါတယ်။ အလောဘက ကာမသုခလ္လိကာနုယောဂကို ရှောင်ကြဉ်နိုင်ခြင်းရဲ့ အကြောင်းဖြစ်တယ်။ အလောဘရှိတဲ့ ပုဂ္ဂိုလ်သည် ကာမသုခလ္လိကာနုယာဂအကျင့်ကို ရှောင်ကြဉ်နိုင်တယ်။

အဒေါသက အတ္တကိလမထအကျင့်ကို ရှောင်ကြဉ်နိုင်ခြင်းရဲ့ အကြောင်းဖြစ်တယ်။ အတ္တကိလမထဆိုတာ ကိုယ်ပင်ပန်း စိတ်ပင်ပန်းတဲ့အကျင့်ဆိုတာ ဒေါသဦဆောင်တယ်။ အဒေါသ အရင်းခံ ရှိရင်တော့ ရှောင်ကြဉ်နိုင်ပါတယ်။

အမောဟကတော့ မဇ္ဈိမပဋိပဒါအကျင့်ကို ကျင့်နိုင်ခြင်းရဲ့ အကြောင်းဖြစ်တယ်။ ဟေတုပစ္စည်းတွေထဲက တရားတွေကောင်းပါတယ်။ အလောဘရှိရင် ကာမသုခလ္လိကာနုယောဂ = ကာမဂုဏ်ချမ်းသာကို ခံစားသော အကျင့်ကို မကျင့်တော့ဘူး။ အဒေါသရှိရင် အတ္တကိလမထ = ကိုယ်ပင်ပန်းအောင် ကျင့်သောအကျင့်ကို မကျင့်တော့ဘူး။ အမောဟရှိရင်တော့ မဇ္ဈိမပဋိပဒါအကျင့်ကို ကျင့်နိုင်ဖို့ရာ ဖြစ်တယ်။ ဒီတော့ လောဘကြီးလို့ လောဘရှိနေရင် ကာမသုခလ္လိကာနုယောဂ အကျင့်တွေ မှီဝနေတတ်တယ်။ ကျင့်နေတတ်တယ်။ ဒေါသရှိရင် အတ္တကိလမထအကျင့်တွေလည်း ကျင့်နေတတ်တယ်။ မောဟရှိနေလို့ရှိရင် တွေတွေဝေဝေဖြစ်နေလို့ ဘာအကျင့်မှ ဟုတ်တိပတ်တိ ကျင့်နိုင်တော့မှာ မဟုတ်တော့ဘူးတဲ့။ အဋ္ဌကထာဆရာတွေ ဖွင့်ပြပါတယ်။

လောဘ၊ ဒေါသ၊ မောဟတွေက ပုဂ္ဂိုလ်သတ္တဝါတွေကို အမြဲတမ်းပဲ ဒုက္ခပေးနေတာပါပဲ။ လောဘ၊ ဒေါသ၊ မောဟတွေ ရှိနေလို့ရှိရင် ချမ်းသာခွင့် မရကြဘူး။ တော်တော်လေး အထက်တန်း ရောက်သွားတာတောင်မှ လောဘရှိနေသေးရင် ဒီလောဘက ဒုက္ခပေးသေးတာပါပဲ။ လောကီဈာန် သမာပတ်တွေ ရထားတာတောင်မှ လောဘရှိနေသေးတယ်။ အဲဒီ လောကီဈာန်သမာပတ်ရတဲ့ ပုဂ္ဂိုလ်တွေတောင်မှ လောဘရဲ့ ကျေးဇူးပြုတာကို ခံရလို့ ဒုက္ခတွေ ဖြစ်ကြတယ်။

ဆက်ရန် ..... ဟေတု ၁(ဃ)သို့

အပြည့်အစုံသို့...

ဟေတုပစ္စည်း - ၁(ခ)

ဟေတုပစ္စည်း - ၁(ခ)

ဟိတ် (၆)ပါး အဓိပ္ပါယ်

လောဘဟိတ် - ဆိုတာ လိုချင်တာ၊ တပ်မက်တတ်တာ။
ဒေါသဟိတ် - ဆိုတာ အမျက်ထွက်တာ၊ စိတ်ဆိုးတတ်တာ၊ ပြစ်မှားတတ်တာ။
မောဟဟိတ် - ဆိုတာ တွေတွေဝေဝေသိတာ၊ အမှားကိုသိတာ။
အလောဘဟိတ် - ဆိုတာ မလိုချင်တတ်တာ၊ မတပ်မက်တတ်တာ။
အဒေါသဟိတ် - ဆိုတာ မပြစ်မှားတတ်တာ၊ ချမ်းသာစေတတ်တာ။
အမောဟဟိတ် - ဆိုတာ မတွေမဝေသိတာ၊ အမှန်ကို သိတာ။

ဤဟိတ် (၆)ပါးလုံးဟာ ယောဂီတွေရဲ့ သန္တာန်မှာ ရှိနေကြတယ်။ ကောင်းတဲ့ဟိတ်၊ မကောင်းတဲ့ဟိတ်တို့သည် သူတို့အချင်းချင်း အပြိုင်ပဲဖြစ်ကြတယ်။ လောဘ၊ ဒေါသ၊ မောဟတွေ ရှိနေလို့ရှိရင် အလောဘ၊ အဒေါသ၊ အမောဟတွေ ဖြစ်ခွင့်မရတော့ပါဘူး။ အလောဘ၊ အဒေါသ၊ အမောဟတွေ ရှိနေလို့ရှိရင်လည်း လောဘ၊ ဒေါသ၊ မောဟတွေ ဖြစ်ခွင့်မရတော့ပါဘူး။ ဤကဲ့သို့ အပြိုင်ဖြစ်ကြပါတယ်။လောဘ၊ ဒေါသ၊ မောဟတွေ မဖြစ်ရအောင် လောဘ၊ ဒေါသ၊ မောဟတွေရဲ့ အပြစ်တွေကိုလည်း သိထားကြရပါမယ်။ အပြစ်တွေကိုသိမှ မဖြစ်အောင် ကာကွယ်လို့ရကြပါတယ်။ အလောဘ၊ အဒေါသ၊ အမောဟတို့ရဲ့ အကျိုးတရားတွေသိထားမှ အလောဘ၊ အဒေါသ၊ အမောဟတရားတွေ မိမိတို့သန္တာန်မှာ ပြည့်စုံသမျှပြည့်စုံအောင် အားထုတ်နိုင်ကြပါတယ်။ လောဘ၊ ဒေါသ၊ မောဟတရားတွေ၏ အပြစ်တွေကို သိထားသင့်ပါတယ်။ အလောဘ၊ အမောဟတရားတွေရဲ့အကျိုးတရားတွေကိုလည်း သိထားသင့်ပါတယ်။

အကုသိုလ်ဟိတ် (၃)ပါးက အကုသိုလ်တွေဖြစ်အောင် ကျေးဇူးပြုပုံ

လောဘ၊ ဒေါသ၊ မောဟတွေက ယောဂီများရဲ့သန္တာန်မှာ အကုသိုလ်တွေဖြစ်အောင် ကျေးဇူးပြုကြတယ်။
  • ပါဏာတိပါတ = သူ့အသက်သတ်နိုင်ရအောင်လည်း ကျေးဇူးပြုတယ်။
  • အဒိန္နဒါန = သူ့ဥစ္စာခိုးရအောင်လည်း ကျေးဇူးပြုတယ်။
  • ကါမေသု မိစ္ဆာစာရ = သူတစ်ပါး သားမယားတွေ ဖျက်ဆီးနိုင်ရအောင်လည်း ကျေးဇူးပြုတယ်။
  • မုသာဝါဒ = လိမ်ညာပြောနိုင်ရအောင်လည်း ကျေးဇူးပြုတယ်။
  • ပိသုဏဝါစာ = ကုန်းတိုက်နိုင်ရအောင်လည်း ကျေးဇူးပြုတယ်။
  • ဖရုသဝါစာ = ကြမ်းတမ်းစွာ ဆဲဆို ကြိမ်းမောင်းနိုင်ရအောင်လည်း ကျေးဇူးပြုတယ်။
  • သမ္ဖပ္ပလာပ = သိမ်ဖျင်းတဲ့ စကားတွေ ပြောဖြစ်နိုင်ရအောင်လည်း ကျေးဇူးပြုတယ်။
  • အဘိဇ္ဈာ = သူတစ်ပါး စည်းစိမ်ကို မတရားသောနည်းဖြင့် ယူဖို့ရာ ကြံစည်ဖြစ်အောင်လည်း ကျေးဇူးပြုတယ်။
  • ဗျာပါဒ = သူတစ်ပါး သေကြေပျက်စီးအောင် ကြံစည်တဲ့ ဗျာပါဒ ဖြစ်အောင်လည်း ကျေးဇူးပြုတယ်။
  • မိစ္ဆာဒိဋ္ဌိ = အယူလွဲ၊ အယူမှားတွေ ဖြစ်နိုင်ရအောင်လည်း ကျေးဇူးပြုတယ်။
ဤကဲ့သို့ အဲဒီဟိတ်တွေ မိမိတို့ရဲ့သန္တာန်မှာ မဖြစ်ရအောင် ထိုဟိတ်တို့ရဲ့ အပြစ်တွေကို ကြိုတင်သိထားကြရပါမယ်။

ကုသိုလ်ဟိတ် (၃)ပါးက ကုသိုလ်တွေဖြစ်အောင် ကျေးဇူးပြုပုံ

အလောဘ၊ အဒေါသ၊ အမောဟတွေကတော့ မိမိတို့ရဲ့သန္တာန်မှာ ကုသိုလ်တွေဖြစ်အောင် ကျေးဇူးပြုကြတယ်။
  • သူ့အသက်မသတ်နိုင်ရအောင်၊
  • သူ့ဥစ္စာ မခိုးနိုင်ရအောင်၊
  • သူ့တစ်ပါး သားမယား မဖျက်ဆီးနိုင်ရအောင်၊
  • လိမ်ညာ မပြောနိုင်ရအောင်၊
  • ကုန်းမတိုက်နိုင်ရအောင်၊
  • ကြမ်းတမ်းစွာ မပြောနိုင်ရအောင်၊
  • ပြိန်ဖျင်းတဲ့ စကားတွေ မပြောနိုင်ရအောင်၊
  • သူတစ်ပါးရဲ့စည်းစိမ်တွေကို ကိုယ့်စည်းစိမ်ဥစ္စာဖြစ်အောင် မကြံစည်နိုင်ရအောင်၊
  • သူတစ်ပါးတွေ ဆင်းရဲကြောင်း ပျက်ဆီးကြောင်း မကြံစည်နိုင်ရအောင်၊
  • အယူလွဲ၊ အယူမှားတွေ မရှိရအောင် ... အလောဘ၊ အဒေါသ၊ အမောဟဆိုတဲ့ ဟိတ် (၃)ပါးက ကျေးဇူးပြုတယ်။
အလောဘ၊ အဒေါသ၊ အမောဟတွေရဲ့ အကျိုးတရားတွေကို အဋ္ဌကထာဆရာတွေ ဖွင့်ပြထားပါတယ်။

အလောဘော ဒါနဟေတု။
အလောဘော = မလိုချင်တဲ့ အလောဘသည်၊ ဒါနဟေတု = ဒါန၏ အကြောင်းတည်း၊ (ဝါ) ဒါနနှင့် ပြည့်စုံခြင်း၏ အကြောင်းသည်၊ ဟောတိ = ဖြစ်၏။

အဒေါသော သီလဟေတု။
အဒေါသော = အဒေါသသည်၊ သီလဟေတု = သီလနှင့် ပြည့်စုံခြင်း၏ အကြောင်းသည်၊ ဟောတိ = ဖြစ်၏။

အမောဟော ဘာဝနာဟေတု။
အမောဟော = အမောဟသည်၊ ဘာဝနာဟေတု = ဘာဝနာနှင့် ပြည့်စုံခြင်း၏ အကြောင်းသည်၊ ဟောတိ = ဖြစ်၏။ ဣတိ = ဤသို့၊ အဋ္ဌကထာစရိယော = အဋ္ဌကထာဆရာသည်၊ သံသဏ္ဏေတိ = ကောင်းစွာမသွေ ဖွင့်ပြတော်မူခဲ့ပါပေသတည်း...။

သာဓု ... သာဓု ..... သာဓု ။

ယောဂီများရဲ့သန္တာန်မှာ အလောဘဖြစ်နေပြီဆိုလို့ရှိရင် ဒါနနှင့် ပြည့်စုံတော့မယ်။ မလိုချင် မတပ်မက်တော့ အလှူတွေ ပြုကြပါတယ်။ အလောဘက ဒါနဖြစ်ခြင်းရဲ့ အကြောင်း၊ ဒါနပြည့်စုံဖို့ရာ အကြောင်းဖြစ်တယ်။ အလောဘက ဒါနပြည့်စုံခြင်းရဲ့ အကြောင်းဆိုတော့ လောဘက မစ္ဆရိယ - ဝန်တိုနှမြောတဲ့ မလှူဒါန်းနိုင်ခြင်းရဲ့ အကြောင်းဖြစ်တယ်။ မလှူဒါန်းနိုင်အောင်ဘဲ လောဘက ကျေးဇူးပြုတယ်။ လှူဒါန်းနိုင်အောင် အလောဘက ကျေးဇူးပြုပါတယ်။

အဒေါသက သီလနှင့်ပြည့်စုံခြင်းရဲ့ အကြောင်းဖြစ်တယ်။ အဒေါသဆိုတာ မေတ္တာပဲ။ မေတ္တာများတဲ့ ပုဂ္ဂိုလ်တွေ၊ သူတစ်ပါးကို ချမ်းသောစေလိုတဲ့ ပုဂ္ဂိုလ်တွေ သီလတွေ လုံခြုံကြတယ်။ သူတစ်ပါးကို ချမ်းသာစေလိုတဲ့ ပုဂ္ဂိုလ် သူတစ်ပါးအသက်ကို မသတ်နိုင်တော့ပါဘူး။ သတ်လိုက်ရင် သူတစ်ပါးတွေ ဆင်းရဲသွားတော့မယ်၊ မသတ်တော့ပါဘူး။

သူတစ်ပါးကို ချမ်းသာစေလိုတဲ့ပုဂ္ဂိုလ် သူတစ်ပါးပစ္စည်းလည်း မခိုးနိုင်တော့ဘူး၊ ခိုးလိုက်ရင် သူတစ်ပါးတွေ စိတ်ဆင်းရဲ၊ ကိုယ်ဆင်းရဲ ဖြစ်ကြရတော့မယ်။ မခိုးတော့ပါဘူး။ အဒေါသက သီလ လုံခြုံခြင်း၊ သီလပြည့်စုံခြင်းရဲ့ အကြောင်းဖြစ်တယ်။

အဒေါသ မေတ္တာက သီလလုံခြုံခြင်းရဲ့ အကြောင်း၊ သီလနှင့် ပြည့်စုံခြင်းရဲ့ အကြောင်း၊ သီလ လုံခြုံအောင် ကျေးဇူးပြုတယ်။

ဒေါသကတော့ သီလပျက်ကြောင်းဖြစ်တယ်။ ဒေါသကြီးတဲ့ပုဂ္ဂိုလ် မကြာခဏ သီလပျက်တတ်ပါတယ်။ သတ်ချင်လည်း သတ်ပစ်လိုက်တယ်။ ပုတ်ချင်လည်း ပုတ်ပစ်လိုက်တယ်။ ခိုးချင်လည်း ခိုးပစ်လိုက်တယ်။ ဒါကြောင့် ဒေါသက သီလပျက်ကြောင်းဖြစ်တယ်။ မကောင်းတဲ့ ဒေါသဟိတ်ဖြစ်လာရင် သီလပျက်အောင် ကျေးဇူးပြုတယ်။ ကောင်းတဲ့ အဒေါသဟိတ်ကတော့ သီလနဲ့ ပြည့်စုံအောင် ကျေးဇူးပြုတယ်။ ဒီတော့ ကောင်းတဲ့ဟိတ်တွေ များများဖြစ်ဖို့ လိုအပ်ပါတယ်။

အမောဟော ဘာဝနာဟေတု။
အမောဟော = အမောဟသည်၊ ဘာဝနာဟေတု = ဘာဝနာကုသိုလ်နှင့် ပြည့်စုံခြင်းရဲ့ အကြောင်း၊ ဘာဝနာကုသိုလ်နှင့် ပြည့်စုံခြင်းရဲ့ အကြောင်းဖြစ်တယ်။

မောဟက တရားအားမထုတ်နိုင်ခြင်းရဲ့ အကြောင်းဖြစ်တယ်။ တွေတွေဝေဝေနဲ့ မောဟကြီးတဲ့ပုဂ္ဂိုလ်များ တရားအားမထုတ်နိုင်တော့ဘူး။ ဉာဏ်တုံးနေတယ်။ အမောဟဆိုတာ ဉာဏ်ပညာ၊ ဘာဝနာဆိုတာ ဉာဏ်ပညာအရာ၊ ဘာဝနာမှာ မွေ့လျော်နိုင်တဲ့ပုဂ္ဂိုလ်ဟာ သူ့မှာ ဉာဏ်ပညာနဲ့ ပြည့်စုံလို့ပဲဖြစ်တယ်။ မမွေ့လျော်နိုင်ဘူး၊ ဘာဝနာတရားကို အားမထုတ်နိုင်ဘူးဆိုတာ သူ့မှာ ဉာဏ်တုံးနေလို့ မောဟဟိတ်တွေ များနေလို့ ဖြစ်တယ်။ ဟိတ် (၆)ပါးက ကျေးဇူးပြုပုံ ထင်ရှားပါတယ်။

အလောဘက ဒါနနဲ့ ပြည့်စုံအောင် ကျေးဇူးပြုတယ်။ လောဘက မလှူနိုင်အောင် ကျေးဇူးပြုတယ်။ အဒေါသက သီလနှင့် ပြည့်စုံအောင် ကျေးဇူးပြုတယ်။ ဒေါသက သီလပျက်အောင် ကျေးဇူးပြုတယ်။ အမောဟက ဘာဝနာကုသိုလ်နှင့် ပြည့်စုံအောင် ကျေးဇူးပြုတယ်။ မောဟက ဘာဝနာတရားတွေ အားမထုတ်နိုင် ကျေးဇူးပြုတယ်။ ထင်ရှားသွားပါပြီ။ ဘယ်သူ့သန္တာန် မှာလည်းဆိုတော့ ယောဂီများရဲ့ သန္တာန်မှာ ဖြစ်နေတာပါပဲ။ သတိထားသင့်ပါတယ်။ လောဘ၊ ဒေါသ၊ မောဟတွေကို မြန်မြန်ပယ်နိုင်ရအောင် များများပယ်နိုင်ရအောင် အားထုတ်သင့်ပါတယ်။ အလောဘ၊ အဒေါသ၊ အမောဟတွေ မိမိသန္တာန်မှာ ပြည့်စုံလာရအောင် အားထုတ်ရမယ်ဆိုတဲ့ အဓိပ္ပါယ်ပါပဲ။

သေခြင်း (၆) မျိုး

ဟေတုပစ္စည်း၏ အကြောင်းတရားနှင့် အကျိုးတရားတို့ကို သိထားသင့်ကြပါတယ်။ အကြောင်းတရား အရင်းခံပြီး အကျိုးတရားဖြစ်ပုံကို အဋ္ဌကထာဆရာများက ဆက်လက်ပြီး ဖွင့်ပြထားပါတယ်။

အလောဘေန ပေတ္တိဝိသယေ န ဟောတိ။
အလောဘေန = အလောဘဖြင့်၊ ပေတ္တိဝိသယေ = ပြိတ္တာဘုံ၌၊ ဥပတ္တိ = ဖြစ်ခြင်းသည်၊ န ဟောတိ = မဖြစ်။

အဒေါသေန နိရယေ န ဟောတိ။
အဒေါသေန = အဒေါသဖြင့်၊ နိရယေ = ငရဲပြည်၌၊ ဥပပတ္တိ = ဖြစ်ခြင်းသည်၊ န ဟောတိ = မဖြစ်။

အမောဟေန တိရစ္ဆာန ယောနယံ န ဟောတိ။
အမောဟေန = အမောဟဖြင့်၊ တိရစ္တာနယောနိယံ = တိရစ္ဆာန်မျိုး၌၊ နိဗ္ဗတ္တိ = ဖြစ်ရခြင်းသည်၊ န ဟောတိ = မဖြစ်။

အလောဘက ပြိတ္တာဘုံမှာ မဖြစ်နိုင်ခြင်းရဲ့ အကြောင်း။ အဒေါသက ငရဲဘုံမှာ မဖြစ်နိုင်ခြင်းရဲ့အကြောင်း။ အမောဟက တိရစ္ဆာန်မျိုး၌ မဖြစ်နိုင်ခြင်းရဲ့ အကြောင်း။...ဆိုတာ ထင်ရှားပါတယ်။

လောဘက ပြိတ္တာဘုံမှာ ဖြစ်ခြင်းရဲ့ အကြောင်း။ ဒေါသက ငရဲဘုံမှာ ဖြစ်ခြင်းရဲ့အကြောင်း။ မောဟက တိရစ္ဆာန်ဘုံမှာ ဖြစ်ခြင်းရဲ့ အကြောင်း။...ဆိုတာ ထင်ရှားပါတယ်။ ဟေတုပစ္စည်းက ကျေးဇူးပြုတာ ထင်ရှားပါတယ်။

လောဘအားကြီးရင် လောဘနဲ့သေရင် ပြိတ္တာပြည်မှာ ဖြစ်လိမ့်မယ်။

ဆောင်ပုဒ်။ ။ လောဘနှင့်သေ၊ ထိုသူတွေ၊ ရောက်လေ ပြိတ္တာပြည်။

ဟေတုပစ္စည်း-လောဘက ကျေးဇူးပြုတာ ပြိတ္တာပြည်ရောက်သွားပါတယ်။

ဆောင်ပုဒ်။ ။ အလောဘနှင့်သေ၊ ထိုသူတွေ၊ ရောက်လေလူ နတ်ပြည်။

အလောဘတည်းဟူသော ဟိတ်ဟေတုပစ္စည်းက ကျေးဇူးပြုလိုက်တာ လူ့ပြည်၊ နတ်ပြည်၊ ဗြဟ္မာပြည်ထိ ရောက်နိုင်ပါတယ်။ "လူ့ပြည်၊ နတ်ပြည်" ဆိုတာ ဥပလက္ခဏနည်းပါပဲ။ ဗြဟ္မာပြည်လည်း ရောက်ကြတာပါပဲ။

ဆောင်ပုဒ်။ ။ ဒေါသနှင့်သေ၊ ထိုသူတွေ၊ ရောက်လေ ငရဲပြည်။

ဟေတုပစ္စည်း ဒေါသကနေ ကျေးဇူးပြုတာ ငရဲကို ရောက်တယ်။ ဒီတော့ ဒေါသကင်းအောင် နေသင့်ပါတယ်။

ဆောင်ပုဒ်။ ။ အဒေါသနှင့်သေ၊ ထိုသူတွေ၊ ရောက်လေလူ နတ်ပြည်။

ဟေတုပစ္စည်းမှ အဒေါသက ကျေးဇူးပြုလို့ လူ့ပြည်၊ နတ်ပြည်၊ ဗြဟ္မာပြည်သို့ ရောက်သွားနိုင်တယ်။

ဆောင်ပုဒ်။ ။ မောဟနှင့်သေ၊ ထိုသူတွေ၊ ဖြစ်လေ တိရစ္ဆာန်။

မောဟတည်းဟူသော ဟေတုပစ္စည်းက ကျေးဇူးပြုလို့ တိရစ္ဆာန်ပြည် ရောက်သွားပါတယ်။ တိရစ္ဆာန်ဆိုတာ တွေတွေဝေဝေဖြစ်တယ်။ တွေတွေဝေဝေဖြစတော့ ကောင်းမှုကုသိုလ်တွေ မဖြစ်နိုင်ကြတော့ဘူး။ လူ့ပြည် ပြန်ရောက်ဖို့က အလွန်ခဲယဉ်းသွားကြပေတယ်။ မောဟ မိမိတို့သန္တာန်မှာ ကင်းနိုင်သမျှ ကင်းအောင် အားထုတ်သင့်ပါတယ်။

ဆောင်ပုဒ်။ ။ အမောဟနှင့်သေ၊ ထိုသူတွေ၊ ရောက်လေ နိဗ္ဗာန်ပြည်။

အမောဟဆိုတာ ပညာ၊ ပညာဉာဏ်နှင့် သေသွားရင် အမြတ်ဆုံး အထွပ်အထိပ် အကျိုးကတော့ နိဗ္ဗာန်ပြည်ဖြစ်တယ်။ လူ့ပြည်လည်း ရောက်နိုင်တယ်။ နတ်ပြည်လည်း ရောက်နိုင်တယ်။ ဗြဟ္မာပြည်လည်း ရောက်နိုင်တယ်။ အမောဟနှင့် သေနိုင်ဖို့က သိပ်အရေးကြီးတယ်။ အမောဟ အထုံဝါသနာတွေ ပါပြီးတော့ ကွယ်လွန်ခါနီးမှာ အမောဟနဲ့ သေရင်တော့ သူ့ရဲ့ပါရမီအားလျော်စွာ မြင့်မြတ်ရာ ဘုံဘဝတွေ ရောက်နိုင်ပါတယ်။ နိဗ္ဗာန်သို့လည်း ရောက်သွားနိုင်တယ်။ ပညာနဲ့ သေဖို့က အမှတ်တရားနဲ့သေမှ။ မှတ်နေတုံးမှာ ဝိပဿနာဉာဏ်တွေ ဖြစ်နေပါတယ်။

အဲဒီ ဝိပဿနာဉာဏ်ဖြင့် ကွယ်လွန်ရမယ်ဆိုရင်တော့ အထက်တန်းတန်းကျကျ ဘုံဘဝတွေကို ရောက်သွားမှာပါပဲ။ ကွယ်လွန်ခါနီးတော့ ကွယ်လွန်လောက်တဲ့ ရောဂါဝေဒနာတွေနှင့် ပုဂ္ဂိုလ်တိုင်း ပုဂ္ဂိုလ်တိုင်း တွေ့ကြရပါတယ်။ အဲဒီရောဂါဝေဒနာ ဒုက္ခဝေဒနာတွေကို လွှမ်းမိုးနိုင်အောင် မှတ်နိုင်မယ်ဆိုလို့ရှိရင်၊ အဲဒီလို မှတ်ရင်း မှတ်ရင်း ကွယ်လွန်သွားလို့ရှိရင် .. အမောဟဉာဏ်ပညာနဲ့ သေတယ်လို့ ခေါ်ပါတယ်။ ဟေတုပစ္စည်းက ကျေးဇူးပြုလိုက်တော့ မြင့်မြတ်ရာ ဘုံဘဝကို ရောက်သွားနိုင်ပါတယ်။

ဆက်ရန် ... ဟေတု ၁(ဂ)သို့

အပြည့်အစုံသို့...

 
အမတံ ဒဒေါစ သော ဟောတိ - တရားအလှူပေးလှူသူသည် အမြိုက်နိဗ္ဗာန် ပေးလှူသူမည်၏။ (ဘဝတိုင်း ဉာဏ်ထက်မြက်စေ၏။)

ဤဓမ္မblogမှ တရားများအား ဗုဒ္ဓသာသနာတော် အဓွန့်ရှည် တည်တန့်ရန် ဖြန့်ဝေကြပါခင်ဗျား။


တခြားဘာသာများ လေ့လာချင်ရင်....
သမ္မာကျမ်းစာ-မြန်မာပြန် (Bible)
ကုရ်အာန်ကျမ်းစာ-မြန်မာပြန် (Quran)
ဟိန္ဒူ ဘာသာ (Hinduism)
ဂျူး ဘာသာ (Judaism)
ဂျိန်း ဘာသာ (Jainism)
အစ္စလာမ် ဘာသာ (Islam)

Followers

ကျွန်တော့် အကြောင်း

ဆက်သွယ်ချင်ရင်